Vollständiger Band - Hansischer Geschichtsverein

Verhandlungen zu Lübeck. — 1449 Mrz. 385
undersasen [nicht]“ zcu vorder mftve und vordriesz quemen, und wir ouch noch
ander bevelungen und sachen von unsere hern homeisters wegen an sie zcu
brengende und zcu werben hetten, das her dis alsz an sie brengen weide und
uns eine czeit und eren willen doruff zcu wissen thuen, das wir uns weder mit en
mochten vorsampnen. Dem derselbige Niclous Bar also tethe und wir mit den-
selbigen Engelschen sendebothen weder zcusampne qwomen am obende unser
lieben frawen annunciacionis1 etc.
21. Item also am vorberurten tage wir mit en zcusampne qwomen, sie frunt-
lichen bothen und von en begerende woren, als vorberurt ist, uff einige ander
mögliche und redliche weisze und wege helfen zcu raten und gedenken, das wir
alsus siecht und an ende uns nicht schieden, dabey en ouch vorgebende von
mancherhande schaden, gewalt und thotungen etczlichen undersasen awsz Prewsen
van den van Engelant gescheen und gethan, und besunder eine persone, den die
beschedigeten mit uns gesant hatten, der in Claus Moyen schiff gewest was, en
muntlichen vorczalte, wie derselbige Claus Moyen von dem leben zcum thode von
den Engelischen gekomen were und sie em schiff und gut genomen hetten. Hiruff
der Engelischen sendebothen antwort was, das es nicht nutczlich were eynigerley
handelung ader besliesung anczugeen mit uns, so unser macht gancz ungeleich
were kegen erer macht, besunder so unser macht allene stunde uff den irsten tag
marcii und dabey nicht awszgedrucket were, den tag zcu vorlengen und zcu vor-
czien, und sust mit anderen infellen, domitte sie vormeineten und vormosen sich
mit allen rechten und gelarten zcu beweren und zcu beweisen, was sie mit uns
beslissen ader enden worden unsere machtbriefes halben, das nicht von wirden
und bestendig zcu sein; ouch czulegende, das mit uffsatcze und willen und samb
von listikeit und betriglichkeit und zcu gespotte und smoheit erem heren
konige und in, seynen sendebothen, ein sulcheins gescheen were, vormeinende,
billich gewest zcu sein, uns mit geleicher macht samb von worthe zcu worthe als
ir machtbrieff lawthe gekomen sulden sein, nochdeme sie dem heren homeister
copien eres machtbriefes bestalt und geschicket hetten, begerende mit geleicher
macht ere sendeboten dysze tagfart zcu besenden. Ouch dieselbigen Engelischen
sendeboten, als uff den vorberurten schaden und totunge etczlicher undersasen
von Prewsen von den von Engelant gescheen und getan, antworten und be-
gerethen, sulchen schaden, gewalt und vorunrechtungen en in Schriften oberzeugeben,
den zcu besseren und doruff zcu antwortende. Hiruff wir en weder antworten,
uff das hogeste den hem homeister entschuldigende, das sie unserm
hern homeister ein sulcheins umbillich und unmöglich zculegeten, so der here homeister
uns in sulcher meynungen als uff listikeit ader betriglichkeit nicht awsz-
gesant hette, ouch noeh gewonlicher weisen und formen seiner cancellarien und
noch deme das siner gnoden notdürftig sein dewchte uns awszgesant hette mit
sulcheime unserem machtbriefe, als sie geseen und gehört hetten, gancz meinende,
das en doran billich sulde genüget haben; en ouch dorczu sagende, das sie mit
nichte zcweifelen solden, worden wir icht mit en besliesen ader enden, der here
homeister worde das an seime teile stete und feste halden, das der here konig
deszgelichen ouch tette, und dorumb deste weniger mit uns nicht lasen weiden
zcu handelen und sich zcu beerbeyten, umb doch etezwas under uns fruntlich zcu
enden und entscheiden. Ouch dieselbigen Engelischen sendeboten weder vyelen
mit mee Worten uff die voreinunge Hinrich Vorrates etc., meinende, en vollmech-
tig gewest sein und dieselbige voreinunge von wirden czu sein, und das ouch wol
a) nicht fehlt D.
») Mrz. 24.
Hanäerftcesso t. 1431—76. III. 49
Digitized byGoogle