Vollständiger Band - Hansischer Geschichtsverein

110 Verhandlungen zu Kopenhagen. — 1445 Aug. 29 — Sept. 28.
langhe[n]a sael. Dar was de here koning myt syner dryger riike redere, gheystlik
unde werlik, unde leet de stede vor ziik kamen, de he gutliken unde leffliken entfing.
Unde dar weren de stede noch begherende, dat sin gnade wolde den steden con-
firmeren de privilegie uppe Zweden unde Norwegen, unde darsulvest laes mester
Johan Hertze dat langhe gude privilegium uppe de riike vorscreven in dem Du-
deschen unde de arcbibiscop van Lunden hadde in syner hant dat vidimus in
dem Latine, unde dat ludde overen, unde heit so vele gudes an ziik, also alle
andere privilegie uppe de vorscreven twee riike inneholden mochten. Ok worden
darsulvest gelesen twe copien, alse koning Erik den steden de vorscreven privilegie
uppe de erbenomeden riike helft bestediget. So dat in lateste de here koning
in jegenwardicheit syner dryger riike redere dorch her Otten Nykelsson den
steden leet zeggen, dat he umme woldaet, de de stede by em gedan unde be-
wiset hadden unde noch doen mochten, so wolde he den steden de privilegie uppe
Zweden confirmeren; men alse van der confirmacien wppe Norwegen, dar künde
he nicht ane doen, wente de archipiscop van Drunten unde her Olleff Nykesson,
voget to Bergen, weren dar nicht, unde de hadde vele unde meynygerley to-
sprake to dem copmanne to Bergen. Hirup de stede ziik bespreken unde quemen
wedderumme unde dankeden dem heren koninghe hochliken darvor, dat he en de
privilegie uppe Zweden hadde confirmeret, und weren noch hochliken unde denst-
liken biddende, dat he en de privilegie uppe Norwegen wolde confirmeren. Der-
geliken weren de erbenomede her archibiscop unde de voget dar nicht, dar
scheide en nicht ane, en noghede wol darane, dat dejenne de privilegie mede
bezegelden, de dar jegenwardich weren; hadden ok de voget unde copman U n ­
willen tosamende, dat künde sin gnade mit den steden wol vorliken. Hirover
villen vele unde langhe rede, so dat in[t]b lateste de here koning leet zeggen, he
wolde ziik beraden wente to morgen.
16. Item aldus quemen des sonnavendes1 de heren van den steden wedder
vor den heren koning, de se echter gutliken entfing, unde dorch heren Otten
Nykelsson den steden leet zeggen, dat de here koning umme der stede bede
unde begerte willen unde umme ere woldat willen den vorscreven steden ere
privilegie uppe Norwegen wolde confirmeren. Dergeliken unde vurder zede [he]c,
leve heren, wy Denen danken jw alles gudes unde gy sint unse guden unde leven
nabere. Aldus dankeden de stede do dergeliken.
17. Item dosul vest worden vor dem heren koninghe overgegheven etlike
klaghe unde gebreke, sunderges de gebreke des copmans in Schonessyden, alse
to Mellebogen, Drakor unde alumme, unde ok des copmans to Copenhaven.
Item was dar ok mede de klaghe des copmans to Bergen over den voget darsulvest,
alse de copman latest den sendeboden hadde geschreven. Men de anderen
vele klaghe, de hadden de alderluden des copmans vorgeten unde wolden se
noch na overgheven. Aldus nam de here koning de claghe in de hant, der vele
weren, wol dre arkes vul, unde zach darin unde sede, he wolde den steden hirup
en antwert gheven.
18. Item darsulvest wart ok benalen en breff an denjennen, de de kosteten
unde velen gudere hadde latest genamen ut den Lilflandeschen schepen unde de
voret in Zweden, unde deme wart geschreven by des copmans vulmechtigen pro-
curatoren, alse Engelken etc., dat he em sodanne gudere scholde weddergheven
unde ene klageloes maken unde so bestellen, dat nen vurder klaghe vor den
heren koning queme van der wegen, unde ok dat he ene [nicht]1* zeregede
») lu g h e L. b) in L. c) he fehlt L d) nicht fehlt L.
*) Sept. 25,
Digitized by G o o g l e