Vollständiger Band - Hansischer Geschichtsverein

Versammlungen der sächsischen Städte. — 1447 Jun. — Not. 245
beruchtiget wedder God unde recht, se leten sek geduncken, dat sek nicht en
tetnede unde nicht en foygede, dat se Hinrike wedder nemen to orem borger
one erföre erst en geliick unde wandel vor sodans; weiden aver de ersamen
stede one vorgeven ene ander fruntlike wise, de one unde Hinrike to gelimpe
unde eren drachlik were, so wolden se sek na orer frunde rade dar wol inne hebben.
8. Susz sanden do ore frunde to den reden unde leten one seggen, dat one
[nnlyjdelik* were Hinrik to sek to nemende vor enen borger na erkantnisse der
overmoydigen scriffte unde were one leth, dat se der rede bede nicht en mochten
twyden. Unde beden se, dat de rede sodanne wolden stan laten unde wesen
bedacht uppe ene ander limplike drechlike wise, de dem rade (to Goslar)b, Hinrike,
oren eren unde gelimpe nicht to na en stunde.
9. So schededen de rede des avendes dar aff, dat se eyn sodanne wolden
an Hinrike bringen unde begerden geleydes Hinrike in de stad van dem rade.
So denne de rad des dorch dusser obgenanten sake nicht en wolden tolaten,
so begeren de rede vor Hinrike geleyde to dem Jurgenberge eder to dem hilgen
grave. Hirup wart geantwordet, de rad unde de stad to Goszler hedden gesecht
to Lubeke unde ok to Brunszwigk, dat se Hinrike nicht don en weiden se en
deden dat myt eren unde myt rechte, so en hedde he umme se nicht vordenet
sunderlik geleyde, wolde he dar henne komen, dat stunde by ome.
10. Des dinxsdages en morgen quemen de rede vor den rad to Goszler unde
one vormanden unde vorludeden, wu se by Hinrike hedden gewesen unde dusse
vorhandelinge vorgegeven, so /mtworde one Hinrik, dat ome unde sinen eren dat
to na stunde, dat he de borgerscop nicht wedder en krege. Ok seden de rede,
dat se Hinrike des nicht wolden raden, dat he sek anders wes lete bededingen,
unde beden noch, dat de van Goszler sek in orer beide leten gutlik vynden.
Hirup leten de van Goszler antworden, sodanne scriffte unde breve de Hinrik
over de radpersonen in unde buten dem rade hedde gescreven, stunde one unde
oren eren to na, doch dat de rede scholden merken unde seen, dat se orer bede
nicht wolden enthoren, se wolden sek dar ingeven, dat men dat lete darto komen,
dat erkant worde, wer Hinrik one umme der scrifft willen wes plichtich were, so
wolden se wedder antworden Hinrike to synen schulden unde darup laten erkennen
dat recht, unde wanne sodanne.gescheden were so wolden se dorch bede
der stede Hinrike annamen to orem borger unde wolden dat recht unvorvolget
den steden to willen laten stan. Darup antwordeden de rede, scriffte weren ge-
scheen up beydent halven, de nicht vele en dochten, dat me hedde ene jegen de
anderen loszgeslagen unde hedde Hinrike de borgerscop weddergegeven, dat weiden
se vorschulden. Hir entjegen leten seggen de rad to Goszler, wes se screven
hedden, des weiden se vulsstan, unde dat de rede wolden vor oglien hebben unde
besynnen, dat desulve rad sek hedde geholden vor ersame umberochtigede vrome
lude unde were des rikes rad unde vorslogen sodanne scrifften an oren eren ge-
scheen to hone nicht so gerynge, se weiden sek van stund, nu one ore erbedent
ersten to Brunszwigk unde nu hire nicht en mochte helpen, vorwillen an Assch-
wine [vanc Cramme] unde Asschwin (vand Bortweide) vorbenomet, de stede Hyl-
densem unde Embeke unde in ener körten tiid sek vorwillen, darunder se wolden
overgeven ore schulde, uppe dat me jo segge, dat se fruntscopp unde recht nicht
vorslogen, mochte aver darenboven Hinrik den rad unde personen ane ansage
nicht laten, so wolden se ome antworden unde recht warden, dar sek dat dorch
recht borde unde desgeliick wedderumme van ome nemen.
») mydelfk Q H. b) to Goslar U fehlt (7. c) Tan Cramme fehlt (kn Hss.
d) ran Bortfeldo ¡¡fehlt Q.
Digitized by v ^ o o s l e