Vollständiger Band - Hansischer Geschichtsverein

Versammlung zu Lübeck. — 1447 Mai 18. 191
mach, off de stad de des beghert der gemenen hense profitliik wesen mach offte
nicht Unde offt jenige stad hirenboven entfangen worde alse vorscreven steyt
in de hense, dat seal van nenen werde men machtloes sin *.
70. Item wante de olderlude to Brucge alle jar ummetrend pinxsten affgan
unde soes nye olderlude werden wedder gekoren, de nicht wol en weten wat ere
vorvars in den jaren gedan hebben off des copmans sake enbynnen syn sunder se
vornemen dat van den olden, daruth vele gebreke, vorsumenisse unde schaden
deme copmanne komen mochte, so hebben de gemenen stede to Lubeke vor-
gaddert geordineret unde gesloten, dat men nu vortan uppe sunte Johannes avent
allewegen kesen schal in illiken dordendeel enen olderman unde uppe des billigen
Kerstens avent desgeliken uth eneme dordendeel also dat alleweghe dre olderlude
bliven mögen stan bii dre nye olderlude. Unde uppe dat se desser ordinancie
na beghynde werden in sunte Johannesmisse negest körnende, so hebben de gemenen
hensestede bevolen denjennen de aldus lange plegen to kesende, dat uthe
den soes olderluden, de nu affgande werden to pinxsten ummetrend, offt desse
ordinancie nicht gemaket were, kesen mögen uth illiken dordendeele enen olderman,
de en dunket bequemelik darto nach eneme halven jare to blivende stan
vor alderlude; unde wemen se darto kesen werden, de schullen olderlude bliven
uppe bote twe mark goldes to vorborende so mennichwerve alse yemant des
wegherde to donde; [unde“ vort darby to donde] myt den alderluden unde 18
mans wat profitliik unde bequemelik is vor den gemenen copman8.
71. Vortmer alse denne twedracht is twisschen deme copmanne van Engelant
unde deme copmanne van Brucge van deme schote, dat de coplude van Engelant
nicht en menen schuldich to wesende van den guderen, de se bringen uth Engelant
dor Vlanderen unde Brabant etc., darup de radessendeboden der gemenen
stede van der hense in Vlanderen wesende int jar 35 uppe den 14 dach van
januario enen uthsproke gedan hebben3, durende twe jar langk, unde darna des-
gelikes de rad van Lubeke unde radessendeboden der stede Hamborg, Wismer
unde Luneborg ok van siik vorschreven hebben ummetrend 8 dage in augusto
int jar 39, dat men den uthsproke noch holden scholde twe offte dree jar langk,
so hebben nu de gemenen stede van der hense endrachtliken gesloten, dat men
tan ghenen gude, dat vorschotet is in Engelant unde [un]vorandertb in Vlanderen
offt Brabant to water offt to lande wart gevört wert, vortan schod geven sal, beholden
des, wanner de copman van Engelant wil, dat de olderlude to Brucge an
den balliun schryven seal certificacien van dem ghude, alse vor desser tyd wont-
liik is gewesen, so seal de copman van Lunden certificacien an de alderlude don,
dat de gudere in de hense behoren unde dat nemant buten der hense part offte
deel darane en hebbe, unde de copman van Brucge seal alsodane certificacien don
an den balliun van deme watere offt anderswor dar des not is, unde van sulken
certificacien sal men des copmans clerick to Brucge gheven 3 placken, dar sy
vele offte kleyne gud ingescreven; unde were dat gud nicht vorschotet in Engelant,
so sullen de alderlude van Brucge dubbelt schod mögen nemen van dem
gnde, to eres unde des copmans behuff in Engelant, unde dar to vor hote 20
schilling grote deme copmanne to Brucge to vorvallendec. Unde quemet also,
dat de copman van Brucge moste vorder vorvolch don uppe Engelsche lakene myt
breven, so mögen de alderlude van deme copmanne, de des vorvolges beghert, to
a) unde - donde füllt L> ergänzt a.