Vollständiger Band - Hansischer Geschichtsverein

Verhandlungen zu Kopenhagen. — 1447 Jun. 26 — Jul. 11. 221
18. Item umme de Wage, in Dudessch genomet de havene, dat de gestoppet
werde etc.: is besloten, dat sick en jewelk beware, worde dar we mede bevunden,
dat de dat betere.
19. Item umme dat de munte wert vorargheret etc.: werd dar we mede bevunden,
de betere dat na rechte.
20. Item umme den punder etc.: is dem kopman wol to willen, dat pundere
unde rechte wichte to Bergen werden geschicket.
21. Item alz de Norman dem kopman is schuldich etc.: is beslaten, dat de
Norman dem copmanne schal betalen sine schult, kan he dat don uppe ene tyd,
so en dorff he nene maninge vurder lyden unde mach sine gudere vorkopen, wen
he sine schuld hefft betalet, wem he wil.
B. Item desse nascreven punte bleven unbeslaten.
22. Item ume de stucke, de men schal up dem torge vorkopen unde kopen,
dat sta unde blive darumme alz dat lochbok utwiset, dat rechte jegen dat privilege
is inneholdende, dat de copman sine vittallien bynnen unde buten Bergen
mach kopen.
23. Item umme de schomaker unde allerleye amptlude, dat de bliven alz
dat lochbock unde des heren koninges breffe uthwiset, dat jegen gude rechtigeyt
unde olde wanheyt is.
24. Item umme de etekware etc.: desse articel is en myd dem ersten den
umbeslaten.
25. Item umme den leyttanger etc., is eyn articule van den ampten;
item umme de uthlendesschen, de nenen leydanger geven.
26. Item noch twe artikel mank den beslaten articulen, dar men noch schal
inspreken vor dem heren koninge, alse de ene van der stockvisch ghildinge unde
de andere van der winterlage to Bergen.
C. Item myt dessen nascreven artikelen clagede de kopman her Oloff Ne-
gelsson, vogede to Bergen, an van der bunder wegen in Norwegen, dar dyt nascreven
by densul ven article gescreven van des rickes rade unde den steden ward
geslaten, ok uppe des heren koninges unde der stede behach.
27. Item umme den artikele alz dede ut dem rostomente segelen etc.: is
beslaten, dat [men]a dejenne, de dat mer don, schal richten na lantrechte.
28. Item umme den artikel van der doden gudere, de de vogede antasten
onde betalen dem kopman siner schuldich: welk voget de dat deyt, de do darvor
alz recht is.
29. Item to dem dorden artikel, alz efft jement breket in dat landrecht:
beslaten is alse umme den artikel vorscreven.
30. Item to dem artikel, effte jement nordward vorstervet edder levet unde
blivet sittende etc.: is beslaten, helft jennich kopman edder Norman schulde to
dem anderen, de schal de vorderen dar eme dat in rechte behoret unde dar schal
ene nemant ane hinderen.
31. Item to dem veften artikel, alz wen de Norman vorstervet unde de
vrunde sine gudere nemen: is beslaten, we des doden gudere antastet de schal
sine schulde betalen, alse dat recht uthwiset, we daraver claget, dem schal de
vaget dar rechtes over behulpen wesen.
32. Item to dem sosten artikel, alz dat de bunder den seerovers des kop-
man8 schepe unde gudere tor hand vorspen etc.: we de darmede werd beclaget
myd rechte, de lyde darvor dat darvor behort.
a) men fehlt IV.
D igitized by G o o g l e