Reihe III - Gottfried Wilhelm Leibniz Bibliothek

N. 10 leibniz an christoph pfautz, 22. Februar (4. März) 1691 69
quemadmodum sane non sine difficultate erant inventa. Ego Barrovium nunquam satis
attente inspexi, quod viderem me omnia quae ille multo figurarum apparatu tradit,
simplici calculo in potestate habere, et multa longe ampliora, Nec memini quenquam
antea cogitasse de curvis Transcendentibus per aequationes ope differentialium explicandis,
atque exhibenda ita relatione inter ordinatam et abscissam[,] multo minus actum est 5
de differentiis differentiarum infinities infinite parvis, aliisque abstrusionibus necessariis
tamen. Itaque fateor me tam frigidum in recensendis istis judicium minime a Cl. Bernullio
exspectasse, quod prope occultam quandam accusationem continet. Et quanquam
ipsum a malo animo facile absolvam, praebent tamen ista sugillandi occasionem apud
male animatos.] 10
Cum igitur Tibi cum illo commercium subinde intercedat fac quaeso ut sciam, quis
sit illi sensus animi, nam si videam studio id egisse, ut minus nobis debere videretur, ero in
communicandis cogitatis circumspectior; Velim etiam intelligere, quid de meo circa solidi
resistentiam ad suas responso sentiat. Si e re judicas ipsi communicare, quae parenthesi
inclusi et marginalibus notis signavi, sed quasi tuopte motu non ingratum feceris, ita ex 15
responso facilius judicabimus, quod ab ipso sit exspectandum.
Dabo operam ubi nonnihil vacaverit ut interusurii aestimationem ad ea applicem
quae apud vos in subhastationibus accidere solent, de quibus male judicasse quosdam
ICtos tecum sentio.
Quod de illis quaeris quae a nobis olim prodita sunt, Affectum tuum agnosco; Sed 20
pleraque dissimulato nomine Scriptoris in lucem ivere, de quibus spero me aliquando
coram dicturum. Methodum juris et specimina tria puto Te habere. Ineptus combinatoriae
Editor saltem monere debebat, libellum jam multos ante annos prodiisse. Hypothesin
quoque apud Te esse puto.
Peto curari adjunctas ad D n. Danielem Siegfried ICtum apud Vos, sunt enim mihi 25
ab amico studiosae commendatae; Quam primum in ordinem redigam quae de linea
Catenaria habemus, ut si placent cum Bernullianis edi possint.
2 tradit: vgl. I. Barrow, Lectiones geometricae, 1670; von dessen Titelaufl. 1672 die Niedersächs.
Landesbibl. ein Exemplar mit Leibniz-Marginalien besitzt. 14 suas: III,4 N. 200. 22 Methodum
juris: Leibniz, Nova methodus discendae docendaeque jurisprudentiae, 1667. 22 specimina tria:
Leibniz, Specimen quaestionum philosophicarum ex jure collectarum, 1664, Leibniz, Disputatio juridica
de conditionibus, 1665 u. Leibniz, Disputatio juridica posterior. De conditionibus, 1665. 22 f. Ineptus
combinatoriae: gemeint ist die unautorisierte zweite Ausgabe der Dissertatio de arte combinatoria von
1690.