1 Starkbierfest 2011 ? 22.3. ?Happy birthday? - Stadt Wolfratshausen

BEDIENUNG: (bringt, fröhlich) Zu unserm Jubiläums-Mittelalter-Burgfest, moanst. Weil 50g Jahr Stodt is.
Dafür hob i extra a Verserl gmacht: (Vortrag naiv)
50g Jahr Stodt und koa bisserl weise – aba des sog i wirkli nur ganz,
ganz leise.
Du wärst wia neu - oiso, des wär geprahlt – denn als Ort bist ja über
1000 Jahre alt!
Aber als Naturschönheit - bist Du in Deiner Blütezeit! (Bauarbeiter
Applaus)
BAUARBEITER 2: Und Wir ham dafür de oide Kulissn vom
Nantweinstück aufgstellt.
BEDIENUNG: (erschrocken) Uiuiui…Oana wird si giftn: Da Dimbath Richard. Der wui doch sei
Traumburg erst in 30 Jahr baun. Moment amoi …. mia ham do scho a Burg…da an da Sauerlacher Straß‘.
Sogar mit eigne Schießscharten...
BAUARBEITER 2: Naa, des is nur a Geldburg, genannt Sparkass.
BAUARBEITER 1: Mia ham unser Burg ganz ohne den
selbsternannten „Burgherrn in spe“ aufbaut. Daada ma stinka. (lacht
dreckig)
BAUARBEITER 2: Mia warn hoit einfach de Schnellern. Und wenn 10
Mal de Stadträt Fraas und Gollwitzer bei seim Burgverein Mitglied san.
BEDIENUNG: Immerhin hot der Dimbath scho a Burggespenst: de
Krafft Sybille. De geistert da mitsamt ihrm Hysterischen ähh,
Historischen Verein umeinand.
Reporter kommt
REPORTER: Servus! Ich bin da, weil Ihr Euer Burg wieder aufbaun woits. (schaut überrascht) Ja de steht ja
scho! Is ja scho ois fertig. (gelogen) Suuuper. Eigentlich ganz schön schräg, die Idee. Erst hob i mir denkt:
des is doch eh nur a Luftschloss. (geht zur Burg) Na ja, kummt fast hi. (zu Bauarbeitern) Habt’s Ihr zwoa
des Gstell da z‘amgschustert?
BAUARBEITER 1: Freili, Du Herr Pimperlwichtig! Gell, mosern dean mia selba gnua. Dazua brauch ma
koan vo auswärts.
BAUARBEITER 2: Was bist denn Du für oaner? Mia braucha koane Fremdn. Bsonders koane, de bläd
daherredn.
R: Oiso, I bin da Allen Dummer, Reporter vom Radio Dauer-Welle. I
bericht über Euer Burg in der Serie „Bayerische Schildbürger-
Geschichten“. (schaut zu Burg, stockt) weil, naja… des überrascht scho in
Euerm unscheinbaren Kaff. Weil für was is des? Es kommt hier ja seltn
oana her, der net unbedingt muss. (Bauarbeiter murren)
Jetzt Ruhe bitte, i mach jetz a Aufnahme:
(Nimmt Tonband, spricht hochdeutsch) Liebe Hörer, ich befinde mich in
Wolfratshausen. Das beschauliche und - na, ja - ein bisschen verschlafene
Städtchen hat fast alles, was man sich nur wünschen kann: eine still vor
sich hin plätschernde Loisach, eine romantisch verblasste Schönheit von Altstadt in mehr als 1000-jähriger
Tradition. Und last but not least: freundliche Bürger.
2