Vollständiger Band - Hansischer Geschichtsverein

Versammlung zu Lübeck. — 1447 Mai 18. 195
l&kene kopen, darmede worden bedrogen: hirumme so bebben de gemenen stede
ensgedragen unde gesloten, dat me sodanne unwantlike unde contrafeyte lakene
vorschreven na sunte Mertens daghe negest kamende in nene hensestad bringen
noch liden en schal, by vorlust der lakene, yd en were dat de vorschrevcn van
Hollant unde Zeelant myt den sendeboden der gemenen stede unde deme copmanne
in Flanderen vurder wes künden overkamen.
85. Item hebben de vorschreven stede geprdineret, dat alle dejenne, de
ziik myt vorsate ut der hense gheven“ unde in Vlanderen porters werden off
anderswor unde dar wyve nemen, dat de darna numiner in yenigher hensestad
scholen vor borghere entfangen werden noch der hense rechticheyt gebruken;
ok dat nen schipper van der hense schal em guet enthalen umme ostwart off
westwart to vorende; ok schal nymant van der hense er gud entfangen noch en
aff(kopen)b nach tosenden, wante we hir entegen dede, de schal vorboren dree
mark goldes unde schal ok dree jar lank syner borgerschup enberen unde bynnen
den dren jaren in nener hensestad hanteringhe hebben
86. Item want grot gebrek in vortiden gevallen is unde dagelix mer kamen
mochte, dat men jarlikes in Flanderen al wil kesen unde hebben alderlude ut
den sostendelen etc., so hebben de gemenen stede gesloten unde vor dat beste
gevunden umme mennigerleye sake willen, dat men in den dordendelen vortan
zulken underscheyt nicht maken noch holden en schal, men se willen, dat men
kesen schael int Lubesche dordendel de nutesten darto, se sint van Lubeke beyde
off van anderen steden in dat dordendel behorende, int Westvelesche, se sint
beyde ut Westvalen off ut Prassen, unde dergeliken int Gotensche, se sint beyde
ut Gotlande off ut Lifflande, wente de stede willen, dat de wisesten unde de dar
alderbequemest to sin scholen gekaren werden. Unde de scholen doen enen eed,
alse dat van oldinges gewanlik is ghewesen8.
87. Item willen de vorschreven gemenen stede unde hebben geordineret,
wente de 18 manne in Flanderen den alderluden helpen richten unde afzeggenc
sake de vor den copman gevallen, dat desulven 18 manne, de jarlix to den 6
alderluden gekoren werden, scholen enen eed doen, dat se den alderluden willen
bistendich wesen in allen saken dem copmanne unde der hense angande. Unde
wanner se van den alderluden vorbodet unde radeswyes umme enighe zake ge-
vraget werden, dat se denne na ordinancien unde gewanten des copmans by dem-
snlven eede scholen zegen unde richten, alse se by eren vyff synnen konen kennen
off begripen, redelik unde recht to wesende, sunder argelist3.
88. Item wente in tiden vorleden vakene beschut, dat schipperen van der
hense in ene vlote ostwart off westwart to zegelende tosamende vorbunden weren
by eeden, eren unde truwen tosamende to blivende, so dat gewanlik is, dar doch
grot gebrek ynne wert gevunden to nicht weynich schaden, hinder unde achter-
deel des copmans unde anderer schipheren van der henze vorschreven, hirumme
so hebben de gemenen stede endrachtliken gesloten, wanner jenich schipper, he
sy ammeral edder nicht, mit twen off dren schipperen off copluden overgetuget
wert, dat he myt vorsate van welker vlote, dar he mede vorbunden were, zegelde
unde ene kentlike noet van storme unde unweddere darto nicht en brochte, de
schal vorboren ene mark goldes unde darto en jar lanck de frygheit der hense
enberen unde nicht gebruken4.
») das darauf folgend« und« hebben gegeven durchstrichen L, medtr aufgenommm Df.
b) »ff L, affkopen Df. c) affzeggen R Df, afzegen L.
’) Vgl. § 61. *) § 86 Irti auf den letzten Satz entlehnt aus d. R. v. 1441, Hl2. 2
n, 439 § 36. •) Vgl. Hit. 2 n. 439 § 35. A) Pardessus § 18.
25*
D igitized by o o g L e