Vollständiger Band - Hansischer Geschichtsverein

Verhandlungen zu Kopenhagen. — 1445 Aug. 29 — Sept. 28. 111
[edder]* schaden dede an syme lyve unde gude. Unde desulve procurator zegelde
over in Zweden in her Magnus Grymmes barsen, dede was voget tom Stokesholme,
de ene gerne mede nam unde ok wolde em helpen, dat he enen guden
ende kreghe.
19. Item kregen de heren sendeboden van der confirmacien wegen enen
drepliken inval, wente de here kenseler sodanne vorscreven confirmacien under
des heren koninges ingezegel allenen wolde vorzegelen, dat de stede so nicht
volden annamen sonder der riike redere dat mede vorzegelden; unde zede[n]b, se
hadden van eren oldesten anders nicht in bevel, sunder dat se de confirmacien
scholden nemen in aller mate und wise so koning Erik de vorzegelt hadde. So
dat her Otto Nykelsson van den steden hirumme wart gesproken, de dat by den
heren koning so brochte. So dat de here koning des sondages vor sunte Michael1
reet tor kerken, dar syn hoffgesynne vor gynck, unde de here koning vant by
dem weghe stan de sendeboden van Lubeke, den he de hant dede unde gutliken
entfing, unde sede na dat se weren rede. Darto antwerden se wanner sin
gnade [............ ] c. Do sede he: gy scliolt noch vor myt uns eten. Unde darna
volgede vort de vorscreven her Otto Nykelsson, de sede, leve heren, ik hebbe
dem heren koninghe jwe begertte gheven to kennende, dede zecht helft, me
schal jw de confirmacien uppe beyde riike gheven under der redere ingezegel na
al jwem willen. Unde dit alle is gesehen van schikkinghe unses leven heren
Godes, wente etlike der rykere redere wol scholen gesecht hebben, hadde me
nicht gevruchtet koning Erike, me hadde der confirmacien nicht gekregen; so
veler quader orruner ut den riiken Zweden unde Norwegend, dat dar nicht aff
hadde geworden, wente to densulven tiden konig Erik hadde wol 7 zegele weraff-
tich liggende by Mone, unde de ok alrede deden togrepe unde schaden.
20. Item des mandages vor sunte Michael8 to 9 in de klokke, do weren
tosamende upme groten sale de heren sendeboden myt dem heren koninghe unde
syme rade, unde darsulvest begerden de heren sendeboden en antwert uppe
sodanne vele klachte unde gebreke, alse de stede hadden dem heren koninghe
overghegeven unde de dar jegenwardich weren unde ok de here koning in der
hant hadde. Darumme de here koning sprak unde dorch her Otten Nykelsson
den steden leet zeghen, dat de klachte unde gebreke vele weren unde de syne
ok vele ovet^ der stede undersaten hadden to klagende unde de here koning nu
in Sweden wolde unde nicht en wyste wanner sin gnade wedderqueme, wolden
darumme de stede dat affbeyden, so wolde sin gnade darto van syme rade etlike
vogen, de myt en alle ding mochten handelen, so dat alle articule uDde klachte
in fruntschup edder mit rechte mochten werden gescheden. Darumme de stede
spreken unde zeden, dejenne, dar se tosprake unde klaghe hadden, alse her Olleff
Nykelsson, Peter Oxe unde mer andere, de weren dar nicht tor stede, men wolde
de here koning uppe bequemen tiiden unde beleghenen daghen se vorboden,
wanner he wedderqueme ut Sweden, unde den dach den steden vorschreven,
lichte de stede dat denne wol besenden. Darumme de here koning sprak unde
was des wol tovreden, unde wolde den steden den dach vorschryven, uppe dat
ens sodanne gebreke mochten werden geendiget, wente yd langhe hefft ghewaret.
21. Item alse denne de stede vorscreven uppe den voghet to Berghen, her
Oleff Nykelsson, grote klaghe hadden van wegen des copmans darsulvest, welke
klaghe nicht worden geendiget, so vor is beroret, darumme weren de erbenome-
•) er L. t>) *ede L. c) Dot Verb Ut mu ergäntm, behigede, bolereda oder dergi.
d) *M ergämtn: waren vorhanden.
>) Sept. 26. *) Sept. 27.
Digitized by G o o g l e