Vollständiger Band - Hansischer Geschichtsverein

Verhandlungen za Lübeck. — 1449 Mrz. 377
allen degedingen weten wolden alle deghenne unde alle stede de in de hense be-
borden, umme mangerleie sake dat de konyngh weten wolde. Ok spreken sey,
dat alle hensestede, de hir komen worden, solden vulle macht met sik brengen
gelik dat sey hedden, und wat sey degedingen worden, als de stede de hir komen
werden, dat dat van macht were der gansen hense. Hirop en de rath van Lubeke
geantwert hevet, dat sey wol willen don unde vorbeden desse 8 dage, so willen
sey en dan up er vorgeven mitsamth den anderen steten [de]a hir körnende
werden samentliken antwerde geven. Darup bleff dat Stande to der tiid etc.
2. Item do de 8 dage umme komen weren, do weren to Lubeke wedder
gekomen somige van den steden, als Hamborch, Wismar, Rostok unde Stra[l]sundb.
Do worden de Engelschen wedder op dat rathus vorbodet unde ok de stede unde
des hern homeisters sendeboden. Do vrageden de Engelschen, off de stede, de
dar nu gekomen woren, also dar weren komen in vuller macht van der gemeynen
hense unde dar vor antwerden wolden op ere bevel unde werff. Dar en de stede
wedder to antwerden, wert sake dat en bequeme were, en ere bodeschop unde
werff to* erkennen to geven, dat wolden sey gerne hören, sunder dar op to antwerden
als van der gansen hense wegen, mochten se merken, dat sey des nicht
don en künden, sey en horden dan erst ere werff unde bevelinge. Do worden
de Engelschen also beraden, dat sey en ere bodeschop unde werff to irkennen
geven wolden, unde spreken, wes dat se aldus lange met en gehandelt hedden,
dat hedden se al gedan in guder fruntschop, sunder nademe dat sey ere werff
unde bodeschop van eres hem konynges wegen en to irkennen geven weiden,
dat wolden se ok don als ut dem namen des heren konynges. Unde segeden, se
wolden sittende bliven unde nicht entwiken, wante [en]d duchte dat erem heren
konynge vornederunge were, dat sey van den steden entwiken solden, sunder de
stede solden en entwiken etc. Darop en de stede wedder antwerden, dat were
geschein, dat de erdesche vader de pawes unde de Romesche konyngh unde vele
andere grote konynge unde hern dar ere werdigen sendeboden gehat hedden, de
alsolkes nicht van en begerende weren, unde en duchte, dat erm hem dem konynge
ok nicht en were to ener vornederunge noch to ener smaheit, und darumme
wert sake, dat sey en ere sake to irkennen geven wolden, sey wolden sey gerne
hören unde vort darby don so sik dat behorlik were etc.
3. Item do int ende gaff de Engelsche doctor vor ere werff unde bodeschop
unde begunde int erste to seggen, wu dat geschein were in dem 36. jare, dat de
here homester unde somige van den hensesteden in vuller macht gewest weren
in Engelant unde dat darsulves over en unde gesloten were ene conposie, de ok
YOreegelt, vorbrevet unde conformirt were, welke handelinge unde endracht nicht
also geholden en worden als de gedegedinget weren. An welkem dele dat dar
dat gebreke van were, begerden sey, dat gewandelt to werden, wante sey dar also
gekomen weren, wert sake dat gebrek an en gefunden werde, dat gewandelt
solde werden, desgeliken wedderumme. Unde ok eff imant beschediget were,
dat w ere an live edder an gude edder verunrechtunge, dar weren sey to gesant
unde gekomen to vorantwerden unde to vortreden, begerende vort desgeliken van
den van Prosen unde hense. Vort weren sey begerende de endracht de gemaket
was in dem 36. jare toe lesen. Darop de stede ere berathf nemen op den anderen
dach.
4. Item des anderen dages quemen de stede mit des hern homeisters sendeboden
wedder togader, dar de Engelschen nicht by en weren. Also dat des hern
i) de fehlt T).
e) begerende to V.
b) Sir as* and 7).
f) berarath D.
c) en io D. d) dat D.
nfienwwn T. 1431—76. III. 48
Digitized byGoogle