Vollständiger Band - Hansischer Geschichtsverein

Versammlung zu Lübeck. — 1447 Mai 18. 185
bere sin schep lode myt heringe edder myt beere, de' mach segelen to lichtmissen»
Unde wanner de schipheren also liggende bliven, also vorscreven ys, so darff de
copman nene vracht uthgeven, effte de copman upschepen wil. Jodoch mach men
segelen bynnen landes myt klenen schepen up dat hogeste van 24 lasten. Unde
oft jenich schipher edder copman, de in der hense is, hir entjegen dede, in welker
stad haven de queme, die schipper schal sin schipp unde de copman sal sin gud
vorboret hebben. Were over de schipher edder de copman nicht in der hense,
we denne dat schipp edder gud koffte, he were borger edder gast, de scholde
dat schipp unde gud vorboret hebben. Behelde over de schipher dat schipp, so en
scholde nemant dat schip darna bii eneme jare schepen K
37. Vortmer wanner jennich schipher kumpt in ene havene na sunte Mertens
dage, de scal myt siik bringen enen breff, darynne he bewisen schal, uppe wat
tiid he geschepet unde rede was myt vuller last to segelende. Unde wor en
schipher van windes unde weders noden na sunte Mertens dage in ener havene
blifft liggende, wil denne de copman sin gud uppschepen, dat mach he don unde
wedder inschepen uppe desulve vracht. Wila he over em sodanne gud nicht
wedder inschepen, so schal he deme schipheren gheven syne halve vracht®, so he
des myt em eens is geworden*.
38. Vortmer en schal nemant vorkopp don, alse hering to vorkopende unde
kopende er he gevangen is, edder kom er yd gewassen ys, edder want unde
ander gud er yd gemaket ys9. Scheget ok darenbovene, so schal de koper dat
gud vorloren hebben unde de vorkoper schal breken 10 mark sulvers, unde de-
jenne, de dat meldet, schal hebben van dem vorbrokenen gude den soesten
penningk. Unde dyt schal en jewelk stad richten, dar dat vorscreven gud kumpt,
to dersulven stad behuff; weret ok dat we vor desser tiid dyt alrede gedan hedde,
dat schal machtloes wesen*.
39. Vortmer hebben de stede vorramet, dat wor en borgher in ener stad
van der hense dem anderen schuldich is, sodanne borgher uth der stad van der
hense schal em dat affvorderen unde manen myt der stad rechte unde dat ne-
mandeb gheistliken manne to manende uplaten, alsoverne eme in der stad recht
scheen moghe. De dar entjegen dede, de en sal in der stad nicht lengher borgher
bliven, ok en scal he in nener hensestad mer to borgher entfangen werden6.,
40. Vortmer scal nemant gerovet edder zedrifftich gud kopen bii lyve unde
gude, unde de dat kofften, de schal me richten in er hogeste unde dat gekoffte
gud schal vorvallen den menen steden; kofft he ok dat gud unwetene, so ys dat
gud allenen vorvallen, men he schal de unwetenheyt warmaken zulff drudde
bii eeden6.
41. Vortmer® hebben de stede eensgedragen unde geramet, datd welk man
jenniges borghers van der hense ghelt unde wedderlegginge hefft, wan de van
eme scheden wille edder wanner de here van em wyl, so schal he komen dar
de here wanet, dar he de wedderlegginge van em genomen hefft, unde don em
myt fruntscopp edder myt rechte des he em plichtich sy. Weret dat he siik des
werede, so scal he in nener hensestad borger wesen effte werden, id en were,
a) Wil — vracht fehlt R. b) nyneme R, nenem Df. c) § 41 fthlt DS.
d) dat dat L.
*) Pardessus § 7; R. v. 1417 w. 141 f. *) Pardeasus % 8; der erate Satz a. d.
R. v. 1417 u. 1418. *) Vgl. n. 107 f. *) R v. 1418, vgl. Korner a. a. O.
S. 1230 § 12. ß) R. v. 1418, vgl. Korner a. a. O. S. 1231 § 14.
*) Pardeasus § 9 ; R. v. 1418, doch heinst es dort, dass das Gut schal halff vorvallen an
de stad edder den copman, dar he richtet werd, unde de andere helfte an de getnenen stede.
HanwrecMn f . 1431-76. III. 24
D igitized by