Frühstückstreffen für Frauen W indelsbach (idea) - kreuzkirche.co.za

LE ROUX, Mariël: Wilhelmina: kampkind op Java.
Pretoria, Protea Boekhuis, 2007.
Elke mens is 'n storie, elke mens het 'n storie - die Nederlandse
meisie Willy (Wilhelmina) van Halewijn vertel hier haar storie.
Dit is 'n buitengewone en hartroerende verhaal, wat afspeel net
voor, tydens en na die Tweede Wêreldoorlog. Haar pa was 'n
skeepsbouer en het kort voor die uitbreek van die oorlog werk
in Roemenië gekry. Die res van die gesin, Willy, haar ma en
haar 2 jonger susters Fredy (Frederika) en Tineke trek later ook
soontoe.
Die oorlog breek uit en hulle moet vlug. Om na Nederland
terug te gaan is nie moontlik nie, dus reis hulle na die Nederlandse
kolonie Indonesië. Die mans word gou opgeroep om
aan die oorlog deel te neem, die vrouens en kinders word deur
die Japanese in kampe gesit. Die toestande daar is meestal haglik,
met min plek (15 mense en meer per kamer) en nog minder
kos. Die Japanese soldate is grootendeels wreed en onvriendelik,
verlang dat elkeen voor hulle moet buig en straf enige oortreders
van hulle reëls baie swaar en onmenslik. Deur die oë
van die jong meisie Willy sien en beleef ons al hierdie wedervaringe.
Na die oorlog kom pa Van Halewijn terug. Hy het 'n heel ander
storie gehad, het die grootste gedeelte van die oorlog in die
hawe van Simonstad gewerk, by familielede kon woon en dus
geen ontberings of wreedhede gesien of ervaar nie. Dit is soos
'n kloof tussen hom en sy gesin. Hy gaan spoedig terug na
Suid-Afrika. Hoewel sy gesin hom later volg, word die breuk
nie geheel nie. Hulle skei van mekaar en Willy, haar ma en
susters trek na Worcester.
Willy vind 'n goeie lewensmaat wat haar help om die bittere ervarings
in die kamp te verwerk en verby versperrings en grense
te kyk na al die mooi dinge wat ook altyd daar is.
IB