Vollständiger Band - Hansischer Geschichtsverein

218
Verhandlungen zu Kopenhagen. — 1447 Jun. 26 — Jul. 11,
artikele, punte unde gebreke to sprekende, so möge gy juw beraden, wat wy
ersten vornemen to vorhandelende. Aldus bereden sick de van den steden. Item
na dem berade seden de van der stede wegen, namliken her Wilhelm van Calven1,
dat den steden geraden duchte gewesen, dat men de sake van Norwegen ersten
vorneme, dat densulven des heren koninges gedeputerden ok also wol [be]hagede\
Darup worden de 28 artikel vorgescreven to lesende.
11. Item na vorhoringe des artikels, de anhevet unde inhold, dat men alle
stucke, de men plecht uppe dem torge to vorkopende, dat id darumme scholde
bliven alz dat lachbock darumme uthwiset etc., dat doch clarliken is tegen vele
privilegen van koninge[n]c to Norwegen gegeven: darvan doch des heren koninges
deputerden nicht wolden weten unde wolden den artikel also hebben geholden,
dar de stede ere berad up nemen.
12. Item na dem berade sprak her Wilhelm van der stede wegen: leven
heren, de erste artikel is rechte jegen unse privilegen, den möge wy nener wys
in vorkortinge dersulven unser privilege overgeven na juwen sinne to holdende,
unde wy hebben ok nenerleye beveling in yeniger wise myd juw in unse privilege
to disputerende nach olde loveliker wanheyde overtogevende, de doch vele van den
vorscreven artikelen den beyden enjegen sin, hirumme möge wy darby bliven,
darumme syn wy hire van den menen steden hir gesand, denstliken byddende,
dat me uns darby wille laten, alz se uns van koninge to koninge sin besegelt
unde ok uns van den heren koning Cristoffer sin confirmerd. Worup de gestrenge
her Eggerd Frylle, ritter, van der deputerden des koninges wegen ant-
werdede: leven heren, gy willen hebben privilege unde olde wanheyde, wat wyl
gy holden vor olde wanheyd edder wat is wanheyd. Item darup antwerde Wilhelm
: leven heren, dat men van langen jaren baven privilege in rouliker be-
sittinge hefft gebruke[t]a dat holde wy vor olde wanheyd, so hebben de kopmanne
vele der vorscreven artikel gebruket in aider wanheyd alse se de ene na der
anderen hebben gevunden. Item hirup antwerdede her Eggerd Vrille: leven
vrunde, na dem seggende mochte gy unde juwe kopman seggen, gy weren koninge,
voget unde lachmanne, unde darna, dat unse gnedige here nen pard in® dem
lande haddef. Item darup antwerdede her Wilhelm: leven heren, unse stede
unde de kopman begeren unses gnedigen heren koninges lande noch lude myd
alle nicht, unde mochte se synen gnaden unde den synen to willen unde to denste
wesen dat deden se allewege gerne, unde begerden nicht anders wen dat sc
unde ere kopman by Privilegien, vryheyde, rechtigeyden unde olden loveliken
wonheyden mochten bliven unde dat sine gnade sodanne vorberorde artikel wolde
affdon. Item darto antwerdede de genante her Frylle, alle begrip were doch
an beyden syden affgedan unde dat ok myt alle vurder nen beslut van der de-
dinge, de se nu handelenden, mochten volgen, men dat alle ding scholde wedder
komen unde wesen to eres gnedigen heren des koninges vulborde. Unde sede
vortan, de stede leten sick duncken, dat se unde ere kopman seerj beswaret
worden, men se en wüsten nicht, wo sines gnedigen heren undersate vorunrechtet
worden in dem vorscreven artikele unde in velen anderen dingen, hirumme had-
den des rickes rad van Norwegen unde syn gnedige here overgewegen, nutte to
wesende, sulke artikele to holdende alz vorscreven is.
13. Item dar wart van beyden delen vele ingespraken, en yewelk vor syn
del, dat vele to lang were to scrivende, also to dem lasten, dat der stede sende-
baden inenden, wolden so de artikel so hebben geholden, so stunde ene nener
a) Claven H7
«*) in in H7.
It) hagedo 117.
f) lia