Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 275
Sonderlinge an de andere 3 leden, dat se de van Brugge hiirin wolden under-
wisen. Unde darmede wort de sake doe up vorder beraet wtgestelt to des manen-
dages neghest achtervolghende.
48. Item upten 19 dach in februario weren de vorsegeden 20 personen
weder vergadert upt gliiselhuns, daer meester Clawes Langebaert verhaelde, woe
dat de leden antworden van mynen here van Burgoengen hadden untfanghen,
also dat he in corte dechte to vertreckene van Bruesele toe Rysele und dat he se
dan hören wolde van den gebreken des coopmans und andere saken den coopman
anghaende, up dat den leden gheraden duchte; und begheerden ock, [dat de
heren radessendeboden]a dar mede bywesen wolden anghesien dat de here wal
wiete dat se in notabilen state hiir gekomen weren, und meenden oeck, het solde
de saken sekerer richten und vorderen. Und segede vort, woe dat se gesproken
hedden mitten steden, de hogher axise upt bier setten dan de Privilegien uut-
wisen, de nu vortan gherne em na den Privilegien wilden richten wente se des
nicht geweten en hebben, wtgescheden allene der van*der Nyerporte, de Privilegien
daerup hebben, und de mosten darvan wille van den heren hebben, wente
de paert mede an der axise hadde. Und desgeliick de andere gebreken den
officiirs anghaende moste men ock vor den heren vervolghen. Und ghinck doe
weder up de materie van den corten wiinen, darvan he upt nye verhaelde lanck
and breet vele saken und redenen und ock int eynde slutende, dat der stat van
Brucge und ock andere steden in Viaend eren dat nicht en staet in eniger
manieren overtoghevene, dairto ock de leste redene was, want miin vorsegede
here van Burgoengen dairoff den 7 penninck hedde etc. Waerup de deken van
Lubeke weder verantworde, dat se up de begheerten umme mede bi den heren
to ridene gherne wolden spreken mit den anderen heren de dar nicht jeghen-
woerdich en weren. Und als dat de van der Nyenporte Privilegien hebben, wisten se
wal, dat ghene Privilegien vor oft na gegeven unssen Privilegien schade of hiinder
draghen en sullen of mögen, doch willen de leden dat vervolghen mitgaders den
anderen gebreken, wo se dat maken, dat were den radessendeboden to willen, up
dat de Privilegien wolden geholden werden. Vorder van den axise van den corten
wiinen, des de van Brugge niet overgheven en moghen etc., so en mochten ock
de radessendeboden de Privilegien [nicht overgheven]b, und begheerde sonder-
linghen van den drien leden, dat se de van Brucge in dessen wolden underwisen,
dat de coopmanne bi sine Privilegien mochte bliven. Daertoe de 4 leden verant-
worden, dat se daer gherne tusscheuspreken wolden und dat beste daerin to
doen nae eren vermoghen. Und darmede scheden se van danne.
49. Item upten 20 dach in februario weren de radessendeboden mit des
[coopmans]* ghedeputierden weder vergadert upt ghiselhuus, daer in de camer bii
se qwemen de drie leden, als van Ghend, van Ypren und van den vrien, dewelke
segeden, dat se vele handelinge gehadt hadden mit den van Brugge upt pont van
der axise van den corten wiinen etc., und overmids den redenen voir allegiirt
und de se dar noch biibrachten, so en wolden de van Brugge vorseget des
poents nicht toelatene, wente dat een verderf van der stede were, welck desulve
dree leden oeck vulleborden und vornieden och noch weder, dat se buten den
heren und der ganzer ghemeynten dat nicht overgeven en mochten. Und leten
oeck in dunkeren woerden ghenoech luden, dat de van Brucge up de Riinsche
wiinen hoger axise setten mochten, dar dan de coopman köre of hadde, of he de
wiinen darvor wolde tappen off weder enwech voren. Waerup bi den deken ver-
antword was under andere woirden, dat de coopman nicht en were in willen ofte
a) dat de heren radessendeboden fehlt K. b) nicht orergheren fehlt K.
c) coopmans fehlt K.
85*
D igitized by v ^ . o o Q l e