Vollständiger Band - Hansischer Geschichtsverein

Versammlung zu Lübeck. — 1447 Mai 18. 169
uns scriven, de daghvard up ascencionis ueest körnende bynnen juwer stadt Lubke
verraempt vermids unsen vulmechtighen up sodane pene alse gii dan scriven to
besendende etc., hebbe wy untfangen unde wall verstaen. Warup erbaren heren
wy juwer beschedenheyt begeren to wettende, dat wy myt guden willen de daghvard
dencken to besendende. Unde uns es groetliken van noeden dat to doende,
wante wy hiir int lant al meest part sunder recht staen, alse gii dat van Hen-
ricum unsen clerke latest do he bii ju was wal verstaen hebben. Wy sullen
achter Michahelis Verliesen alle unse Privilegien, soverre alse de Engelschen in
Prassen nicht gebruken moghen sodaene vryheden, alse se dar begerende siin.
Unde wy hedden wall gehapet, dat wy bynnen der tiit tot Michahelis to solden
umbelastet hebben gebleven van allen saken, dat uns dogh nicht bescheen en
mach, wente dar siin breve van merke togelaten up alle de van der hense, unde
wy hebben darumme gewest vor deme cancelleer unde he segede uns, dat de
breve nicht en weren up all de van der hense sunder allene up juw steden
Lubke, Homborgh etc., unde deghene de de breve van merke verworven hebben,
dat siin coplude van Derbii, den wart eyn schipp genomen in den orloge tusschen
ju unde den Hollanders in Norweghen met solte geladen, unde dat schipp was
van Myddelborgh, unde se rekenen dat salt unde kosten de se darumme gedaen
hebben up sesshundert punt Sterlinge, unde se siin met eren breven to Busteyn
unde vervolghen de Bergervars, juwe undersaten, unde wu se varen sullen en
könne wy nicht geweten. Aldus erbaren heren en wete wy nicht, wer wy guet
hebben edder gheen, wy wolden wol, int verbeteren van ju, dat gii juwen copman
deden warnen, dat he gheen guet hiir int lant en schepede eer gii ander tiidinge
van uns hedden, wante wii bevrochten uns meer quader tiidinge dan guder. Hiir
es aver eyn parlement unde wy hebben weynich vrende manck den heren unde
der gemeenheyt, also dat wy uns ghenes gudes vermodende siin. Ock leget hiir
under de kost ut ter zee wert eyn capiteyn geheten Johan Pellisson, wal met sess
scheppen und hevet des konynges breve van Vranckrike to nemen up all de van
der hanse, unde dat komet to van der Bremer wegene, de der kronen van Vranckrike
eyn schipp hebben genoinen *. Unde deselve Pellesson hevet uns darumme
genomen ute twen schepen wal viiffhundert kostelre lakene, unde he wort van
daghe to daghe starker unde starker, unde he mach komen in allen liavenen unde
verspiien unse guet, also dat wy dar gans ovell ane siin. Ock erbaren heren so
sii wy hiir verbedende de sendebaden de ut Prussen komen sullen, unde wat
ende de maken sullen hiir int lant en kunne wy nicht geweten. Het were wal
guet, dat se hiir bii tiiden weren, dat men ere antworde mochte wetten in de
daghvard, de gii dencken to haldende} unde wert dat se to Lubke bii ju quemen,
so moghe gii myt en sluten, wat se doen sullen, unde dat se ock antworden
mochten to de breve van merken etc. so vorscreven steet. Anders en wette wy
ju erbaren heren nicht sunderlinges to scriven, sunder dat gii desse saken wellen
to herte nemen unde betrachten, wat best es gedaen, alse wy wal wetten, dat
gii gherne doen. Unde de a[l]moghendea Got beware juwe erbarheyt alle tiit in
salicheyt. Gescreven upten ersten dagh van dem merte, anno 47.
Alderman unde gemene copman van der Duetschen hense,
nu to London in Englant wesende.
284. Köln an den deutschen Kfm. zu London: ersucht, auf den Wunsch von verschiedenen
kölner Bürgern und Kaufleuten, den Sehretair Heinrich ten Hove
a) amogbende L.
l) Vgl. n. 250 ff.
Hanserececse t . 1431—76. Hl. 22
Digitized by v ^ o o s r e