Vollständiger Band - Hansischer Geschichtsverein

384
Verhandlungen zu Lübeck. — 1449 Mrz.
die nye beweiset hath also vorbriefet und vorsegelt, als sie sprechen, vor dem
hern homeister und seinem rathe, als das wol billich und behorlich were, so der
Dewtsche kawfman in Engelant seine Privilegien und freiheiten von konigen zcu
konigen gegeben und bestetiget beweisen mus und beweiset hath, zo ofte men
das van ejn begerende ist gewest ader noch were; begerende sunderlichen, hetten
sie eynigerley worhaftige, redliche, vorbriefete und vorsegelte privilegia des heren
homeisters, das sie die also vorbriefet und vorsegelt vor dem hern homeister und
seinem rathe brengen und beweisen weiden, worde den der here homeister mit
seinen prelaten, gebietigeren, landen und steten dirkennen, sulche vorberurten
Privilegien und freiheiten von macht und wirden zcu sein und die von rechtesz
wegen schuldig sein zcu halden, der here homeister worde sich beweisen, als her
von rechte und billig pflichtig were zcu thun etc. Hiruif die Engelischen zcum
irsten wol in der meinungen woren, das sie ein sulcheins dewchte billich und
möglich zcu sein und doruff eine czeit czu vorromen dem also zcu thun,
sunder dornoch sich anders besprechende und berotende, vorgebende und begerende
woren, was sie alhir deszhalben von briefen und Schriften bey sich
hetten und vorbrengen mochten, das wir das samb volmechtige ambasiatoren
und commissarien uffnemen und czulasen und confirmiren weiden, und was sie
alhir von sulchen briefen und Schriften vorgedocht nicht hetten, dorumb eine
beqweme und genante czeit czu vorromen, ein sulchens vor dem heren homeister
und seinem rathe zcu brengen und zcu beweisen ader vor seinen vol-
mechtigen ambasiatoren ader commissarien die dorczu gefuget mochten werden
etc. Hiruff wir weder antworten also vor, das uns billich und möglich dewchte,
das alsulche vorbrengunge und beweisung geschege und gescheen sulde vor
dem heren homeister und seinem rathe, hetten sie aber eynigerley vorsegelte
briefe ader schrifte alhir, die sie uns seen ader lesen weiden lasen, wir wolden
die gerne seen und hören und wore copien dorvan uffnemen an den heren homeister
und seinen radt zcu brengen, sunder das wir en die alhir zcusagen,
zculasen und bestetigen weiden, das mochten sie wol merken, das uns ein sulchens
mit nichte stunde zcu thun, wir ouch des nicht macht hetten freiheiten und privilegia
zcu geben ader zcu bestetigen, so der here homester en der noch zcur czeit
nicht zcustunde, höchlich begerende, en hiran wellen lasen genügen. Hiruff die
Engelischen weder frageten, ab wir unser macht nochgeen und genug thun weiden
ader nicht, unser antwort siecht und korcz doruff begerende zcu hörende. Unser
antwort doruff was, mit macht und befeel weren wir awszgesant und weiden ouch
der gerne nochgeen und volgen noch vormogen und redlichkeit, sunder een eyn-
gerley privilegia ader freiheiten zcu geben, zcuzcusagen, zcu confirmiren ader zcu-
czulasen were in unsern macht noch bevele nicht, ouch mit nichte ouch mit dem
korczten uns des nicht underwinden weiden. Hiruff der Engelischen antwort
weder was, wir hetten des macht und uns das beweisen weiden noch lawth und
inhaldung unsere machtbriefes, und wir solden und schuldig weren von macht
wegen en zcuzcusagen und zcu confirmiren was sie alhir vorbrengen und beweisen
worden und können, und so wir das nicht thun weiden, so wolden sie ouch vorder
keynerley handelinge noch teydinge mit uns haben. Und damitte also an eynigerley
vorder rede von uns schieden und gingen etc.
20. Item doch umb alles besten willen und betrachtung, das mit sulchem
unfruntlichen abescheeden und an eyngerley ende veelleichte beyden heren unwille
und undank ane gescheen sulde, darumb etczliche von uns wir fugeten mit
Niclous BAr czu reden und em vorczugeben ein sulchens und zcu gedenken off
andere gütliche und fruntliche wege und weisen, uff das beyde hern und ere
Digitized by ooQle