Vollständiger Band - Hansischer Geschichtsverein

8
Versammlung zu Lübeck. — 1443 [Ende Mrz.].
overbodich to nemende unde to donde, alse eneme bedderven manne van ere unde
rechtes weghene bord to donde. Nw, leven vrunde, umme den dach, dar hertich
Cristoffer umme schrifft, dede wesen schal to Rosztok uppe sunte Marien Magda-
lenen dagh1 neghest tokomende etc., leven vrundes, dar hebbe wy wes intosegghende,
alse gy sulven unde andere gude lude ok wol hebben to merkende, wo uns to
sulkeme daghe stunde to körnende, wente dar ys nicht inne beroret, dat hertich
Cristoffer edder de van Denmarken, Sweden unde Norwegen uns unde unsen vedderen
ere unde rechtes pleghen willen edder ok mynne* uppe deme daghe, unde ok
nicht, wat herren unde fursten edder stede, de unser van beyden syden schedes-
heren wesen scholen. Hadden darinne sulke stucke unde sake beroret wesen, dat
uns ere edder recht mochte weddervaren hebben na tosprake unde antworde, gy
unde andere gude lude scholdent vorware weten, dat wy nw uppe desse tyd to
deme vorbenomeden daghe dar yo sulven wolden hebben gewesen, ere unde recht
to nemende unde to donde. Unde darupp, dat gy unde meer gude lude scholent
merken unde vorware weten, dat wy nw unde to alien tyden ere unde recht
nemen unde don willen, so sende wy nu to juw over twe ud unseme rade, alse her
Otte Snaffs, ridder, unde her Johan van Elten, radman unser stad Wisbu, de juw
ok desse sake unde stucke wol weten to berichtende, alse wy juw schriven etc.
Leven vrundes, nademe, dat de van Denmarken, Sweden unde Norwegen hebben
deme herren homeystere affgesecht, so dat se nicht vor eme unde syuen orden
komen willen, dar wy uns to gegeven hadden, unde uns dar noch ere uffte rechtes
plegen willen, so schole gy weten, dat wy yo, ufft God wil, willen vul beden unde
don: Konde gy nw ze underwysen unde dartho vormoghen unde mechtich wesen,
dat ze uns ere unde rechtes vor juw unde den anderen vyff steden, alse Hamborgh,
Lunenborgh, Wysmar, Rosztok unde Stralessund, pleghen unde don willen unde
vor den herren unde fursten, de juw neghest beseten synt, de gy darto theende
unde nemende werden, so schole gy uns unde unser vedderen, ufft ze willen in
den saken myt uns blyven, vulmechtich wesen ere unde rechtes. Schrive gy uns
nw to, dat ze ok zo willen by juw blyven, unde dat hertich Cristoffer uns ok
sulven moten wyl, so schole gy vorware weten, dat wy ok sulven willen komen,
wor gy uns denne in den vorbenomeden steden, dar yt uns ghetlyk ys, unde de tyd
uppe pinxste dagh neghest komende. Wille gy juw des annamen, unse schedes-
heren to wesende an beyden syden, myt mynne edder myt rechte to vorschedende,
wat men myt mynne nicht vorscheden kan, dat denne dat recht voergha, willen
ze des nicht don, so möge gy ze holden vor sulke lude, de noch ere edder recht
pleghen willen. So bidde wy juw, dat gy denne umme Godes willen unde umme
alle ere unde rechtverdicheyt willen, wol don unde gheven uns juwen breff darupp,
in welker mate dat wy unses rechtes by juw gebleven synt unde to juw gesettet
hebben, dar wy juw ane vulmechtighet hebben in unseme breve. Unde schryvet
vor uns to unsem hilgen vader dem pawese unde keysere unde byddet, dat ze
wol don umme Godes willen unde der rechtverdicheyt willen unde helpen uns,
dat uns ere unde recht weddervaren moghe, unde ufft gy des nicht vulmechtich
van en konden werden, so willet uns denne senden de breve myt dessen unsen
rcderen vorbenomet. Is yt overt, dat ze uns rechtes vor juw plegen willen unde
des by juw blyven, dat ze juw denne gheven ere machtbreve darupp, dat gy erer
vulmechtich zin to eren unde to rechte, dar wille wy ok juw unse breve upp
geven, unde dat gy uns ok wedder juwen breff darupp geven, dat gy uns zo vorscheden
willen. Unde wen wy sulven to dem daghe to pinxsten dar henne scholden,
a) Xaeh mynne sind 10—IS Buchstabai r a d h l /..
») Jul. 22.
Digitized by G o o g l e