Vollständiger Band - Hansischer Geschichtsverein

Verhandlungen zu Lübeck. — 1449 Mrz. 383
desgeleichen schaden, gewalt, vorunrechtunge, gedrang den von Prewsen in Enge-
lant gescheen und gethan ouch vorczubrengen und von en antwort und gütliche
entscheidung czu empfoen. Sünder als von der voreinunge, die gemacht sulle
sein dorch Hinrich Vorrath, weren wir van en begerende und heischende den
machtbrieff desselbigen ;Hinrich Vorrates ader eine wäre copie uns zcu geben.
Doruff die Engelischen antworten, das sie wol wüsten, das wir sulche macht
Hinrich Vorrates bey uns hotten und die wol wüsten, ouch das ane czweifel
were, das Vorrath ane macht nicht gesant were und dorumb nicht nodturft
were uns sembliche Hinrich Vorrates macht zcu obergeben, und ouch sie die
nicht bey sich hetten, und ab wir die hetten, das wir sie en czeigeten zcu seen,
czu hören und zcu lesen, sie gelewbeten uns wol doran etc. Also wart eine
copie des machtbriefes Hinrich Vorrotes en gelesen, und under veel worten
sie underrichtet worden noch inhaldung der copien vorberurt, das derselbige
Vorrath ober macht und beveel gethan hette und sich mee under[w]unden *,
den seine macht awszweisete, wen in gemeinen machtbriefen nicht begriffen
worden sulche sachen, die sunderliche dorczu beveel und macht bedürfen und
haben sullen, als privileigien, freiheiten, herlicheiten oder gerechtikeiten heren
und forsten, lande und stethe zcu obergeben ader zcu vorlegen; wen sie em
sulchens als gemeinen sendeboten durch gemene macht und bevel thun mochten,
und das by macht sein und bleyben sulde, das mochten sie wol dirkennen, in
was groser ferlichkeit heren und forsten sein worden etc., und nicht alleine der
here homeister sunder ouch der here konig van Engelaut und ander heren und
fürsten ein sulchens mit nichte besegelen, belieben ader zculasen worden. Und
die Engelischen selbist dirkanten disse vorberurte underrichtunge und der selbest
zcustunden, das es van rechte nicht gescheen mochte und er here konig ouch ein
sulchens nicht Vorlieben worde und ouch Hinrich Vorrath ym sulchen umbillich
gethan hette. So weren dieselbigen Engelischen van uns begerende zcu hören, in
welchen artikelen der voreinungen uns dowchte, das Hinrich Vorrath ober seine
bevelung und macht gethan hette. Uff das wir en losen den irsten artikel der
egedochten voreinungen, sie underrichtende noch beveel des heren homeisters,
das Hinrich Vorrath in dem gancz sere und unweislich obertreten hette seine
macht und bevel und nicht von wirden sein sulde noch were. Deszgeleichen ouch
den anderen und dritten artikel wederlegeten nach unserm besten und befeel1.
Doruff die Engelischen gancz zcustunden, als uff den irsten artikel unser undir-
richtungen sich bedunken lasende, das Hinrich Vorrath in dem ober macht gethan
hetthe, und hette derselbige Vorrath sunderliche macht und beveel dorczu gehath,
als her nicht hatte, zo were der Engelische kawfman frey pfuntczolles etc. Und
als uff die anderen czwene artikel, als uff das morari und uff das kowfen und
vorkowfen mit allerley personen, macheten sie etczliche infelle, besunderen das
sie das in vorczeiten zcu etczlichen czeiten gethan hetten und en das zcugelasen
were, cziende sich des czu ener alden voreynungen und oberkomungen vorbrieft
und vorsegelt mit des hern homeisters grostem ingesegel etc. Hiruff wii antworten,
dem hern homeister noch uns were nicht wissentlich von eynigerley Privilegien
ader freiheitb worhaftig und redelichen vorbrieft, vorsegelt und bestetiget
durch en ader durch seine voifarn; ouch der Engelische kawfman sulcher Privilegien
und freiheiten nicht gebrawcht hath bey mentschen gedechtnisse in Prewsen
und die nye gefordert hath den alleine in korczen joren bis nw czur czeit, ouch
*) andarTtmden D. b) lreibeitheit D.
’) Vgl. HR. 2 n. 84.
Digitized by ooQle