Vollständiger Band - Hansischer Geschichtsverein

176
Versammlung zu Lübeck. — 1447 Mai 18.
twisken koninck Erick unde den vamme Sunde, so wart darsulvest bii den ge-
lnenen steden gesloten unde vorramet, dat se van der weghen schryven wolden
an den erbenomeden heren koningk Erick in aller mate unde wyse so de breve
luden, unde umme erer lenghe willen hir nicht sin ingescreven men bii den
schryveren unde secretarien to Lubeke wol vorwaret1.
8. Vortmer beclagede siik vor den ghemenen steden de ersame her Johan
van Erte, borgermeistere van Swolle, wo dat des koninghes Cristoffers voghet unde
hovetman uppe Elschenborg van eren sehepen, de se senden dorch den Sund, lete
nemen ene nobelen boven der stede privilegie, unde was begherende, dat se
wolden eren sendeboden, de se lichte to dome erbenomeden heren koninge worden
sendende, gheven“ in bevel, dat se sodaner beswaringhe mochten bliven vorheven,
deme de erbenomeden heren so gherne don wolden.
9. Item wart darsulvest vor den erbenomeden heren radessendeboden gelesen
en breff an de van Lubeke gescreven van wegen der geschedenen borghere uth
Brunszwig, bii namen Asschwin Holthusen, Ylias Goltsmet, Hinrik Berman, Hinrik
Hannover, Volkmer van Rethem, Bertolt van Schapen unde der anderen nage-
screven. Darane se claghen over den raet der vorscrevenen stad unde bidden hulpe,
trost unde raet, dat en redeliik geliik vor dat grote ungeliik mochte weddervaren,
darup se begheren en gutliik antwert. Unde de erliken sendeboden der stad
Brunszwigk dar jegenwardich leten ok vor den ghemenen steden lesen enen breff
des hochgebornen forsten hartichb Hinrikes van Brunszwigk etc., darane alle
dingk wert vorhandelt, wo unde umme welker sake willen se uth Brunszwigk
synt gekomen. Unde sin herlicheyt biddet, dat de stede de van Brunszwigk willen
beholden unde beschermen in eren saken, wente se in allen dinghen recht syn.
Unde ok darsulvest de borgermester van Brunszwigk vor den steden vorhalede
muntliken alle sake, wo se was herghegan vanc wegen der borghere vorbenompt
Unde weren berede to settende ere unde recht bii de ghemenen stede dar jegenwardich
in der mate alse yd was gebleven, pynliken unde nicht werliken to richtende,
unde wolden se dat nicht affbeyden, dat se dat denne den ersamen dem
rade to Lubeke bevelen wolden. Aldus nach besprake de heren radessendeboden
en leten seggen, se wolden darupp vordacht syn wente na den pinxst hilligen
daghen *.
10. Item quemen darsulves vor de erbenomeden heren radessendeboden de
ersamen manne Cristianus van Bleken, Frederick Pennyngbuttel, alderlude, unde
Hinricus Grevensten, clerk, van weghen des ghemenen copmans van der hensze
to Londen in Engelant. Unde de dar uppantwerdeden ere credencien unde breve
van loven, de darsulves worden gelesen. Unde se openden dar upp ere werve unde
vorgheven vele puncte unde gebreke, de de Dutsche copman dagelix lede unde
em weddervoren in deme riike van Engelant, so se darsulvest de claghe unde
gebreke in schrifft overgheven, de hir to langk weren in to schryvende3. Unde
weren biddende hulpe, rad unde trost van den erbenomeden heren radessendeboden,
dat se des mochten krighen wandeel, so des wol were van noden. Darupp
de erbenomeden heren radessendeboden en seden, dat se darupp wolden vordacht
wesen unde se wolden en tekenen unde don weten enen dach vorder in de dinghe
to sprekende etc.4.
a) gheven wolden L. b) hertoghen R. c) van der wegen L.
*) Vgl w. 291. *) Vgl § 12. 13. s) Das Or. dieser Eingabe (14 Bl.)
befindet sich im StA Lübeck t A. Angltcana 1, zusammengeheftet mit noch fü nf umfang-
reicheren Akten ähnlichen Inhalts a. d. J. 1425—1466. Eine an den Kg• von England adre#-
sirte lat. Ueöersetzung davon beruht in zwei Abschriften im StA Danzig, Schbl. X V n. 52 u.
X XVI w. 36. Vgl n. 267 Anm. 2 und die Einleitung zu, diesem Bande. 4) Vgl § IS.
Digitized by G o o g l e