Vollständiger Band - Hansischer Geschichtsverein

266
Verhandlungen in Flandern. — 1447 Okt. 26 — 1448 Apr. 17.
de redene und saken [de]* de deken vortgestelt hadde, und sloot int eynde, n&e
sine redene und bewisen de coopman schuldich wair tovreden to wesen geliick
anderen mytten rechten van dessen lande etc. Warup de deken weder seghede,
dat se de redene nicht vortghestelt en hedden omme to disputeren men allene
omme to betoghene, dat de vorseide stede van der hense nicht bii willen men
omme nootsaken willen sick nicht under den ban en wolden gheven, und be-
gheerde, wolden se dat de stede van der henzen ere gued hiir int lant senden
solden und den coopman hiir verkerende holden, dat se sick dan bet berieden und eyn
gutlick und beter antword gheven. Warto meester Claws weder verantwerde, dat
de zake zware were dar se sonder vorder beraet gheen entlick antwerde gheven en
konden, darumme begerden se, dat sick de heren und coopman liden wolden dar-
mede bet des anderen daghes, se wolden des namiddages vergaderen und breder
tosamene spreken und wes se dan darup verrameden, wolden se en des morghens
to kennene gheven. Darmede scheiden se weder van danne.
30. Item upten neghen[thiens]denb dach in januario vergaderden de vor-
segeden weder upt ghiselhuus, daer do vele vorhandelinge van den banne under-
linge ghevel, so dat na de redene und woirden scheen, dat de 4 leden in dat
ponte van den banne wat sachten und den coopman vortan verschonen wolden,
doch en konden se daroff nicht eensworden noch daer en wart up de tiit nicht
van gesloten men se overdroughen, * dat een itlick an sine side solde in scrifte
stellen wes eme daroff redelick und behoirlick duchte [unde]c alsulck verraem
des anderen daghes mit sick brengen, wes de 4 leden dan bevonden redelick
wesende daroff wolden se den heren und den coepman een guet antwordt segghen.
Und darmede scheden se van danne.
31. Item upten 20 dach in januario qwernen desse vorsegeden weder bii een
upt ghiselhuus, und alzo do een itlick van siinre side siin verraem in scrifte overgaff
so weren de scriften so ongeliic, dat se darof nicht en conden overeendreghen,
men de heren begheerden na der vier leden underwisinghe vorder beraet to
hebbene. Also was de sake uutghestelt bet des 23 daghes in januario umme dan
weder to vergaderen und darinne to accorderen of se conden.
32. Item upten 22 dach in januario qwemen bii desse radessendeboden und
den coopman ten Carmers int reventer sekere ghe[de]putierdend van steden wt
Hollant, und namelick van Delft, van der Goude, uten Haghe, van Hornen,
van Enghusen, van Naerden und van Monikendamme, de dar upleverden ere
credencien und machtbreven. Und alse de heren de breven gehoert hadden bevonden
se in der wairheit, dat nauwelick dar een breeff van weerden mede was,
went de ene sprack an der Wendesche steden sendeboden, de andere an de alder-
luden, de derde in saken erer stede medegaende®, und also voert alle int ghe-
mene, wairbii den heren und den coopman nicht behorlick en duchte up alsulke
breven mit den vorsegeden gedeputierden to tracteren van den saken dairumme
se hiir gekomen weren. Und hiirute so was on verantwerdt, nademe de breven
nene vulmacht uut en wisen und de heren radessendeboden noch grotelick und
zwairlic alle daghen mitten 4 leden des landes van Vlandren in handelinghe
weren, dar se noch ghene eynde van en wisten noch weten en conden, dat se
dan up desse tiit wolden gedult hebben und weder bii ere vrunde to huus trecken,
soe wanneer de heren ledich wesen mochten tot eren saken to verstaene, dat
wolden se wal verscriven daer des behoeff were, und oock mede in densulven
breven betekenen, wo de macht solde luden. Welck de vorsegeden tot sick
nemen mit halven willen und scheden darmede van danne.
a) de fehlt K. b) neghenden K. c) van K. d) gbppntierilan JT. •) I
D igitized by G o o g l e