Vollständiger Band - Hansischer Geschichtsverein

Versammlungen der sächsischen Städte. — 1447 Jon. — Not. 247
nptogen tegen den vorberorden recess, darmede se den recess meynden bytoleg-
gende unde nicht to vulbordende, dar denne vele dedinge unde sprake over veilen
so veme, dat under den parten twisschen velen anderen dedingen unde worden
besproken wart, dat se ore recht uppe de stede satten in bescrevenen rechte to
schedende, dat de van Gottinge nicht wolden annamen, darumine dat se alrede
in rechte damp gescheden hadden, wente dar mer recht up to sprekende were
one to na. So blef dat by uns anderen dren steden. Des wart do eyn schrift up
verramet, in watte tyd men schulde unde antwerde overgheven unde ok scheden
scholde, by eyner pene; desulve schrift beyden parten gelesen unde van Hinrike
van Alvelde tohant gevulbordet wart, sunder de van Gosler nemen des wände
bet to namiddage unde leiden dat do af. Des wart densulven van Gosler do
eyn redelik fruntschup vorgesat, darmede sodanne unwille in fmntliken dingen wol
mochte hebben to siete gekomen, dat se aver afslogen unde seden, se weren des van
oren borgeren nicht mechtich. Hirup sik de stede vorder bereden unde gheven
one vor, dat se sik myt oren borgeren to hus scholden bespreken, [weret dat se
myt Hinricke to frantlikeme siete wolden, so wolden de stede darumme to one ryden
in ore stad unde Hinricke vorbenomed medebringen wente tome Richenberge unde
wolden sodanen Unwillen bytoleggende mit dem besten vorsoken, unde oft denne
ore borgere dat vulbordeden, so scholden se uns dat wedderschriven in achte
dagen. Dar se upscreven, se wolden de stede gerne lyden. Also redden do
damp desulven stede to Gosler in, dar wy unses rades kumpane do mede to
schickeden, unde brochten Hinricke van Alvelde tome Richenberge unde deden
vele flites by one, dat Hinricke mochte sin gekomen in ore stad ofte vor dat dor
up ore geleyde, uppe dat sodanne sake deste bat to handelende were, deme aver
[van]* den van Gosler neyne volge en geschach. Des bespreken sik de stede
unde gheven den van Gosler vor, dat se noch ansegen der stede flitigen arbeit kost
unde aventure to oreme besten unde allen erliken steden rede vaken gesehen,
unde ok ansegen ore egene vorderff unde schaden de one darvan alrede enstan
were unde noch forder van entstan mochte, unde gheven one vor eyne fmntlike
gutlike wyse darmede sodanen unwille mochte gesleten werden, unde one
hochliken reden unde boden, dat se one sodanner fruntlicheit horden; unde bo-
gerden, dat se allen Unwillen den steden dar up wolden gheven, se wolden se
unde Hinricke like wert holden unde se eren unde forderen na alse vore, unde
wolden dat jegen se ok gerne vordenen, darto wolden se Hinrikes mechtich sin,
he scholde dat holden wu ome de stede heten. Dat se aver bileyden unde des
wände beden veir weken, under des wolden se sik bespreken mit oren borgeren
unde anderen oren frnnden unde hopeden den steden denne eyn gutlik antwerde
to ghevende; dar one vaste wart ingesecht unde mochte anders nicht sin. So
wart dar also afgescheden, dat se den van Hildensem scholden eyn antworde
schriven, de dat forder an uns senden scholden, unde des schreven de van Goslar
sodanne vorhandelinge unde afschedent der stede af na inholde dusser ingeslotenen
ores breves aveschrift Aldus guden frunde hebben sik de sake in unser stad
unde to Goszler verlopen unde sind so vorhandelt, alse wii des van unsen fmn-
den, de wy darto geschicket hadden, egentliken sind berichtet. Unde wurmede
wy juwer ersamen wisheit denst unde willen mochten bewisen, dar scholde gii
uns gutwillich inne vinden, de wy Godde dem heren salich bevalen. Gescreven
under unser stad secret, des lateren dages sancti Luce ewangeliste, anno etc. 48.
De rad der stad tho Brunszwigk.
>) van fehlt L.
Digitized by L jO O Q ie