Reihe III - Gottfried Wilhelm Leibniz Bibliothek

138 leibniz an johann georg volckamer, 16. (26.) Juli 1691 N. 30
post specimen Ramazzini ad mentem meam plane compositum possum loqui confidentius.
Itaque cum praeclara floreat insignium Germaniae Medicorum Societas, cui Tu praesides,
ad Te ipsum deferre volui indicium rei, si quid judico utilissimae (ne dicam necessariae)
et vestro instituto mirifice congruentis. Quid enim Ephemeridibus tot praeclarorum Me-
5 dicorum, Naturae curiosorum, non minus quam utilitatis publicae studiosorum, potest
esse convenientius, quam Ephemerides annuae Medicae, et ut ita dicam, Calendarium, inversum
quidem (vulgo enim praecedit annum) sed tanto certius quod ex observationibus
non ut Astrologicum ex audaci (ne vana dicam) divinatione processit? Memini doctissimi
olim Principis jussu editas Ephemerides Astrologicas annorum praeteritorum, ea spe, ut
10 coelum conferendo tempestatibus, quae toto anno decurrente vere evenerant, Astrologiae
principia experimentis stabilirentur; sed praeclara illa opera fructu caruit, nisi quod
meo judicio vanitatem ejus scientiae magis detexit, cui confirmandae destinabatur. Quid
enim speres ab illa doctrina, cujus decreta vera esse non possunt, nisi fingamus Deum in
condendo mundo id sibi propositum habuisse, ut ea, inter quae nulla naturalis connexio
15 est, tamen consentirent? Quanto satius in Signis naturalibus publicae sanitatis observandis,
et cum successu conferendis, diligens versabitur opera praestantium Medicorum?
Sed cum magnum saepe notetur discrimen inter provincias ipsius Germaniae, multos (si
consilium placet) conferre operam oportebit, ut dignum aliquid publico dignumque vobis
praestetur. Aliam enim rerum faciem Austria et Bavaria; aliam Suevia Franconiaque
20 cum superiore Rheno, rursus aliam inferior Saxonia cum Westphalia; vel Saxonia superior
cum Bohemia vel denique Silesia cum Marchia suppeditabunt. Sed res ni fallor
pulchre admodum et facile confici potest, non tam justis tractatibus quam literis paulo
uberioribus exquisitioribusque insignium per varias Germaniae Provincias Medicorum ad
Praesidem vel Directorem Illustris Societatis vestrae; super statu anni naturali, medico,
25 suisque et vicinorum observatis, anno decurso scriptis; harum deinde literarum fasciculus
Anno vestro mox edendo subjicietur vereque et anni et Ephemeridum titulo respondebit.
Nec dubito rem semel recte atque ordine coeptam annuis incrementis in majus meliusve
profecturam, et pro fodina futuram, unde omnis posteritas veras salutaris doctrinae opes
12 f. destinabatur, (1) qvae certissima utilitate ab (2) qvid enim speres (a) ab ea scientia qvae (b)
ab illa doctrina, cuius L 24 praesidem vel (1) soci bricht ab (2) secretarium illustris societatis vestrae
| literis gestr. |, super L 25 anno decurso scriptis erg. L
9 Ephemerides Astrologicas: nicht ermittelt.