Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 253
pond groten1, waerof de stede van der henze nu vorder gene claghe noch ver-
volch en doen men wes darinne bi deme coopmanne int beste gedaen is holden
stede, vast und van weerden. Jodoch alsse nu overmids menichvoldigher zwarer
dachten vor de stede gecomen is, dat in den tractiete der voirsegeden com-
posicien sekere poenten wtgesundert weren, de gii deme coopman beloveden te doen
beteren so vroe he weder bynnen den lande van Vlaenderen were gekomen, und
oeck sekere beloeften den coopman deden und breven und zeghele darup gheven,
dat men emo vortane syne previlegien unbrekelick solde* holden, so beviinden
de steden doch in der waerheit, dat sowalb [na]c alse vor van allen beloeften, die
gii heren deme coopman ghedaen und toeghesecht hebben, zeer weynich of nicht
mit allen en is vullenbracht noch gheholden, want de vorsegede wtgestellede pointen
noch ungheeyndighet buten staen und dat bynnen corter tiit, alze bynnen rieghen
jaren harwert, den coopman so zwaerliken upten ströme und bynnen den lande van
Vlaenderen is berovet, veronrechtet und syne previlegien vercortet, van welken
alle pointe by munde te langk wäre te betrecken, doch wil ick een deel van der
zwarster ponten de substancie updocn. Und is int erste, dat de coopman up
juwen stroom in und uut juwen havene wert beschedighet, und alse ju de coopman
dat of* andere gebreken claghet und to kennen ghevet, en viint he nene
hulpe of bystant an [ju]•, men alze gii de partien jaer und dach of langer hebbet
vervolgende geholden, so wise gii dan de vor juwen heren, recht of ju de sake
nicht an en ghinghe, des gii doch nae inholdene der previlegien des nicht schul-
dieh en siit to doene. Desgeliken wort de coopman zwarliker belastet und vercortetf
van tolners, axisers, paxters van den herengelde, gruitghelde, van der
passagie, van der ballasten, van der wasen und van den wiinde. Und gii heren
gedoghen, dat men de coopluden van der hanzen vanghet und in den steen settet
und en moghen ghener borghen ghenyeten. Ock so hebdii hiir to Brugge den
coopman gebannen buten sinen weten, des gii doch bii natuerliken, gotliken,
geestelike off keysen-echte nicht en vermoghen enighen menschen alsoe to ver-
wisen sonder andworde van emen to horene etc. Van welker vorsegeder gebreken
und verkortinghe em de ghemene stede van der henze van juwer eerbarheit nicht
to vullen en können verwonderen und weren oock darumme gans unmoedich und
so sere unstelt, dat biinae dat meeste dele in willen und meningen was van
8to[n]den* an den coopman van hiir ute den lande to verleggene, welck doch bii
enigen vroeden und sachtmoedigen heren guetlick upghenomen und verholden
wert, und worden ghemeenlike to rade, dat se noch um alles gevoeghes willen
ere sendeboden ierst by ju wolden zenden vruntliken versoukende, wes ju by des
coopmans gebreken und Privilegien gelieven solde to doene. Also hebben se uns
dartoe geordineert und hiir nu by juwer eerbarheit gesant und wii wt bevele
und van wegen der vorsegheden ghemenen steden van der henze begheren vrunt-
lick and oock ernstelic versoken, to wetene, off gii heren in meninghen und in
willen ziin, de vorbenomeden wtgestellede pointe und ander gebreken, scade
und vercortinghe de de coopman [geledenh heft], synt den tiiden dat he van
Andwerpen hiir int lant weder quam, mitter daet und wairheyt willen doen
beteren und oock voertan mit vlite dar vor ziin und verwaeren, dat de coopman
aldus in sinen previlegien van tide to tide nicht en worde vercortet. Dar ju
heren dit alzo ghelievet, so willen wii gheerne hiirvan vorder handelinghe mit ju
hebben und ju de gebreken des ghemenen coopmans in scriften overgbeven, wii
a) »olden K, b) dat sowal tcietUrholt K. c) na fehlt K.
d) of andere gebreken claghet wiederholt K. e) ju fehU K. f) Tercoitert K.
g) «toden K. . h) geleden heft fehlt K.
!) 1438, HR. 2 n. 268 ff.
Digitized by ooQle