Vollständiger Band - Hansischer Geschichtsverein

Versammlung zu Lübeck. — 1447 Mai 18. 199
begerende van uns, ju offte juwen vulniechtighen, wes uns darvan wedervart, dat
io geschrifften to benalende to Lubeke offte in Vlanderen, met mennighe mer
worden in juwen vorscreven breve begrepen, den wy guetliken untfangen hebben
unde wol verstaen. Warup wy juwer ersamheyt begeren to wettende, dat wy
Sonderlinge bevell heben van unses heren homesters weghen unde syner lande
node stede weghen, up des heren konynges breeff dem heren homeyster gescreven
to antworden unde syne gnade unde lande unde stede darinne to untschuldighen
etc., unde siin darumme hergekomen, de na allen rechte unde beschede to ver-
antworden unde den copman also wol van der gemenen hanse alse. ut Prassen
bii synen vriiheyden unde alden gewonheyden to behaldende, dat wy ock alrede
gedaen hebben, bede muntliken unde in geschrifften vor dem konynge, synen
raede unde vor certeyn commissarien, de uns geschicket siin gewest van des
konynges weghen. Doch erbaren heren so en könne wy ju noch gheen sunder-
lingen bescheet noch gewisheyt scriven, wo wy varen sollen in unsen saken; de
konynck unde alle de heren van dessen lande siin nu in eren herschoppien unde
en komen nicht weder togader eer 14 daghe nae Michahelis unde de commissarien,
de uns geschicket werden, absenteren sick ock unde wellen tot ghenen ende myt
uns komen. Unde wy en können noch nicht anders merken dan dat se darna
arbeyden, dat se also vrii moghen unde wellen siin in Pruessen unde in anderen
steden der gemenen hanse alse de Duetsche copman es in Englant, unde wy en
moghen noch en wellen nicht overgeven de vriiheyt unde herlicheyt unses heren
homesters unde syner lande unde stede noch der anderen stede der gemenen
hanse, also dat wy uns bevrochten, dat men uns aldus vertuet dat ed geschuet
up eyn gedranck unde subtielheyt, dat se uns werden uphalden tot Michahelis
unde dat se dan lichte des copmans vriiheyt wellen verbort maken nach inhalt
des konynges breeff etc. Doch wy wellen allen unsen vliit darinne doen unde dar
vor to wesende nae unsen vermoghen, dat dat nicht en geschee. Uns duchte wol
geraden, dat gii juwe nernstacbtige breve herscreven an den konynck begerende,
dat men den copman bii rechte unde beschede wolde laten, angeseen dat sick de
here homeyster van Pruessen tot allen rechte unde beschede gebut, uppe dat
vorder gheen möge darvan en queme. Anders en wette wy ju erbaren heren
nicht sunderlinges uppe desse tiit to scrivende, sonder wes uns vorder wedervart,
dat welle wy ju so geringe alse wy moghen, ju offte juwen vulmechtighen in
Vlanderen, so gii scriven, don to wetende. Got almechtich beware ju erbaren
heren alletiit in salicheyt. Gescreven under unse ingesegelle, upten 25 dagh in
dem maende augusto, anno 47, unde sunderlinges under ingesegell des heren
pastoers van Thoren Dutsches ordens van unser aller weghen.
Sendebaden des heren homesters van Prassen, up desse tiit
in Englant wesende.
295. Der deutsche Kfm. zu London an dieselben: schildert seine missliche Lage}
welche den Verlust der Freiheiten befürchten lasse, und ersucht um eindringliche
Schreiben an den Kg., welche im Verein mit dem Wirken der im Lande
befindlichen prcussischen Gesandtschaft die Gefahr abzuwenden im Stande
wären. — 1447 Aug. 25.
Aus StA Lübeck, A. Hans. Korr. m. London, Or. m. Resten d. Siegelt.
Den ersameghen unde vorsenighen heren radessendebaden der
gemenen hansestede nu to Lubeke vergadert, unde besonderen
den erbaren heren burgermeysteren unde raetmannen der stat
Lubeke, unsen besonderen leven heren unde guden vrunden.
D igitized by G o o g l e