Vollständiger Band - Hansischer Geschichtsverein

Versammlung zu Bremen. — 1449 JuL 25. 411
uthe deme lande moghe voren unde bringen; unde wes de copman also to subsidie
utgifft, anscrive unde tekene wente to der tiid, dat de stede van der hense
vurdere vorsenicheyt darup hebben moghen. Ok dunket den vorscrevenen sende-
baden der stede van der hense ratsam unde nutte, dat men na desser tiid in
Engelant nene gudere vöre unde bringhe*, er de stede van der hense anders wes
werden to rade, uppe dat deshalven nemant schaden liden dorve. Jodoch wyl de
copman van der hense ventegudere in Engelant uppe sin eventure schepen unde
vören, dat stellen se to des copmans wylkore unde wyllen.
5. Item alse int jar 47 by den gemenen steden van der hense bynnen
Lubeke vergaddert ichteswelke sendebaden an den heren hoemester to Pratzen
utgesant worden, umme sinen gnaden des copmans van der hense in Flanderen
unde Engelant gebreke unde der gemenen hensestede begheringe to underwy-
sende, unde sodane gelt, alse de sendeboden in sulker reyse vorthereden, scolden
de van Lubeke int erste vorleghen, worvan de copman in Flanderen de helffte
unde de copman in Engelant de anderen helffte entrichten unde betalen scolde1:
des hebben desulven van Lubeke vor den vorscreven sendebaden der stede van
der hense geopent, dat en de helffte der vorscrevenen theringhe van deme copmanne
in Engelant nicht entrichtet werden moghe, begherende den copman also to
underwysende, dat en sodane ghelt werde entrichtet unde betalet. Worupp de
sendebaden des copmans in Engelant vorantwerden, menende, dat se na inneholde
des recesses danipp gemaket to sodaner betalinge unvorplichtet wesen
scholden. Worupp de van Lubeke antwerden unde seden, al weret so dat in
deme artikele des recesses de materien andrepende dat also nicht were utge-
drucket unde vorwaret, so were dat doch den heren von den sendebaden der
stede darto geschikket wol indechtich unde wytlik, dat sulkent alse vorscreven is
twusschen den sendebaden der gemenen stede unde den sendebaden des copmannes
in Flanderen unde Engelant vorhandelt unde ensgedregen were. Hirupp de vorscrevenen
sendebaden der gemenen stede van der hense siik bespreken unde na
besprake affseden, nachdeme den sendebaden der stede darto geschikket indechtich
were, dat sodane kost unde theringe, alse men an den heren hoemester to
Pratzen dön scolde, de helffte de copman to Bruge unde de anderen helffte de
copman in Engelant scolde entrichten unde betalen, wes ok de besendinge to
Flanderen wert kosten wolde dat scolde de copman to Bruge utrichten unde betalen,
were ok nöt unde behoeff bodeschupp unde besendinge in Engelant to
donde de kost unde theringe scolde de copman in Engelant entrichten, scheghe
ok besendinge an den heren koningk to Frankrike sodaner kost scholde de copman
to Bruge de twe deel unde de copman in Engelant den drudden deel utrichten
unde ghelden: daramme so were billik und geborlik, dat de copman in
Engelant de helffte der vorscrevenen theringe in .Prutzen scholde ghelden unde
entrichten. Were ok dat de artikel in deme recesse int jar 47 gemaket van der
materien rorende breder unde lenger inneholdende utwysede, so scholde men den
wandelen unde nicht anders men alse vorscreven steyt vorstan unde vornemen.
An welkeme utsproke de van Lubeke vulbordeden unde dorane weren to vreden,
doch begherden de vorscrevenen sendebaden des copmans in Engelant, dat de be-
talinge sodanes geldes uppe de vorscreven dachvart bynnen Bremen verramet bestände
bliven mochte, dar desulven van Lubeke in vulbordeden sovere se denne
van sodaneme gelde unvortogherde utrichtinge unde betalinge moghen hebben.
Ok is dosulves utgespraken unde vorhandelt, dat de sendebaden des copmans in
a) Ecce inhibicionem ne mercatores introducant bona in Angliiim K 1 a. R,
>) N. 288 § 22.
52*
Digitized by ^ m00q i e