Vollständiger Band - Hansischer Geschichtsverein

Versammlung zu Lübeck. — 1447 Mai 18. 179
17. Ok wart darsulvest vormyddelst den erliken radessendeboden gehandelt
de landreyse vormyddelst deme gude, dat glieyt over land in Westvalen unde
alumme. Unde de erbenomeden radessendeboden den van Lubeke darsulves
seden, dat se hadden van der weghen gescreven unde laten don warschuwinghe,
dai men nen gud scholde over land voren, dat den anderen steden qweme unde
were to vorvanghe unde groteme schaden, wente se de van Lubeke darane vordachten,
dat se dat myt vorsate hadden gedan. Dai*to de erbenomeden van
Lubeke nach besproke antwerdeden, dat id ere wille wol were, dat de waghene
to lande gingen unde dat sodane schrivent unde warschuwinge nemande van den
steden were gedan unde besehen to vorvange edder schaden, men wes hirane ge-
scheen were, dat were gedan umme erer eghenen borghere besten willen, darover
se geboet hadden, unde de vormyddelst eren guderen over land varen unde van
quaden bösen lichtverdigen luden vormiddelst achte unde overachtebreven van den
hemeliken richten boven alle recht unde redelicheyt werden getovet unde myt
eren guderen upgeholden. Des do de erbenomeden heren sendeboden weren to-
vreden unde beeden dat men dat also scholde berecessen.
18. Item screven de erbenomeden heren radessendeboden breve an de sendeboden
des homeisters van Prussen, de uppe desse tiid van deme erbenomeden
heren homeistere to deme heren koninge van Engelant synt geschicket unde darsulvest
in Engelant synt tor stede, darane se worden gebeden, dat se van weghen
der ghemenen stede unde des copmans van der Dutschen hense umme beholdinghe
erer privilegie dat beste wolden vortsetten unde werven, soverne se darvan nen
bevel hadden; so de breve dat uterliken wol inneholden unde umme der körte
willen hir nicht syn ingesettet *.
19. Vortmer hebben de erbenomeden heren radessendeboden gheordineret
uode geschicket ere drepliken sendeboden, de van der ghemenen stede wegen
scholen trecken tom heren hertogen van Burgundien, wanner de bodeschupp uth
Prassen wedder is gekomen, umme darsulvest bii dem heren hertogen van Burgundien
to bearbeydende, dat den steden van der Dutschen hense ere privilegia
imme lande van Vlanderen unvorkortet mochten wedder werden geholden. Unde
hebben dartho ghenomet ver sendeboden, alse enen edder twe van Lubeke unde
van Colne, van Hamborg unde Dantziike, de denne ere werve in der besten wise
vortsetten scholen. Welke ordineringe unde nomynge“ de erliken sendeboden van
Colne, Hamborg unde Dantziike van erer stede wegen so nicht annameden, men se
wolden dat bii ere oldesten bringen, des de stede unde radessendeboden wol
weren tovreden. Ok scholen denne de vorscreven sendeboden alse ordineret des-
geliken bodeschupp don bii deme heren koninghe van Engelant unde Vrankriken
is des van node, umme beholdinge der privilegie des gemenen copmans van der
Dutschen hensze darsulvest in der besten wise alse des is van noden2.
20. Item beclageden siik vor den erbaren heren radessendeboden de er-
samen heren sendeboden der stad Bremen over den heren koningk Cristoffer, de
ra tiiden kortliken vorleeden hadde laten nemen in syme riike ere schepe unde
gudere, des se weren gekomen to groteme schaden, darumme se ok gedan hebben
grot vorvolch, wol weren se dochb nicht gekomen to siete unde wedderkeringe eres
schaden. (Unde® vorboden siik vor den steden, dat se erer scholden wesen van
der weghene mechtich to eren unde to rechte).
21. Item alse denne in velen vorghangenen jaren bii den ghemenen steden
•) so Rt nemynghe L.
in den übrigen Uss.
b) des dach R. c) Unde - rechte R DJ Df Dr fehlt
«) Vgl. ». 294. *) Vgl. n. 340 ff.
23*
Digitized byGoogle