Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 259
volghen de ordinancie vorseget, up dat sick de ene upten anderen nicht en hadde
to beclaghene. Und upt derde, dat alsulck gelt alsse de hören van den ghe-
broken ghenomen hedden solde gecomen wesen in nftt und profite des coopmans
etc., was verantwordet, dat de coopmanne van boven tot beneden nicht unge-
scheiden en hedde wal vernoeghet und betaelt enen ytliken van den heren, wes
se van huus uut und weder to heym verteert und to coste ghedaen hadden, und*
en were wal witlick, dat de heren den broken ghenomen hedden* men of se den
under sick ghedeelt hadden of waer de ghebleven were, des en were tot erer
kennisse nicht gekomen. Und na desser antword was [de coopman]b noch be*
gbeer[ende]c to wetene, off her G odert tovreden were und wesen wolde van den-
ghenen dat to Lubeke gesloten were van den broken den de coopman untfangen
hadded, und wanneer de coopman vernoeghet hedde 60 pond groten, dat he dan
of de stad van Colne quitancie gheven wolde vor vorder namaninghen etc.
Waertoe he nicht sonderlinghes dan he vor gedaen hadde verantworde men
seghede, he wolde eme damp untsinnen und oeck alsulck bescheit als he ghehoert
und verstaen hedde6 to huus scriven, queme eme dan damp antworde off worde
he anders wes darvan to rade, dat wolde he deme coopman wal laten wetene.
Und darmede scheide he van danne.
17. Item upten 5 dach in januario quemen 4 pensionarii, alsse van elken
van den 4 leden ene, ten Carmers int reventer bi den heren radessendeboden,
segghende, dat de vorsegeden 4 leden des diinxdaghes negest mit den heren
handelinghe hebben wolden up de ghebreken, und begherden, dat on de heren
so langhe liden wolden, wente de leden alle daghe darmede besieh weren und
hopeden so vele dairinne to doene und dar nicht of to latene vor der tiit, dat se
van den vorsegeden gebreken mit den heren wal eens und overdreghen weren.
Warup deselve heren en deden verantworden, dat se umme betel’s willen den
tiit gherne wolden verbeyden, men begheerden, dat se wilden anseen de lancheit der
tiit und grote koste de se hedden und bewisen sick in den saken dat de ter
wtdracht und ten eynde mochten comen. Vorder was en ghesecht, wof dat de
coopman een geleide verworven h[edde]* van mynen heren van Burgoengen etc.
vor de heren dree maenden lanck gedurende, welke 3 maenden nu schür umme
weren, waemmme de heren weder hedden gesent meister Gosen, des coopmans
clerck, bii mynen here van Burgoengen etc., de nu weder en geleide gebracht
hedde ock drie maenden lang gedurende, welck leste geleide innehelt 2 ponten,
te wetene, datte heren ghene saken vorderen en solden de bejegheden den heren,
sine officiers ofte landen, und of se enighe schulde hadden dat se de solden be-
talen; waerumme de heren begheerden to wetene van den vorsegeden 4 pensio-
narien, of se mit alsodanen geleide verwaert weren, angesien dat de 2 pointen in
den eersten geleyde nicht en siin begrepen. Damp verantworden de vorsegeden
pensionarii als vor ere personen, datte maniere van den leste geleyde were de
gemene stilus des hoves miins heren van Burgoengen etc. und en wisten anders
nicht dan se dar wel mede waren verwaert, nichte myn se woldent gherne an-
brenghen den vier leden ghemeenlick und duchte den dat dar enich twifel inne
were, dat wolden se en laten weten.
18. Item upten vorsegeden 5 dach in januario qwemen vor de heren und
den coopman int reventer dree ghedeputierden van der stede van Denremunde,
seeghende under vele woirden, woe dat se wal van 150 jaren harwert hedden
a) and — hedden naeh ghedeelt hadden wiederholt K\ b) de coopman fehlt K.
c) begheert K. d) hadden K. e) hedden K. f) wo dat de coopman
wiidtrholt K. g) heren K.
83*
D igitized by G o o g l e