Vollständiger Band - Hansischer Geschichtsverein

262
Vorhandlangen in Flandern. — 1447 Okt. 26 — 1448 Apr. 17.
miins heren van Burgoengen und dattet eyntlick starck ende gued were. Und
seghede daernae voert, woe dat to Ghend overdreghen und ghesecht were, dat
de 4 leden up der heren repliken de se dar in scrifte overgegheven hadden
weder in ghescrifte wolden antworden und darna nicht meer in scrifte, dat se
van den avonde wolden antworden meester Gosen, des coopmans clerck, myt-
gaders alsu[l]kea gebreken, alsse de 4 leden und undersaten des landes van Vlan-
deren to de[n]b steden van der hanzen to segghende hadden. Und also oock
ghesecht was to Ghent vorseghet, dat men de pointen van gebreken vortan of
des van node were by munde tractieren und handelen solde, so weren de leden
dar gudwillich und bereet toe und wolden oeck gheme luden darto ordeneren,
wanneer sii wisten, wie und wo vele personen de heren und de coopman darto
wolden voeghen. Warup de heren myt den coopman sick bespreken und se-
gheden en weder, dat se 8 personen van erer siiden daertoe nemen wolden, alsse
4 van den heren und vier van den coopmanne, und dartoe twee des coopmans
clerken, welck den leden wal ghenoeghede, seggende dat se ock also vele personen
darto wolden ordineren. Und hiirup overdroghen sii samentlick, dat desse
20 personen solden des vridages, welck was de 11 dach in januario, to neghen
uren an de clock vergaderen upt ghiselhuus und by munde de ghebreken handelen
umme daroif eens to worden, omme een gud middel und eynde to viindene
off se konden. Und darmede nemen se orloff, dankende den leden vor ere
schenkinghe und scheiden van danne.
22. Item upten 12 dach in januario weren 10 personen 4 van den heren,
alse de deken van Lubeke, meister Johan Berck van Colne, her Arnd van Telch-
ten van Dantzike und her Johan Rotger van Amborch, 4 van des coopmans weg-
hene, alsse Diderick Scriver, Albert Beye, Kerstiaen van der Marek, Hinrick
Kastorp, und darto beyde des coopmans clerken boven upt ghiselhuus to Brucge,
dar 10 personen van den 4 leden bii se quemen, alse van Ghend twee schepene
mit meester Johan Rime, pensionarius d[a]rsulvesc, van Brucge Philips Mitteneye,
burgermeister, Joriis Roebs, schepene, meester Claes Langebaert, pensionarius,
und meister Donaes, secretarius; van Ypren meister Ysaac, pensionarius; van
den vrien Johan van den Rine und meester Peter Mathias, pensionarius. Und
umme dattet sere spade was so en waert dar up de tiidt sunderlinghe nicht ghe-
daen sonder allene, dat se samentlick overdroeghen uod eensworden, dat se alle
werkedaghe dar wolden vergaderen des vormiddaghes to achten und aldair bliven
to 11 uren toe gedurende ter tiit und also langhe, tot dat se van allen pointen
und ghebreken wal overdreghen und eens weren geworden.
23. Item upten 13 dach in januario vergaderden de vorseiden 20 personen
weder upt ghiselhuus, dar de 4 leden int eerste upsetten, dat em guet duchte,
dat men de gebreken van boven an begonde und also achtervolgede van pointe
to ponte to den eynde, mit meer reden und woerden. Waerup de deken van
Lubeke weder verantworde, dat den heren und den coopman geraden duchte, dat
men ierst beghonde 5 ponten, de welke int anbeghin bii munde verhaelt weren,
want darup meestelick stonde dat fundament, dar oeck alle de andere pointen
sere to deenden, welck de 4 leden also beleveden. Also heef de deken an dat
ierste point angaende der justicien und der quader ghereescappe ded den van der
hense wedervaert, als sii vercortet worden und vor der wet te doen hedden, welk
de 4 leden van sick wisen vor den heren, wowal de Privilegien dat wtwisen, dat
de coopmanne nicht schuldich cn is den heren te vervolghene buten den palen
a) alsnke K. b) der K. c) dersuWes K. d) den K.
D igitized by G o o g l e