Das Aktiv60Ticket

© KÖlneR ZOO
Das Außengehege des Kölner Elefantenparks
Janz neu ess he em Zoo der »Regenwald«. Ehsch muss mer durch en klein
Hall jonn, wo mer bal kein Hand vör Auge sinn kann un wo einem ene
Lautsprecher met hade Tön jet üvver der Deer- un Natorschotz verzällt.
Wa’mer sich dann jrad aan et Düüster jewennt hät, talp metens ene riese
Elefant aan einem vörbei, dat mer et met der Angs ze dunn krijje künnt.
Och wann et bloß ene Film wor, esujar uns Mütti hät sich verschreck hingerm
Papp verstoche. Em »Regenwald« selvs ess su allerhands loss. Zwesche
Palme, Jummibäum, Strüch, Krückcher un wat weiß ich söns noch för
Jrönzüch waaßen de schönste Blome, un Vüjjel vun jeder Klör flaasteren
eröm. Dä jroße »Doppelhornvogel« süht us, wie wann im einer en Banan op
der Schnabel jeklääv hätt. En nem kleine Sie spraddele bungkte Fesch, un
aan nem Wasserfall steit esujar su jet wie ene Totempohl, dä ich us Indijanerböcher
kenne. Mer sohchen Hüng, die fleje künne, klein Baumkängjurus,
en Pythonschlang, ne Otter, en jroße Scheldkrat un esu wigger; ich kann et
jar nit all opzälle. Och zwei Weißhandjibbons tirvelten eröm un schöckelten
aan lange Seil. Dä ein hatt richtich Spass, ze demonstreere, wat hä kann.
Un nor weil der Papp de feuch-wärm Luff nit mih verdrage kunnt, moote
mer allt jonn. Ich wör jän noch jeblevve. Ävver ich wor nit et letzte Mol do,
dat jevven ich Der schrefflich.
Mer sin dann noch nohm Urwaldhuus bei de Aape jejange. Do hann ich et
ehschte Mol de Bonobos jesinn. Kenns Do die? Et sollen de nöhkste Verwandte
vun de Minsche sin. Die Deere sin janz schwatz un de Wiever jar
nit schön. Die hann am Hingerveedel su jet wie e jro Polsterkösse; secher,
domet se weich setze künne, wann se ehr Junge födere. Wa’mer wirklich
met denne verwandt sin, künne uns Fraulück sich freue, dat se dat Kösse
nit jeerv hann un nit och esu erömlaufe müsse.
Leev Oma, denk draan, dat mer en der Zoolonische jonn, wann De küss! Ich
hann Der vill ze zeije. Janz hätzlije Jröß! Di Fränzje
Poss-Schreff: Kanns De Dich noch drop besenne, wie mer Dich ens beim
Kaatespille betupp hann und dat nit zojevve wollte? Do häss jeschannt un
jesaat: »Ehr mütt nit versöke, en ahl Aap Jeseechter schnigge ze lihre.« Dat
ess uns jetz em Zoo widder enjefalle, un su ha’mer do och aan Dich jedaach.
HILdE StRöbERt (1925 IN KöLN gEbOREN)
(aus: Hilde Ströbert, »Leev Oma!« Wat et Fränzje singer Jroß
noh Majorca schriev, Greven Verlag, Köln 2007)
Wann eT WinTeR Weed eM ZOO
de KaMele sTOn un fReeRe,
TRicK deR WinTeR en eT land,
un Och MÄnche andRe deeRe
sTündTe JÄn eM WÖsTesand.
de flaMingOs sTOn Op sTelZe,
nÄ, ess daT en fiese KÄlT!
füng MeR dOch en Kleine plaaZ nOR,
WO ’ne sOnnesTROhl dROp fÄllT!
selVs de aape, Rude fÖTTcheR,
spRinge niT eRÖM Wie sÖns,
un se Zeige dÄM ’ne fiMMel,
dÄ se fOdRe Well MeT flÖnZ.
nOR de WÖlf, die sin Wie iMMeR,
Vun naTOR us fROss JeWennT;
de hyÄne sin aM JÖM’Re,
Weld eRÖM deR puMa RennT.
MaJesTÄTisch schRÖMB deR TiJeR,
en sing auge BRennT eT fÖÖR,
KÄlT, daT ess nOch niT eT schleMMsTe –
enJespeRRTsin sie MalÖR.
huh OM felse sTeiT deR iesBÄR,
hÄ fÖhlT sich eM eleMenT,
JRad su Wie de pinguine,
KüTT Bal fOdeR, ZacKeRMenT?
sTOn de sTÄn aM WinTeRhiMMel,
Rauh eM ZOO dann üVVeRall,
funge JROss un Kleine deeRe
lÄngs deR dRüJJe, WÄRMe sTall.
CHRIStINA bLOCK (1914-2003)
(aus: Kölle läv et janze Johr – De fünf Johreszigge,
hrsg. von der Akademie för uns kölsche Sproch, Greven Verlag,
Köln 1994; oder: Christina Block, Dem Freßklötsch si Schwester,
Verlag ferber und partner, Köln 1997)
Das Innengehege des
Kölner Elefantenparks
24 klaaf Stadtkultur Stadtkultur klaaf 25
© KÖlneR ZOO