Vollständiger Band - Hansischer Geschichtsverein

Verhandlungen in Flandern. — 1447 Okt 26 — 1448 Apr. 17. 251
4. Item upten 5 dach in novembri, alsse de heren radessendeboden eerst int
reventer gaen wolden, weren de alderlude und 18 mannen eerst vergadert int
reventer, und alse de heren inqwemen, untfinghen se de alderlude gutlick und
leyden se by dat cumptoer und heten se do vruntlick willenkomen und danckeden
en dat se* daer gutwillich gekomen weren to des copmans beste umme des coop-
mans gebreken to vervolghene, mede seggende, dat ene olde gewoente were,
wanneer hiir sendeboden van den gemenen steden van der hensen qwemen, den
welken de alderlude ere stede alsse dat cumptoer rumeden, und eer se dan
mitten heren sendeboden in enighe handelinghe ghinghen, so pleghen alle tiit de-
selve heren totozeggene und to belovene den coopman to holdene und to latene
by siinre macht, gewoenten und olden herkomen, so na den inholdene der recesse
de ghemene stede van der hanzen den coopman geghont, verleent und togelaten
hadden, welke de coopman insgheliics van en were begherende. Waerup de
heren sick bespreken und na langhen berade verantworden, als upt eerste, als en
de coopman gedancket hadde dat se guedwillich hiir gecomen weren, dat hadden
se gheerne gedaen und wolden oeck mit gueden willen und rade nae under-
wisinge des coopmans vlitelick dat beste don na ere macht umme des coopmans
gebreken to vervolghene etc.; und als van den anderen pointe, wolden se den
coopman wal laten by siner macht, dat he to der tiidt toeb gehadt hadde, men
van den gewoenten und olden herkomen en conden se den coopman noch ghene
andworde gesegghen und dat queme toe umme gheschels willen, also se verstaen
hadden, dat de derdendele onderlinghe hadden den schote angaende; und weren
begherende, dat de coopman up de tiit des tovreden weren, se hopeden eer se
van hiir scheden den coopman* daroff to verliken und to vereenen. Und darmede
ginghen se samentlick in de kerke omme te hören de misse de de coopman van
den helighen geeste dar liet singhen.
5. Item upten selven dach so vorscreven staet was gesonghen ene misse ten
Kenners van den hilghen gheeste, dar de heren radessendeboden jeghenwoerdich
weren, up dat unse lieve here God dersulver heren bodeschap und werve int
beste und tot enen gueden eynde voeghen wolde, welke misse costede 14 ß 10 gr.
6. Item upten 8 dach in novembri weren sekere gedeputierden wt Hollant,
alsse de van Sceedamme und de van Leyden, bi den heren radessendeboden ten
Carmers int reventer, dar en de van Schiedamme beclageden van eres selves und
anderen stede weghene uut Holland op de ordinancie, de de geme'ene stede van
der henze ghemaket und gheordineert hebben up de Hollandsche lakene1, und
sonderlinghe, dat de tiit van den verboden seer cort were. Welke de heren verantworden,
dat se om alles gevoeghes willen den tiit vorlenghen wolden van
sunte Martiin to Kersmisse neghest körnende und off de steden in Holland vorder
handelinghe van der draperie hebben wolden mit en, so mochten se enighe vul-
mechtich by se senden unde dar in to venamene und to slutene so vor dat ghemene
beste nutte und profitelick were, dat se also tod sick nemen to huus to
brenghene. Oock so clagheden de van Leyden over de ander stede in Hollant,
de nu sonder oerloff off consent int wilde laken maken tot eren, der van Aemstel-
redamme und Sciedamme achterdeel und schaden, den welken oeck bi den heren
verantwort was, dat se, de van Amstelredamme und Schedamme vulmechtich by
se senden solden, dat se oock annemen to huus to brenghen. Und den vorscreven
wt Holland weren gheschencket 16 kannen wiins, de costeden 17 ß 4 gr.
7. Item was meister Gosen ghesent to Ghend um to vornemen enen dach,
») d&tsse K abwechselnd mit dat se, ist regelmässig in dat se corrigirt worden. b) toe toe K.
l) Vgl. n. 288 § 84.
82*
Digitized by v ^ o o Q l e