Vollständiger Band - Hansischer Geschichtsverein

406
Versammlung zu Bremen. —• 1449 Jul. 25.
lisschen nu am nesten freytage vor dem pfingstage in der seh genomen haben
hundirt und 30 schiffe, davon haben heym gehört eczliche ken Franckreich, ecz-
liche ken Hispanien, eczliche ken Flanderen, eczliche ken Hollandt, Zeelandt,
Vrislandt etc., eczliche in die hensestete und eczliche ken Danczk; der sein gewest
14 grosse holke, die besten und grosten die czu Danczk gewest seyn, mit
zalcze und sust manchirleyen guttirn. Und sint denne wir, unsir orden, des
landes und undirsassen nicht andirs denne frundtschaft mit den Englisschen gewust
haben und sie die unsirn also gröblich haben beschediget, so seyn wir czu rathe
gewurden und haben alle Englisschen, die alhie czu Danczk und im ganczen lande
die czeit woren und seyn, alle lassen uffzetczen gefangen und haben en rostiren,
besperren und in sicher verwarung thun lassen alle ire schiffe, leip und gutter,
der wol so vele ist, das men sich daran getruwet czu dirholen der schaden, die
sie nu den unsirn czugeczogen haben. Wir haben vast gefraget, so können wir
nicht vornemen, das irkeyn schiff darundir were gewest und genomen, das ken
Leyfflandt heym gehöret, lins seyn ouch nu kurczlich czeitungen getan czu wissen,
wie die herren herezogen van Barten und Wolgast nu bynnen acht tagen in der
seh ire landt rurende angefertiget haben eczliche schiff, die seyn gekomen von
Hollandt und wolden czu Danczk segeln; sie habens en gancz hert geleget und sie
ernstlich mit slan und schissen angegangen, sundir die in den schiffen haben sich
gancz sere czur were gestalt und haben sich irer mit ganczer were und macht
endsaezt, so das van beiden teilen vast lewte seyn gebleben. Und dieselben
schiffe haben sich geteillet, eczliche ken Lubek eczliche ken Sunde und sust hen
und her, wo sie am nesten bey die stete haben mögen komen, uff das sie alda
ire toden begraben und czur erden brengen haben mögen *. Der here koning czu
Polan ist nach in Littawen, men spricht, das em herezog Michel grossen schaden
mit der Tattern hülfe habe getan und wol 2 slosser abgewonnen. Die Polan
schicken sich gancz czu krige, wenne sie aber czu wellen, das kan men vorwar
nicht gewissen. König Erik ist eczliche czeit gewest in Pomern, so saget men,
her sey nu kurczlich widder obirgeezogen und habe wol 800 man us Pomern mit
em genomen, darczu den herezog van Barten und ouch den herezog van Wolgast,
die sollen ouch vast lewte mit en haben. Sie werden sich, als man spricht, mit
koning Cristierno czum Borneholm treffen und czusampnekomen; men spricht, sie
werden 18000 man czusampnebrengen und alle* ken Gotlandt czyhens. Uns
haben ouch die 2 koninge, Karol[us]b czu Sweden und Cristiern czu Dennemarcken,
beide geschreben und gebeten, das wir uns durch unsir und ouch der henzestete
sendeboten der schelungen irer krige undirnemen und uns darinne bearbeiten
weiden, das die czu frundtlichem usztrage mochten gedeyen und komen. Alse
haben wir en widder geschreben, wir wolden darynne pflegen unsir gebietiger
rat, die hetten wir itezundt bey uns nicht, sundir so wir die bey uns haben
wurden, darnach weiden wir en unsere meynung schreiben und wissen lassen5.
Geben czu Slochaw, am freitage nest nach divisionis apostolorum, im 49 jare.
a) aller K. b) Karolo K.
’) Vgl. Strals. Chron. ed. Mohnike 1 S. 191. 2) Vgl. Strals. Chron. ed. Mohnike
1 S. 190 ff.; Grautoff, lüb. Chron. 2 S. 122. Auch Hamburg steuerte auf Ansuchen des
Hg. Adolf 800 iS non ex debito sed ex amicicia in subsidium reise sue nach Goüiland ck.
Koppmann, Hamb. Kämmereirechn. 2 S. 81. 8) Vgl. das Schreiben K. KarU an
deft Hm. bei Siyffe Bidrag S. 5; die hier angezogene Antwort des Hm. (SA Königsberg,
Missive 17 S. 321) dalirt [14]49 (Margarethe) Jul. 13. Am 11 Aug. (montag na s. Laurenden)
[14]49 erklärte sodann der Hm. nach Berathung mit seinen Gebietigern den Kg. Karl teie
Christian, dass er bereit seiy zwischen ihnen zu vermitteln^ falls die Tag fahrt nach Wolgast
adir da umbelang an der neede verlegt werde (Missive 17 S. 354 an\K. Karl und S. 357 an K
Christian v. 19 Aug.).
Digitized by ooQle