Vollständiger Band - Hansischer Geschichtsverein

Versammlung zu Lübeck. — 1447 Mai 18. 177
11. Vortmer wart dar gelesen ene credencie des ghemenen copmans van
der Dutschen hense to Brucge in Flanderen wesende, darinne weren genomet
Hinrik Castorpp, Hinrik van Scheden, copmanne, unde Johannes Ghebbingk,
secretarius, de darsulves vor den erbaren heren radessendeboden vortsetteden ere
werve unde groffliken clageden van velen gebreken, de en unde deme gheinenen
copmanne vorscreven dagelix weddervaren in eren Privilegien unde rechticheyden;
unde wante denne der vele weren, so hebben se ere gebreke overghegeven in
Schriften, unde umnie der körte willen hir nicht sin ingescreven men to Lubeke
bii den schriveren sin wol vorwaret1.
12. Item alse hir bevoren* wart geroret van Asschwin Holthusen, Ilias Golt-
smede, Hinrik Berman unde den anderen, de umnie etlike erer undaet willen uth
Brunszwigk synt geweken unde ok dar uthtotheende hebben gekoren, so hebben
de erbaren heren radessendeboden in desse sake dupliken gesproken unde en-
drechtliken gesloten, nachdem de erbenomede Asschwin myt syner seitschopp so-
danne sorchvoldighe vorgadderinge unde upplopp jeghen eren raet hebben ge-
maket, alse de erliken sendeboden van Brunszwigk siik des beclageden, unde se
in eren breven an de erbenomeden genienen stede unde ok an den rad to Lubeke
gescreven siik nicht vorbeden to eren unde to rechte men allene to redelicheyt, so
willen desse erbenomeden gemenen stede ernstliken geholden hebben sodane olde
recessus3 van den saken gemaket inneholdende: Weret dat jennich man edder
mer lude upplop, sorchvoldighe vorgadderinge edder vorbintnisse makeden in
jeniger stad jegen den rad unde des rades macht, staet unde werdicheyt to vor-
vanghe, dat men bewisen mochte edder dar se vorvluchtich uni me worden, der
lude schal men in nener hensestad leyden offte liiden, mer men scal se richten
in er hogeste. Unde dyt schal men ok also holden myt denjennen de alsodannen
uplopp, sorchlike vorgadderinge wüsten unde der nicht en meldeden. Weret ok
dat jenighe stad de in der hense nicht en weren alsodane lude jeghen der hense-
siede willen samentliken edder besunderen enthelden edder huseden unde hoveden,
so schal nen stad van der hense myt der stad jenigerleye menschopp edder han-
delinge hebben al de wyle se sodanne lude enen edder mer in erer stad liden.
13. Item dit synt der borgher namcn unde tonamen de uth Brunszwigk synt
gescheden, upp dat en iszliik stad se moghe myden, so dat is besloten: Hinrik van
Peyne, Eier Borchholte, Hinrik Vritze, Cord Polleke, Asschwin Holthusen,
Hennyng Sluter, Henuyng Stockeman, Hans Kerstingrod, Hans Wissenhusen,
Hinrik Rudemans, Bertold Grove, Hinrik Dedeken, Hinrik Langkopp, Hinrik
Berman, Hans Berman, Ylias Goltsmet, Bertolt van Schapen, Hinrik Hannover,
Hermen Merdorp alias* Vorhouwer, Hermen Getelde, Hans Nurenberg, * Hinrik
Bozingk, Hans Grove, Balhorn Doet, Hinrik Dorwedere4.
14. Vortmerb alse hir bevoren wert geroret5 van der schelinghe twisken
deme rade to Goszler unde Hinrik van Alvelde, erer stad borgermester, de dar
noch buten is, so synt beyde vorscrevenen parte gewesen vor den heren radessendeboden.
Unde darsulves de vorscreven Hinrik bleff bii den ghemenen steden
ere unde rechtes, des se syner alleweghe scholen mechtich wesen- Unde nach-
deme denne Cord Overbeke van wegen der vorscrevenen van Goszler dar jeghen-
wardich nene macht hadde desgeliiken to donde, so wart darsulves vormyddelst
a) alias K I, S; also 1. I) l, 2 ft. b) g 14 fehlt K ü.
*) Vgl. § 15, 19, 24.
Corp. hist. 2 S. 123U § 1.
*> § 9.
*) R. ». 1418, Korner bei Eccard
4) Das Verzeichnisa der Verfetteten im Shigtbok ed.
Anm. 5, S. 159.
Hawereccam v. 1431— 76. III.
■) 8 3
23
D igitized by Google