Vollständiger Band - Hansischer Geschichtsverein

140
Versammlung zu Lübeck. — 1446 Aug. 20.
wiise vorsenighe lieren. Wii hebben upten 18 dach in julio lest Yerleden juwer
heren vruntliken breiff entfanghen, inneholdende, dat ju heren gueddunket na
gheleghenen saken, dat wii de verramynghe des tolles to Antworpe to pinxten
onlanx gheleden myt denie amptmanne und tolnere aldaer verramet mytgaders
dat daer aneclevet ene tiit van jaren antoneraende etc. Also hebbe wii daeromme
unsen secretarium bii de stad van Antwoipe ghesant, de one weder verantwort
hedden, dat se de sake noch de tiit van jaren bii deme herena liertoghen van
Bourgonien etc. noch ock bii deme vorseiden tolnere nicht uthgericlitet en hedden
etc., men se hopeden und inenden uns bynnen 10 daglien ten langhesten ere
guetlik antwort to scrivene, des se up data van dessen noch nicht ghedaen en
hebt. Und in den myddelen tiiden so hebbe wii ock derghelike der erbaren
heren borgermesteren und raede der stad Lubeke und der erbaren heren rades-
sendeboden der stede Hamborch und Lunenborch guetlick antwert van deme vorseiden
tolle entfanghen1, also dat se de saken riiplike overtrachtet hebben und
bevynden na der alden und nyen composicie inholde, dat de copman in desser
nyen composieien zeer grotlick beswaret wert und alle parchele zeer vele hogher
boven de aide ghestelt weren, so ene wilden se buten der anderen heren van
den henzesteden vulbort und medeweten in de nyen composicie gheen vulbort
gheven, de antonemende, ghemerket ock, dat de grote beswaringhe des tolles, dar
wii de ene tiit van jaren annemen, nicht weder ene staet afftobrenghende noch to
vermynrene men alle tiit, wannere desulven jare omme weren, noch weder to
verhoghene, datwelke een cxempel und anwisinghe were allen anderen tolners,
dat de derghelike darna solden vortvaren und alle parchele vor eren toll ock
verhoghen, dat in tokomenden tiiden een bederfnisse were des gliemenen besten
etc. Men den vorseiden heren duclite nutte und profiitelick wesen, bii also dat
gii heren derghelike daerbii dachten to blyvende, dat wii vast bleven by der
alden composicie, de wii vortiids van deme vorseiden tolle tAntwerpen ghehat
hebt, welk uns ock also nutte und gued duchte, mochte wii darbii blyven, men
wii bevruchten uns, dat wii des nicht verkrighen en sullen na den verstaene und
groten versoeke, de wii daromme langhe und mannighe tiit herwert an den ampt-
man und der stad van Antwoipe ghedaen und begheert hebt. Und derghelike so
verstae wii ock wol, al en hebben uns de van Antworpe noch nen antwort ghe*
screven, neme wii desse nyen composicie an, so wii nicht doen en moeten, so
ene solde de tiit doch van jaren nicht langher wesen dan also langhe alse desse
tolnere den toll ghepachtet hedde. Hiiromme, erbare heren, solde wii dan den
vorseiden tolnere und de stad van Antwoipe darto willighen und voghen, uns bii
der alder composicie to laten blyven, moste ghescheen, int wolnemen und ver-
beteren van ju heren, bii ordinancie und vermydynghe der markede to Antworpe
etc. Ofte wii dan hiir omme wolvart des gliemenen besten und ute bevele der
vorseiden stede daerup wes worden ordinirende, omme de vorseide markede und
tolle to pinxsten neghest to komende myt lyve und gude to vermydende ter tiit und
wiile, dat de vorseide tolnere und stad anders beraden worden etc., wat bystand
und waerto sick de copman deshalven van juwer heren und juwer heren stad
coplude weghene verlaten sal und hebben mach, und darbii gheleven sal te doene
und to latene, daeraff beghere wii juwer heren vruntlick antwort, gueddunken
und wiisen raed in Antworper market neghest komende bescreven to hebbene,
daer sick de copman mach to verlaten und wetene na to richtene. Erbare heren,
vermoghe wii enighe saken in unser clener macht wesende, darto wetet uns alle
ft) heron heren A'
J) Vgl. n. 253 § 8 Anm.
Digitized by ooQle