Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 299
doen, dat wolde he gherne an zine heren brenghen, darinne solden se gheme dat
beste doen und guedwillich wesen na eren vermoghene etc. Dairup so scheeden
se van der dachvaert.
80. Item upten 12 dach in april quemen bi den heren radessendeboden
und des coopmans gedeputiirden in des coopmans huus de ghedeputiirden van den
4 leden segghende und int lange verhalende van den vervolghe derselven heren,
wo und wat darto ghescheet were, dat se mitter vrauwen van Ghistele gesproken
hadden bii scrifte und munde, und entlick noch toeseggende dat se de Privilegien
na eren vermoghen und so vele en de anghenghe holden wolden, und dat se ere
heren gedeputiirden notabelick bii den heren gesent hadden umme ghereescap
and beteringe to vercrighene van den gebreken de des heren officiirs angaen und
den heren staen to verseen. Und also de heren radessendeboden lestweif hedden
overghegheven de ponten van gebreken den vier leden int ghemene und oock der
stede van Brugge allene angaende, so hedden se grote vliit darinne ghedaen,
men begheerden doch, naedeme de radessendeboden de ghebreken int ghemene
and samentlick hadden vervolghet, dat se dan noch verbeyden wolden tot ere
gedeputiirden van den heren wederqwemen, wente se dan en up alle poenten hope-
den een antwort to ghevene. Waertoe de vorsegeden radessendeboden verantworden
eyntlick, dat en dat nicht en stonde te doene, men begheerden, of se enich beter
antword hebben mochten van den ponten de in ere macht weren, dat se en dat
overgheven wolden, [und]* verworven [se]b wes guedes an den heren, dat se dat
den alderluden overgheven, de solden dat wal bi den steden van der hense
scicken. Also tooch do Jacob Riingolt uut siner mouwen ene bescreven antworde,
de he den heren overleve[r]dec, und segede, dat hiir nu weren sekere van der
Nyenporte und Lumbardien und begheerden, dat men dar yemand toevoeghen
wolde umme to tracteren alse van der saken und der schaden der van Rostocke,
welck men tosegede also to doene. Und darnae [begheerde]d voert deselve Jacob
Riingolt up aisulke gebreken alsse de leden den heren overgegheven hadden een
beter antword to hebbene, sunderlinx van den schaden gedaen bi den van Am-
borch und den van Wismaer, welck de radessendeboden vorseget to sick nemen to
des anderen daghes. Und darmede danckeden de van Ghent den heren und
coopmanne und begheerden, dat men de stede van Ghendt vorseget wolde hebben
recommendiirt umme te holdene de guede vruntschap de tuschen dersulver stede
und den coopmanne lange gewesen were, und sunderlinx in der draperie wolden
ghunstich wesen to vercopene, dar de heren segeden dat beste in to vorderen
und to doene etc. Und darmede scheiden se van danne.
81. Item upten 13 dach in aprill qwemen bi den heren radessendeboden
und des coopmans ghedeputiirden in des coopmans huus de burgermeester mit
ses schepenen van Brugge und begheerden ^ of de heren und coopmanne an der
antworden de de 4 leden en overghegheven hadden nicht en weren tovreden, dat
en dan geleeven wolde to beteykenen in ghescrifte sunderlinge de ponten der
stede van Brugge allene angaende, wat ghebreken se dairinne hedden und wes
se daroff begheerden vor ene beteringe to hebbene, welck en also toegelaten wort.
Und doe beloveden se dairoff ere uterlike meninghe upten 16 dach in april
neghest volghende overteghevene, wente se van denghennen dat in ere macht
were in ghenen gebreken en wolden wesen. Welcke gebreke unde begherte der
vorsegeden radessendeboden und des coopmans des anderen daghes was gelevert
den van Brugge.
82. Item upten 17 dach in april quemen bii de heren radessendeboden in
a) und fthll K. b) *e fehlt K. c) overlavede K. d) «eghede K.
38*
Digitized by v ^ o o Q l e