Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 255
se dat an de heren umme to kiesene stede und tiit dar on dat ghelieven solde,
myt vele meer lange schone woerden de to lanck weren to scrivene. Waertoe de
deken van Lubeke verantworde, dat de heren de antworde tot sick nemen solden,
and betekende de tiit weder bii de vier leden to komene upten 11 dach desser
selver maend van decembri, men se satten dat weder by de 4 leden to kesene
de stede waer se vergaderen wolden, dar wolden de heren gheerne bii se komen.
Also satten de 4 lede de stede bynnen Ghend, dar se an allen ziden mede to-
vreden waren. Und um dat der 4 leden antwort den heren und den coopmanne
nicht ghenoech no^h redelick en dochte, so en is de hiir bii nicht gescreven men
¡8 staende gelaten to dat men een eyntlick andworde crighet.
11. Item upten selven dach weren gheschencket den ghedeputierden, alsse
drie van Ghend und twee van Ypren, elck 2 kannen wiins, den stoop to 6 gr., dat
maket mit dregene in al 10 ß 10 gr.
12. Item upten derden dach in decembri weren de heren radessendeboden
myt den gemenen coopman vergadert ten Carmers int reventer, dar se deden
lesen dat recesse nu in dessen vorledene somer bi den gemenen steden van der
henze bynnen Lubeke gemaect und vorboden enen ytliken in de vorsegede hense
behorende up de boete van ene marck goldes niin gued to borgene, to verkopene
in allen den landen des heren van Burgoengen; oock so deden se warscouwinghe
na der tidinghe de se ute England hadden, dat nyemant gudere to Englant wert
en sende.
13. Item up denselven dach verhenseden de heren und gheven elck uut
7 gr. gheliick andere coopluden.
14. Item upten 11 dach van decembri reden de heren radessendeboden myt-
gadere 6 personen wt des copmans rade und beyde clercke to Ghend umme to
holdene de dachvaert de dar beteykent was, und quemen des 14 daghes by de
vier leden up schepenehws to Ghend. Dar se de pensionarius der vorseiden van
Ghend under vele woerden verhaelde“ , wes in der heren werve und bodescap to
den daghe toe to Brucge ghedaen were, und alzo desse dachvart nu gheleit
wäre bynnen Ghend, dar de heren radessendeboden in so notabilen getale und
Sonderlinge hiir tot en int land ghekomen weren, wisten sii en groten danck
und weren en al zeer willekome. Nae welken reden des pens[i]onariusb de deken
van Lubeke insgheliics verhaelde de saken vorseget, wes to den daghen tuschen
den 4 leden und radessendeboden verhandelt were, und seghede, woe dat se alzo-
danne antworde, alse den 4 leden ghelievet hadde on up de ghebreken des coop-
mans in scriifte overtoghevene, gutlick hedden untfanghen und myt allen vlyte
und ernste overseen und overghelesen, darinne se nicht en conden beviinden noch
bekennen, dat se by enighe redene darmede mochten ghepayt und to vrede
wesen. Und also desulve here deken int ambeghinne viiff ponten bii munde ver-
daert hadde, dar de 4 leden oock by munde wedder up verantword hadden, soe
verhaelde noch de deken weder desulve 5 pointen by munde und bracht by
redenen und bescheyt waerby datter vorsegeder 4 leden antworde noch bii munde
noch in scrifte nicht ghenoech noch van weerden en was etc., mede seggende, dat
se upter 4 leden andworde noch by munde noch in scriften ere ghebreck und
wederredenen van pointe to pointen in ghescriften hadden doen stellen, welck se
en wolden overleveren. Und begherde, al hedden se dat wat claer und uterlick
gescreven, dat se dat doch in dancke und int beste verstaen und nemen wolden,
und dat oock die radessendeboden nicht in meyninghe weren in ghescrifte vorder
a) Terhaeldeo K. b) pensonarioB K.
Digitized by v ^ o o Q l e