Vollständiger Band - Hansischer Geschichtsverein

254 Verhandlungen in Flandern. — 1447 Okt. 26 — 1448 Apr. 17.
en twivelen nicht gii en worde dan beviinden, dat sunder kentlike und merke-
like nootsaken de“ ghemenen stede van der henzen un[s]b hiir tot ju nicht ghe-
sent en hebben. Dit is datghonne, dat wii up desse tiit an ju to wervene hebben,
und begheren dat giit int guede nemen und uns daroff juwe gutlick andword willen
gheven.
9. Welke vorseghede bodescap also ghedaen de 4 leden deden de heren
radessendeboden vertrecken uude schenkenden in der vorkameren den heren
groenen gengeber, tragie, ypocras und Malvesie und deden se ter stond weder by
eme komen in de kamer. Doe seghede meester Claes Langebaert, dat de vier
leden dar vergadert wal hadden verstaen de bodescap, de on de heren rades-
sen[deboden]c vorgebracht und upghedaen hadden. Und also de stede van der
henze umme gebreken willen, de eme gheclaghet ziint, in willen weren gewesen,
den coopman uut deme lande van Vlaenderen to vorleggene, welckd doch by
eneghen vroeden und sachtmoedighen heren verholden was, des wisten de leden
groten d[a]nck® allen denghenen de dar wes guedes toe ghesproken hedden. Und
segheden, dat on de heren radessendeboden seer willekome weren und also de
deken ghesecht had, dat se de ghebreke des coopmans en wol wolden in scrifte
overgheven, soe begherde meester Glaws de also to hebbene, up dat de leden de
mochten elck by sinen here thuus brenghen, se hopeden sick dan darin to quitene,
dat men mit redenen erer, wilt God, nicht en solde beclaghen. Und, under vele
woerden, dat de 4 leden an de heren radessendeboden satten eene tiit und stede
to kiesene, dar se weder by ene solden vergaderen. So waert bii den leden be-
teykent ene dachvaert weder to Brucge to holdene upten 22 dach van novembri
in de herberge to wesene, umme andworde up des coopmans gebreke to gevene
und vulmechtich vorder mit den heren handelingbe to hebbene.
10. Item alse vorscreven staet, dat de 4 leden beteykent hadden upten 22
dach van novembri weder to Brucge to sine um den heren radessendeboden and-
wortr te ghevene, so vertreckeden se dat doch tot upten iersten dach van
decembri und do weren se vergadert in schepenecamer to Brucge, daer de
heren weder bii se quemen umme antword up des coopmans gebreken to unt-
fanghene. Also segede meister Claws Langebaert van der 4 leden weghen, dat
de heren nicht in Unwillen nemen en wolden, dat se so lange gebeidt hadden
antword to ghevene, went dat were toegecomen, dat der pointe vele waren und
oock enighe noch na inghebracht waren. Und verhaelde up de viif pointen, de
de deken van Lubeke by munde verclaert hadde, antworde by munde, doch
bereep he hem up de vorsegede antworde de se up alle ponte ghemaket hadden,
daer men deselve 5 ponten mitten anderen tot 51 toe claerlick inne solde beviinden.
Und beden und begeerden, dat de heren dat guetlick tot sick nemen
wolden und bet verstaen dan se de hedden können gheven, und of on daran icht
scheide und vorder handelinge mitten leden daromme hebben wolden, soe settet
a) den K. b) und K. c) radeuen K. d) welck K.
e) dinck K. f) and wort te ghevene, antworde to ghevene JT.
*) Das kölner StA bewahrt eine aus der Kanzlei des Kfm. zu Brügge stammende Handschrift
von 188 BL (sign. n. 12), welche f von verschiedenen Händen geschrieben,, sämmiUche
bei Gelegenheit dieser Verhandlungen von 1447/8 ausgetcechselten Beschwerdeschriften9 R epliken,
Dupliken u. s. w. des Kfm. wie der Lede enthält. Vorangeht die vom Kfm. an dem
Hansetag zu Lübeck gesandte Eingabe (f. 13—48), vgl. ti. 288 § 11, den Beschluss macht
eine 1449 dem Hg. von Burgund überreichte Beschwerde ( f . 177—188J , alle übrigen Akten
gehören hierher (f. 51—163). Da ein Abdruck dieser wechselseitigen Beschwerden oi» diesem
Orte unthunlich erscheint, vgl. die Einleitung zu diesem Bande, so ist im folgenden aus demselben
in den Anm. nur so viel mitgetheiltf alt zum besseren Verständniss der Verhandlungen
erforderlich.
Digitized by L j O O Q L e