Vollständiger Band - Hansischer Geschichtsverein

194
Versammlung zu Lübeck. — 1447 Mai 18.
wegen an de van Hantten* unde Yernemode, de ok de copman bezwaret myt
tollen, de schal ok utgestellet sin gelik alse Suethampton.
79. Itemb schal nymant van der hense yenich gued laden noch vorvrachten
an anders wemen dan allenen in de schippheren de in der hense behorende sint,
up de büte van twen marken goldes to vorborende1.
80. Item dat ok en islik schipper van der hense, de van osten westwart
geladen wert, schal geholden unde vorbunden wesen tom stapele in Flanderen to
zegelende, yd en were dat coplude van der hense yenighe schippheren vorvrachten
in de stede van der hense myt gude allenen in de hense behorende, de mach
dar zegelen unde lossen unde anders nergen, unde ok utgescheden, de in Engeland
offte Schotland wesen willen, up de bute van dren marken goldes snnder
gnade to vorborende. Yodoch de allenen myt ventegude unde nenen stapelgude
geladen synt, de mögen* zegelen wor se willen sunder vorboren.
81. Item schal nymant schepe buwen in enigher stadd, he en sii borgher
darsulvest edder2 undersate des heren, unde dat schipp vort nymande vorkopen
buten der hense er to dem siete, by vorlust unde pene 3 mark goldes unde by
vorlust der hense. Men he mach dat yemande wol vorkopen bynnen der hense,
de schal ok mede vortvaren, alse vorberoret is*.
82. Item schal nen schipper van der hense gud up den overlopp edder in
der kaguten voren. Ok so schal en islik schipper, de en schipp hefft van hundert
lasten *, in demsulven schepe hebben unde voren 20 manne harnixf uppe de bute
van ener mark goldes, also vakene alse he brekelik hirynne wert gevunden.
Unde wat schip mer elfte mynder is, schal dergeliken na antale voren, darna
yd grot is edder klene. Unde dyt schal en islik hensestad vorwaren unde ok
de copman in Flanderen unde Engelant etc. wanner dar schepe ankamen, enen
isliken schipperen by syme eede to vorhorende3.
83. Item schal me nene Viamesche off Brabandesche lakene, de van oldinges
gewantlik unde schuldich sint ten stapele to kamende, bringen in yenighe stad
van der hense, utgenomen opene unde gekrumpen lakene, se en sin gekofft offte
hebben gewesen ten stapele in Vlanderen off dar de copman synen Stapel holt,
unde en islik schal ok darvan van den alderluden des copmans bewyes bringen
by den lakenen by vorlust des gudes sunder gnade; unde off de alderlude van
der hense yenigen man van der hense vornemen, de hir entegen dede unde
lakene sunder bewyes van em sande, dar he in den steden van der hense nicht
umme gestraffet en worde, dat se den sodannen broke scholen boten na der
werde der lakenen, de he alse vorschreven steyt jegen dat geboet der gemenen
stede van em schal gesant hebben4.
84. Item alse in vorledenen tiden dreen steden in Hollant, alse Amsterdam,
Leyden unde Schedam, gegunt unde togelaten is by den gemenen steden unde
copmanne van der Dudeschen hense, draperye unde lakene to makende in eren
steden uppe ene zekere manner unde zegel etc.6, boven welke vorschreven
draperye unde lakene me nu alumme in Holland unde Zeelant maket in steden
unde uppe dorperen vele unwantlike unde contrafeyte lakene, de men bringet in
de stede van der hense unde aldar vorkopet, unde wante vormyddelst gebreken,
de dar dagelix ynne gevunden werden, vele simpele lude, de up geloven de
a) Hampton R.
b) § 79 in D2 von Hertze über schrieben: Dit wart gemaket dem oopman to
Brngghe to guda. c) mit mögen beginnt wieder die erste Hemd R.
d) henseetad Ä?.
o) horinghee fügt der kamper Auszug, rZ. Kn, Attira. f) harnisch JT£, harnea R.
*) Pardesms § 15, vgl. n. 318 § 4.
*) Pardessus § 17, wiederholt aus d. JL
v. 1441 mit dem Zusatz: edder undersate des heren, vgl. HR. 2 n. 439 § 22.
n) Pardessus § 16. ♦) Vgl. Hit. 2 n. 608 § 12. ö) Vgl HR. 2 n. 627.
Digitized by Google