Vollständiger Band - Hansischer Geschichtsverein

304 Verhandlungen in Flandern. — 1447 Okt 26 — 1448 Apr. 17.
ende guetlick den heren homeister anbrenghen, want dat nicht omme enighe
anderen sake en ware gelaten, also he selve alle geleghenheit wiste.
2. Item up deselve tiit begheerde her Willem van Calven, burgermeister
van Lubeke, in jegenwoerdicheit der anderen heren, van den coopmannen to
hebbene nae wtwisinge des recesses alsodane coste alse de raet van Lubeke vor-
screven in den jare 47 vermits eren sendeboden in Deenmarken gedaen hadden,
namelic 858 marc Lubekes. Waerup die heren mitten coopmanne sick bespreken
in afwesende heren Willems vorscreven, dartoe Hinrick Castorp, Hinrick Wanschede
und Johannes Ghebinck segeden, dat ten tiden, als se to Lubeke van
des coopmans weghene bii den gemeenen steden to daghe gesent waren, en
nicht witlick en were, dat van alsodanen costen je gesproken were gewesen, des se
sick oock bereepen heren Godevart van den Watervate und heren Hinrick Kotinge,
die mit her Johan Vresen van Bremen und mit heren Jacob Braemsteden ge-
voget waren, omme mit hem und des coopmans gedeputiirden van London to
overkomende van den costen, de men to Prusen waert, to Vlanderen waert und
to Vrancrike waert und off des behoefF ware to Englant wert doen worde. Waer-
toe de vorseide her Godert und her Hinrick vorantworden, dat dat also warach-
[tich]* were, dat se to Lubeke in der vergaderinge der gemenen steden nicht ge-
hoert en hadden, dattie coopmanne to Brugge de costen to Deenmarken solde be-
talen, des se doch om beters willen alse openbaer sonder de ander twee die
mitten gevoeget weren heren Wilme nicht segen en wolden, men were die coopmanne
des begerende, se wolden gherne een itlick voir sinen rade seggen, was
en dairoff voirstonde und vordachte. Also was her Willem weder ingeeyschet,
dar eme doe van des coopmans wegene geseecht was, dattie coopman vorscreven
sine gedeputierden nicht belast en hadde sick to gevene under aisulke coste te
betalen, und dieselve gedeputiirden segeden oeck openbaer, wowal dat in dat
recessum gescreven stonde \ so en solde men des mitter wairheit nicht biibrengen
dat se dat gedaen hadden. Darute was her Willem gebeden, dat he dat bestaen
lete ter tiit, dat men bescheit wiste van den vieren samentlick vorscreven, went
den alle gelegenheit wes daer besproken und gededingt was kundich were. Und
daerup mit willen und Unwillen tuschen beyden bleeff die saken staende.
349. Recess derselben über Erhöhung des Schosses behufs Deckung der Gesandtschaftskosten.
— 1448 Apr. 14.
K l 2 aus StA Köln, 1) Reccsshandschr. 2 f 148 b, über sch rieben: Recessus de anno
domini 1448 factus in Bruggis etc; 2) Recesshandschr, 1 f\ 14t, Abschrift von KL
Int jaer unses heren 1448 upten 12 dach in april was by den heren rades-
sendeboden de uppe [de]b tiit hiir in den lande weren, by nainen her Aernd
Westphael, doemdeken to Lubeke, her Willem van Calven, borgermester daer&elves;
her Godert van dem Watervate, rentmester to Colne und mester Johan van
Berck, licenciaet in theologia, myt eme; her Hinrick Kotinck, borghermester to
Hamborg und her Johan Rutghers, secretarius darselves; her Arnd van Telchten,
raetman to Danzike, unde bi den copman ten Carmers int reventer vergadert
overeynghedraghen unde ghesloten umme der kosten willen by denselven heren
ghedaen, dat men des coopmans schot verhoghen solde, to weten van elkem punt
grote eyne grote to gheven. Welk schot de olderluden sullen entfangen van
allen guden, ghelde, wessele, schepen und vrachte in de henze behorende, de na
pinxtdaghe negest achtervolghende2 in des heren Jande van Bourgonien, alse
a) warach K. b) de fehlt Kl 2.
*) N. 288 § 22. *) Mai 12.
Digitized by G o o g l e