Vollständiger Band - Hansischer Geschichtsverein

Verhandlungen zu Lübeck. — 1449 Mrz. 387
zcu einer fruntlichen entscheid ungen und endungen, doch uff unsers heren ho-
meisters behag und willen*.
23. Itemb darna als de Engelschen met den heusesteden do gescheden
weren des sunnavendes vor palmen1, do togen de stede wedder van hir to hus.
Unde des hern homesters sendeboden bleven do noch to Lubeke liggen des dins-
tages na palmen *, unde begerden bynuen der tiid dat sey dar legen, dat de rath
van Lubeke en wolden en recess geven van der verhandelunge unde slutunge,
als dat int leste gehandelt were, unde desgeliken ok, dat sey den Engelschen,
of se des begerende weren, ok daraf en recess geven wolden. Also datc se uns
toseggeden, dat se dem gerne also don wolden.
24. Item als wii do dat reces hedden, do senten de rath van Lubeke ok
den Engelschen desgeliken ok en reces in Latine gescreven, dat de Engelschen
by sik behelden bet in den anderen dach. Unde do wii do bereyt weren unde
wolden ok to hus wert, do leyten uns de Engelschen sendeboden dorch den
dottorem van Lubeke seggen, dat se begerende weren van uns met en to spreken,
sunderlix met dem hem vagede unde Reynalde unde Jurjen; unde den hern
dotter, per[ner]d von Thoren, en wolden sey dar nicht by hebben. Item do
drege wii under uns ok overen, dat de dre personen, de se begerende weren,
solden to en gan in den döm to Lubeke. Do sey dar quemen by de Engelschen
sendeboden, spreken sey to uns drey personen, also wii dat ene olde vmntschop
unde guden willen van olden langen tiiden gewest were tuschen dem hern konyng
van Engelant unde tuschen dem hern homeister unde dem orden, dat solke olde
vruntschap also gevoget worde, dat umme kleyne sake de nicht gebroken en
worde. Unde weren vort begerende von uns, an unsen hern den homester to
brengen, wert sake dat de dach to Deventer begrepen, vorlevet unde gehalden
solde werden, dat alsdan de here homester schikken unde vogen wolde notabele
unde gude beqweme personen, den to vrede leff were, unde dat dan desulven
personen in vuller macht komen worden gelik des hem konynges sendeboden
komen worden, van privilejen unde vort van al anderen saken vulmechtich to
synde; unde ok dat de here homester ok solde sulff seste syner olden gebei-
digeren sweren, dat des Ordens ingesegel bynnen der tiid dat privilegium den
Engelschen vorsegelt nicht vorwandelt en were, unde off de here konyng alse
beraden worde, dat he dat privilegium medde to Deventer senden worde unde
dar dan rechtverdich irkant worde, dat [dat]® alsdan vort den Engelschen kopman
geholden werde, unde wert sake dat ok unrechtverdich gefunden worde, so en
begerden sey ok vorder dar nicht mer op to saken. Item hirop des hem homesters
sendeboden antwerden, als van der olden vmntschop tuschen beiden heren
und beiden landen van olden tiiden gewant were etc., des geliken se ok spreken
unde segeden van des hern homesters wegen, dat syne genade, gebeidiger, lande
unde stede de olde vruntschop ungerne met kleynen dingen unde ok van gansen
herten let were, dat sey nicht en hopeden tobroken solde werden, wante de
here homester altiid begerende is vrede unde endracht etc. Vortmer darby
segende, dat sey gerne werven willen an eren hern den homester na erer be-
gerunge, als int erste van der vullen macht met des ordens segele vorsegelt, unde
vort notabile personen to senden, unde dat de here homester met samt anderen
a) Folgen stcei unbeschriebene Bl., hierauf w. 503 D. b) Vgl. die Hs.beschreibung am Kopf*
dieser N. c) se dat se D. d) perre D. e) dat fehlt D.
‘) Apr. 5. s) Apr. 8.
49*
Digitized by C.ooQle