Vollständiger Band - Hansischer Geschichtsverein

188
Versammlung za Lübeck. — 1447 Mai 18.
bote van elkem düsende bii 6 sware Engelsche nobelen to vorborende, de twe
deel dar dat gevallen sal unde dat dorde deme vormelder1.
53. Item* so schal nemant kopen van den Russen troynisse, noch nemant
scal kopen noch vorkopen enich getoghen werk offte jennich getroynisse van
reynem werke ummegekeret sunder alienen popelen, bii vorlust des gudes, darvan
de dre deel scholen vorschynen dar dat gevelt unde dat veerde deme vormelder.
Unde desse vorscrevenen puncte schal me holden in allen steden dar de van der
hense kopenschupp holden, alse dat int jar 34 bii den gemenen steden der hense
is belevet unde berecesset*.
54. Vortmer is vorramet, welkeme schipheren wat ingheschepet wert, de
schal dat wedder uthschepen unde antwerden denjennen de dat (em)b ingeschepet
hefft edder enem van syner wegen, dar he vor antwerden wil, uppe dat yd to
rechter scheringe kome, wente worde wes vorloren, dat scholde de schipher
ghelden; hadde ok de schipper jennich gud ynne dat siik nemant antoghe, dat
schal he deme rade antwerden dar he losset, edder den olderluden des copmans
dar he kumpt3.
55. Item wor en schipher in der zee in noet queme myt schepe unde gude,
unde syne schipkindere edder schipmanne nicht helpen wolden unde eme en-
toghenc, des siik de schipper beclagede, worde dat volk in eniger hensestad edder
copmans rechte begrepen, dar scholde men se in den torn setten unde twe mante
holden myt watere unde brode. Dede he id ok na der tiid meer, dar he umme
beclaget worde, so schal men een dree mante in den torn holden myt watere
unde brode unde gheven em den en teken in dat