Vollständiger Band - Hansischer Geschichtsverein

290 Verhandlungen in Flandern. — 1447 Okt. 26 — 1448 Apr. 17.
69. Item up de tiidt vorseget was dar oock handelinge van Lieviin de
Clercks sake und den van Hamborch, dat de deken uterlick verantworde nae
aller gheleghenheit, und seghede van de van Amborch wegene, of se mit erer
unscult nicht unstaen en mochten, so boden se sick to rechte vor eren heren off
daer se van rechte schuldich weren rechts to pleghene.
70. Item upten 16 dach in merte weren de heren radessendeboden etc.
weder bi de 4 leden vergadert upt ghiselhuus, dair der vrauwen vrunde van
Ghistele qwemen, van welken ene in Walsche lang und breet verhaelde de ant-
worde up de 5 poenten van gebreken, de doch darnae meester Clawes int corte
in Vlaemsche verclaerde, to wetene van Cord Rummel, dat de wel verdient hadde
wes eme gescheen were, und dat de tolners ghene kiste unbesien uut en willen
laten voren, dat se dat also schuldich ziin to verwaren, und dat de porters den
toi verwaren is alle tiit geusiirt und is vor deme coopmanne und nicht contrarie;
vorder van den weghehuse, dat de ghewichten des jaers vier werven ghetekent
und besien worden, worde darane ghebreck gevonden, dat wolde de vrouwe
gherne doen beteren, und men en pleghe int Engheische weghehuus nicht dan
wulle to weghene, wanneer dan yemant zwere gued dar brachten de pleghen den
weghers een hoefscheit to doen. Wt welke antworde scheen, dat de dachte un-
redelick gedaen was, und darumme nemen de heren ere vertreck tot een diinx-
daghe. Vorder qwemen daer weder de porters van Ghent und van Brugghe,
clagende over de van der Wismer und van Amborch, begerende wet to hebbene
over de heren radessendeboden of dat men de van Amborch und de van 'Wismaer
uter hense daden. Daerto de heren verantworden, dat'in erer macht nicht en
were enighe stad uter hense to doene, up de dachte [jegen]a de van Amborch
gedaen were en gheantwordt, und den van der Wismaer were eens twie drie
werven ghescreven men dar en were ghene antwort up gekomen, und begheerden,
dat se sick noch wolden Jiden tod piinxten, de heren radessendeboden wolden
en noch eens eyntlick scriven, üeden se dan dair nicht toe so mochten se zeen
dat se ere zaken vorderden alse en dat gheraden duchte. Waerup se sick
vorder onder een wolden bespreken. Und darnae vermaende de deken de sake
van der axise van den vier stopen, van den oliiepipen und van Ghisebert Wytinck,
welke saken de leden beloveden en manendaghe to eyndene. Und darmede
scheiden se van danne.
71. Item upten 18 dach in meerte weren de heren radessendeboden und
des coopmans ghedeputierden weder vergadert mitten viir leden upt ghiselhuus,
daer meester Clawes Langebaert int erste segede, wo dat sine heren van Brughe
vorder raed ghehadt hebben up dat poent van den 4 stopen wiins offteslane van
elker roede und van der fraude van den oliepipen, dat se vortan wolden verwaren
und underholden, dat de 4 stoop afgesleghen worden, und meynden, solden de
axisers dairof wes wederkeren dat se dan nicht meer schuldich en weren dan
van den wine dar se de axise van hedden untfanghen, dat were van elker roede
wiins 4 stoop und solde der axiser bouck wal wtwisen woe vele dat droeghe, mede
seggende, sine heren mosten nu voirtan wat bet tosien dan se aldus lange mitten
wiinluden ghedaen hadden. Und als van den oliiepipen darup hedden se voir-
senicheit ghemaect, dat der frauden nicht meer gescheen en solde, und verhaelde
daer, dat de pipen gheteikent weren mit viif teikenen, alsse van den dekenen,
van den cupere, van den vercoper van den oliie, van den axiser und mit ener
lettren umme to wetene dat jaer, waerbii he noch biibrachte, dat de wet van
a) jegen /M t K.
D igitized by ooQle