Vollständiger Band - Hansischer Geschichtsverein

434
Verhandlungen za Brügge. — 1449 Aag. — Dec.
570. Desgleichen: meldet, dass der Gebrauch der Privilegien ihm seit der Rückkehr
von Kent wieder eugestanden und die zu Brügge vereinbarte Tagfahrt vom
Kg. beliebt worden ist, der Seeraub jedoch seinen Fortgang nimmt; ersucht,
den Kfm. zu warnen. — 1449 Dec. 7.
K au» StA Köln, Handschr. flandr. Verhandl. 1449, sign. n. SO, vgl. n. 564, f. 23.
Den eirberen wiisen und vorsenigen heren sendeboden der ge*
meynen hansesteide to Brugge in Ylaenderen wesende, unsen lieven
heren ind sunderlinges guden vrunden.
Unse fruntlike grote und wes wii gudes vormoigen alle tziit tovoeren. Eir-
baren heren und sunderlinges guden frunde. Wii hebben ju vor deser tiit ge-
schreven, dat wii restituert weren tot unsen Privilegien, sonder dat was gedaen
met ener clausulen dar ingethaghen ter tiit to dat de koeninck anders to raide
worde, ind umb dat die worde darynne geroret weren so en konde wii nicht ten
ende ghekomen, wer wii unse vriidom gebruken solden eder nicht. Dan nu late dat
meister Thomas Kent es gekomen in des koninges raedt und hevet siine relacie
gedaen, ind uyt siiner relacien hevet uns de koeninck andere brieve gegeven, dat
wii vull ind all, allerleye condicien dar ute gelaten, sullen bii unsen Privilegien
ind vriiheiden staen, die van Lubeke ind van Dantzke allene utgenoymen. Noch-
tant en könne wii nicht verwaer schriiven, wo wii darmede varen sullen; die
custnmers en meynen dar nicht van to halden, und wii menen se sullen, und dit
hanget noch ant recht. Sonder wii hapen des besten. Hür es ock siint dat
meister Thomas Kent quam ene generale proclamacie gemaket aver alle dit lant,
dat alle die van der hanse und Pruesen und Hollant, Zeelant, Brabant und
Ylaenderen vrii und velich mit yren guderen sullen komen und gaen, nyemant
en to mysdoende an liive ind gude up die pene dat sali vallen daraff. Sonder
lieven heren, dar es quaet troesten to, wii und ock die Holländers und Zeelanders
werden alle daige ghenamen. Se hebben nu kurt twe Pruessche holke genamen
in die Westkost, Hoppenbruwer und Peter Reynken, körnende van Liissebon, und
dat hebben die van Londen und die van Hull gedain. Ock liggen hiir vor der
Themese und tusschen Jerremude dre off viir ballingers und nemen wat se krigen
können. Se hebben genamen nu kurt eyn schip mit Riinschen wiine und twe
ander schepe ock met Riinschen wiine to Collen und to Nymegen to huyss
hoerende, die halden se bii Jerremude in der havene liggende, dat se nicht uyt
doren segelen tot eren groten costen. Yortmer eirberen heren, so hevet die
coeninck* confirmeirt und bestedighet den dach vermyds ju und meister Thomais
begrepen, den to halden geliick also ghii in des koeninges breve woll bevyndende
werden. Mochte men ju eirberen heren mit schrifften betailen, der solde ghii
genoich kriigen, sonder schriiven und doen is twiierleye. Wii begeren, dat ghii
den gemenen coepman wellen warnen, dat he gheyn guet her en sende, he en
kome starck genoich; ock Pruess guet, Lübecks guet, stockfisch und ander guet
uyt den steden en dorren wii nicht raeden her to brengen, dat ellick mach doen
up siin egeyn aventhuyr, went alle dat komet na desen daige dat moit certi-
ficacien brengen, dat Lubeke noch Danszke dar part noch deell an en hebbe.
Anders en wette wii up dese tiit nicht to schriiven. De almeichtige Got beware
ju eirberen altziit in salicheit. Geschreven under unse segell, upten 7. dach in
dem maende decembri, anno etc. 49.
Alderman und gemeyn coepman van der Duetschen hense,
nu to Londen in Engellant wesende.
») coeninckt K-
Digitized by ooQle