Vollständiger Band - Hansischer Geschichtsverein

Verhandlungen za Kopenhagen. — 1445 Ang. 29 — Sept. 28. 109
quam he achterna allenen mit etliken rederen ut Sweden, alse dem marschalke
van Zweden unde dem voget tom Stokesholme. Unde darsulvest in jegenwar-
dicheit des heren koninges unde der stede so vragede de voget vamme Stokes-
holme, efft de stede ok hadden mer privilegie uppe Zweden den alse se alrede
gehöret hadden. Darumme de stede wolden spreken. Do sede de here koning,
de stede scholden dem marschalke en antwert zegen, he moste gan in de kerken
unde hören missen, dat se dar beyden, wanner he queme wedderumme, so wolde
he en een antwert zeggen. Yodoch zeden de vorscreven stede dem heren koninghe,
se hadden noch veler mer privilegie, wen alrede weren gelesen, men datsulve
beide wol so vele an ziik alse de anderen. Aldus beyden de heren van den
steden des koninges, de doch nicht wedder en quam er de klokke was na 12,
unde leet de stede dar stan vorgeves unde beyden. De int lateste gingen unde
nemen war eher maltiit, wente he saet uppe en pert unde beleyde der forstynnen
moder, dar de stede nicht aff wysten unde vor nenen willen nemen. Aldus let
me de stede gan unde me sede en noch en noch ander. So dat int lateste de
stede quemen dem archibiscope to worden, deme se seden, se künden nen antwert
hebben, se wolden zegelen den wech den se kamen weren, unde eren oldesten
benalen, wes en hir weddervaren were. Darto de here archibiscop sede nen, se
scholden en kort antwert hebben. Dit sulve seden se ok her Oleve Axelsson, de
en sede dergeliken*.
14. Item darna alse des frydages vor sunte Michaele1 vor myddaghe, do
quam by de heren sendeboden van Lubeke en personeb, de van etliken Beygeren
wegen, alse heren Albert Morheren unde her Cristoffer Barsberge, unde lichte
van des koninges wegen, den sendeboden sede, elfte dar neen raet to stunde, dat
de raet to Lubeke unde andere stede ziik myt dem heren koninghe vurder wolden
vorweten unde ziik myt em vorbynden jegen dejenne, dar he des hadde to
donde, so wolde de here koning den steden gutliken in hant gaen van wegen der
confirmaden uppe ere privilegie. Darto de erbenomeden sendeboden antwerden
unde seden, dat se darvan nen bevel hadden, de stede hadden by dem heren
koninghe vele gedaen unde bewiset, so se lichte noch donde werden, wanner he
se leet by dem eren unde yd vruntliken unde leffliken myt en unde den eren
heit Unde wolde de here koning darane vurder wes weten, dat he de syne
schikkende by ere oldesten an de stede, de em denne lichte darvan en gutlik antwert
benalen. Unde ditsulve werff warff ok dessulven morgens Helmig Tanghe,
borger to Lubeke, by den sendeboden van Lubeke, deme se gheven vor en antwert,
alse se er gedan hadden.
15. Item dessulven frygdages, alse de heren sendeboden van Lubeke seten
over der maltit, do quam darsulvest to en van wegen des heren koninges her
Oleff Axelsson, ridder, marschalk des heren koninges, unde was begherende, dat
se wol deden unde quemen mit den anderen steden tom heren koninge uppe dat
sloet, twe in de klokke na myddaghe, de here koning wolde se hören unde en
en antwert gheven. Deme se so gerne doen wolden, unde behelden darsulvest
to dem eten her Oleff vorscreven, deme se gutliken deden unde vakene todrunken.
Unde alse de win quam in den man, do sede wol twighe edder dryghe de vorscreven
her Oleff, wo de here koning nu wol twe daghe were weset vortornet
unde gegrettet men de vuek were nu gar unde yd scholde wol anders werden.
Aldus gingen de stede samentliken dessulven dages uppe dat slot uppe den
a) ö# R. Legatar L. b) en persone Über geschrieben an Stelle des durchstrichrtim : Hans Nyen-
borg, borger io Lubeke L,
’) Sept. 24.
Digitized by G o o g l e