Vollständiger Band - Hansischer Geschichtsverein

450
Versammlung zu Pernau. — 1450 Mai 4.
van Darbte her Johan Duderstad, her Cerges up dem Berge; van Revel her
Marqwart Bretholt, her Johan Hanepol, her Johan Dusebergh, her Johan Velt-
husen; van der Pernowe her Cord Vr^man, her Rotger Schryver; van Wenden
her Tideman Riman; van Woldemer her Niclaus Oesterriik; vanVellin herHinrik
van der Becke; van Kokenhusen her Johan Punder; van Lempsel her Kerstien
Borkenbergh, hebben gehandelt desse nagescreven sake int gemene beste.
1. Int erste spreken desse vorbenomeden radessendebaden van der besendinge,
de gesehen is nielinges to Naugarden van der gemenen stede wegen.
Darvan is den van Lubeke gescreven eyn breff van lude navolgende. Folgt n. 599.
2. Item so is den van Danczike van dessen sylven saken gescreven eyn
breff van lude navolgende. Folgt n. 600.
3. Item so spreken desse vorbenomeden van der schra to Naugarden, dat
de sere geswaket werde bii regimente etliker junger lude, dar dem gemenen gude
veile besweringe van kompt. Alsus hebben se den Darbtschen und Revelschen
bevalen und vulle macht geven, dat se siik vorkoveren eynes erliken stanthaff-
tigen mannes, den se up de hove to Naugarden vor alderman schicken up dat
erste, welke de den gemenen Dutschen kopman, de dar to sokende werd, in gud
regiment und to dem alden helpe bringen, dem desylve Dutsche kopman gehorsam
sal halden na lude der schrä. Diit sollen desylven van Darbte und Revel dem
kopman to Naugarden schryven.
4. Item so sin desse radessendebaden eynsgeworden und hebben besloten,
dat neyne koplude van Fransosen, van Walen, van Lumbarden, van Engelschen,
van Schoten, van Spangerden, van Vlamyngen und van solken wenderlingen sollen
noch mögen kopslagen in dessen Lifflandeschen steden. Isset dat etwelk hir
kompt, den sal men ungekopslaget utwysen den wech den he ingekomen is, und
men sal en ok nicht gunnen in Ruslande to theende. Were ok we van Dutschen,
de siik erer gudere undirwunde edder ere tolk worde, de sal vorvallen in pene
van 50 mark Rigesch der stad dar dat geschut und dar he inne beslagen wert.
5. Item spreken desse vorbenomeden radessendebaden und hebben besloten
ume gemene neringe to behaldende, de van oldinges gewesen hefft, dat men in
neyner stad to Liefflande honnich seinen sal bii pene van 50 mark Rigesch up
elke last, to brekende der stad dar dat beslagen und gefunden wert.
6. Item so sin desse vorbenomeden eynsgeworden, dat degenne, de hir win
up de Russen to kope bringen in boten, dat se de na older wonheit bii boten vor-
kopen, is aver we de de boten vorlaten und breken willen, de sollen en in
herinkbant vorlaten und darinne sliten undir der stad merke, dar he utgefort
wert, und anders sal men den win mit den Russen in neynen tunnen sliten bii
vorboringe des gudes.
7. Item spreken desse vorbenomeden und sin eynsgeworden, dat nemant
schone trogenisse mer kopen sal und ok neyn schonewerk beteen sal bii vorboringe
des gudes, so als dat in vortiden berecesset is gewesen.
8. Item so willen desse vorbenomeden, dat men alle laken lank genoch
make, benemeliken de halven Iperschen, und dat men de in erer ersten wonliken
tostekinge late blive[n]a, und ok dat nemant twe halve Ipersche tosamende in
eyn valde bii vorboringe der laken.
9. Item so willen desse vorbenomeden, dat men nene Engelsche lakene hir
to lande bringen sal, de eynen anderen wech gevervet edder wedderume ge-
vervet sin. Ok sollen desylven laken in erer egen valdinge bliven und men sal
a) blire 7?.
Digitized by ooQle