Kerwezeitung 2009 - Kerweverein Mauer
Kerwezeitung 2009 - Kerweverein Mauer
Kerwezeitung 2009 - Kerweverein Mauer
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
<strong>2009</strong><br />
MAUERMER KERWEBLATT<br />
JUBILÄUMSAUSGABE<br />
HERAUSGEBER: 1. KERWEVEREIN MAUER E.V. PREIS: 2,50 €<br />
Jahre <strong>Mauer</strong>mer Kerweumzug
Es begrießt eich eiern Kerwepfarrer<br />
De Kerwepfarrer sescht „Hallo“,<br />
ihr seid jo a mol widder do.<br />
Zu meine Predischt des isch sche,<br />
es g´hört sich a Sunndags in die Kerch zu geh.<br />
60 Johr gibt´s den Verei,<br />
60 Johr lade mir ei.<br />
60 Johr die bledschde Sache,<br />
60 Johr schun schene Warre.<br />
60 Johr en gude Haufe,<br />
60 Johr un es geht net nur ums saufe.<br />
60 Johr fa die mir uns bedonke wolle,<br />
60 Johr die in Erinnerung bleiwe solle.<br />
Nur 60 Sticklin hab ich heit net,<br />
doch jetzt zu unsre Kerwered.
Werbung<br />
Herrmann<br />
Werbung<br />
Volksbank
Der ermordete Reiher<br />
So monscher hot sei Hobby,<br />
devu hondelt jetzt die Gschicht.<br />
un zwar geht´s do um oner,<br />
der halt gern Forelle zischt.<br />
Wie´s halt so isch mit Tiere,<br />
ihr wisst ihr liewe Leit.<br />
Für so eh Verontwortung,<br />
braucht ma halt a Zeit.<br />
Zeit hot der jo jede Menge,<br />
die er ins Hobby investiert.<br />
Und er kennt sich sehr gut aus,<br />
er hot jo long genug studiert.<br />
Ihr seht also ihr liewe Leit,<br />
er konn des gut mit dene Fisch,<br />
doch ones Dags do fällt ihm uff,<br />
das was im Becke onerscht isch.<br />
Do fehle Fisch des konn net sei,<br />
do konn was net stimme.<br />
Wie soll en Fisch denn iwer Nacht,<br />
denn ofach so verschwinne?<br />
En Reiher sieht er uff seim Grundstick,<br />
den er sofort verdäschdigt.<br />
Des isch o ah beim Fischreiher,<br />
durchaus ah bereschdigt.<br />
Sofort rüschdet der Maumer uff<br />
un schützt sei Zischterbecke.<br />
Mit em Netz des driwer liegt,<br />
will er de Reschd noch rette.<br />
Doch des liewe Federvieh,<br />
kummt wieder zu seim Vesper.<br />
Der Vogel war wohl ah wie er,<br />
im 30. Semester.<br />
Des allzu schlaue Federvieh,<br />
muss er mit onere Mittel schlare.<br />
Er beginnt um sei Forelle,<br />
Geschütze uff zu fahre.<br />
Ringsrum alles zu gebaut<br />
un noch emol e Netz.<br />
Doch er hot den Fischdieb,<br />
schun wieder unerschätzt.<br />
Dem zeig ich´s denkt er sich,<br />
denn sei Idee die isch fantastisch.<br />
Em Lade do besorgt er sich,<br />
en Fischreiher aus Plastisch.<br />
Doch net nur des zur Abschreckung,<br />
ihr Leit un des isch wohr,<br />
nimmt er tatsächlich en Pinsel<br />
und streicht den Vogel blutrot o.<br />
Denn umgebrochte Vogel,<br />
legt er so newer´s Becke.<br />
Vielleicht hilft jo jetzt des,<br />
den Fischdieb abzuschrecke?<br />
Un wirklich hot des Plastischvieh,<br />
den Fischbestond gerettet.<br />
Dass so was ah noch klappt,<br />
do hätt ich niemols druff gewettet.<br />
Vielleicht hot er jo Ängscht ghabt,<br />
oder er war satt?<br />
Wahrscheinlich hot der schlaue Vogel,<br />
awer doch nur mitleid ghabt.
Doktorred<br />
De Dokda Scholz gibt eich en Tipp,<br />
zur Vorbeugung der Schweinegripp.<br />
Die Osteckungsgfahr isch zwar gering,<br />
weil en Kerwe meischt nur Rindviecher sin.<br />
Trotzdem ihr Leit schittelt net jedi Hond,<br />
wenn ihr a oner kennt e Kopfnicke longt.<br />
Basst ma uf wege H1N1,<br />
wen ihr e oners Glas nehmt donn bitte net meins.<br />
Zu guter letzt uf´m WC,<br />
immer scheh die Händ Wäsche geh.<br />
Donn nadierlich gonz viel trinke,<br />
donn dut der Virus glei verschwinde.<br />
So konn eich gar nix me bassiere,<br />
so dut ihr eich net infiziere.<br />
Bleibt mir iwer Kerwe gsund,<br />
für Massepanik gibt´s kon Grund.<br />
Ich bin doch do wenn´s wirklich brennt,<br />
der Dr. Scholz den jeder kennt.<br />
Doch Sprechstund isch net vor de Elfe,<br />
vorher muss ich ma selwer helfe.<br />
Mir sehe uns eich noch viel Spass,<br />
denkt dro des zahlt ko Kronkekass.
Bürgermeischterred<br />
De Dick de Olivje dut eich begrieße,<br />
es isch widder Kerwe un des du ma begieße.<br />
Die im Rothaus die schmeisse ma naus,<br />
des hält ma doch longsom nimmi aus.<br />
Nur noch Urne im Rothaussaal,<br />
sind do so viel gstorwe des isch doch net normal?<br />
Nur noch Wahle un Stimme zähle,<br />
awer en Dick den braucht man et wähle.<br />
Ich nehm des Ruder ofach in die Hond,<br />
der Jögl der hot abgedonkt.<br />
Un so werd´s iwer Kerwe lafe,<br />
do sin jetzt mei Paragraphe.<br />
§ 1: Wer fa e Wohnmobil en Carport baut,<br />
soll erscht mol gucke wie viel Platz so was braucht.<br />
§ 2: Hüpfburgen bei Hallenparty´s sin fa Kinner, net um<br />
Kinner zu machen.<br />
§ 3: Die Gleise Richtung Meckse sin wohl aus <strong>Mauer</strong>,<br />
denn fa die Meckser sin sie zu hoch.<br />
§ 4: Bahnhofzoo WWF isch unerwegs<br />
un befreit sämtliche Ziege in Streichelzoo´s.<br />
§ 5: Uf SPD Party´s werd geschmuggelt bis de Zoll kummt.<br />
§ 6: Dem Haushalt vun Meckse fehle 300 000 Euro, bitte de<br />
Hut rum gehen losse.<br />
§ 7: Bitte alde Waschbecke un Klos net uf de Stroße die grad<br />
umgebaut were entsorge.<br />
§ 8: Autos iwer Kerwe stehe losse in de Garasch, wenn ma<br />
sisch net einisch isch ob rei oder naus.<br />
§ 9: Wer mim Löschfahrzeig onere nass mache will, sollt<br />
erscht mol gucke ob Wasser im 1000 l Tonk isch.<br />
§ 10: Liewer Moos uf´m Dach als im Rothaus drin.<br />
So des sollt fa heit mol longe,<br />
jetzt werd uf die Kerwe gonge.<br />
Des Kerwezelt isch fa eich offe,<br />
ab geht´s nei mol oner gsoffe.<br />
Ihr werd sehe bei uns isch´s widder scheh,<br />
viel Spaß wüscht eich de Dick de Olivje.
Werbung<br />
Dick<br />
Werbung<br />
Stützle-Müller
Ko Eis om Gleis<br />
Ach wie werd der Bohof sche,<br />
bald gibt´s do a e Eiscafe.<br />
Uff de oner Seit do gibt’s Praline<br />
un des alles glei newer de Schiene.<br />
Des hot sich a de Jörg gedenkt,<br />
sei Fahrrad Richtung Bohof g´lenkt.<br />
Um noch em Reschte mol zu seh,<br />
wie isch doch bloß sei Gmeinde sche.<br />
Doch ons do drausse gfällt ihm net,<br />
do baut doch oner grad e Trepp?<br />
Er sescht weil´s liegt ihm uff de Zung,<br />
„ Do fehlt die Baugenehmischung“.<br />
Zu diskutiere hot kon Zweck,<br />
der Jörgl sescht die Trepp muss weg.<br />
„ Is awer Beton schon bestellt“<br />
Was unserm Jörgl gar net gfällt.<br />
Beim Italiener awer gilt e Wort,<br />
er setzt den Treppebau doch fort.<br />
Der Jörgl hält sei Wort halt a,<br />
die Trepp musst weg un des war klar.<br />
So fängt ma o em Cafe newer de Gleise,<br />
den Bau halt widder abzureise.<br />
Inzwische isch eh Stahltrepp dro,<br />
scheh ischs wore wirklisch wohr.<br />
Doch uff isch leider dort noch net,<br />
trotz der schene neie Trepp.<br />
Was hot der Jörgl a so stur sei messe,<br />
mir kennte heit schun e Eis dort esse.
Pesch beim Tschech<br />
Monsche Leit die hewe Glick,<br />
mit dene freit ma sich donn mit.<br />
Um denn wu es jetzt geht der hot´s net,<br />
deshalb für ihn eh Kerwered.<br />
In de Urlaub ging´s in die Tschechei,<br />
sei Fra und eh oners Pärle ware a debei.<br />
Mit dem Auto isch ma g´fahre,<br />
um sich die deier Bohn zu spare.<br />
Glei am erste Dag war des Auto em Arsch,<br />
hänge gebliwe in de Diefgarasch.<br />
In de Garasch vum Hotel an so em blede Eck,<br />
jeden Dag fährt er do net.<br />
Mehr gibt’s do donn ah net zu sare,<br />
also musst ma U-Bohn fahre.<br />
Do konn em Auto nix bassiere,<br />
un ma muss net selwer rumkutschiere.<br />
In de U-Bohn drin nur freundliche Leit,<br />
die losse dich durch in de heitisch Zeit.<br />
Lady´s First zuerst die Fraue,<br />
doch ma sollt halt niemond traue.<br />
Unseren Maumer steigt als letzschder aus,<br />
em Arsch guckt de halwe Geldbeitl raus.<br />
Des hewe die freundlische Männer gsehe,<br />
un konnte nimmi widderstehe.<br />
Die Dier geht uff un er geht naus,<br />
de Geldbeitl zieht ma ihm schnell raus.<br />
Die Dier geht zu was soll ma sare,<br />
de Geldbeitl isch weiter g´fahre.
Was e Elend alles drin,<br />
Trost zuspreche mescht kon Sinn.<br />
Perso, Führerchein und die Kart der TSG,<br />
der Verluscht der dut schun weh.<br />
Alles melde, sperre isch net ohne,<br />
außerdem braucht ma noch Krone.<br />
Doch die Wechselstube hewe zu,<br />
do sescht oner „Wechsele du?“<br />
Er denkt sich den Kerl schickt jetzt de Himmel,<br />
en gscheite Kurs hot der net iwel.<br />
Er wechselt viel Geld ohne richtig zu zähle,<br />
der Kerl war in Ordnung wird schun nix fehle?<br />
Die hälft ware Krone ja des stimmt,<br />
awer die oner Scheine ware Forint.<br />
Des war en deiere Urlaub in de Tschechei,<br />
dabei soll es dort so billisch sei?<br />
So e Pech des derfsch niemond sare,<br />
wie er dehom war hewe sim noch alle Leidunge ogegrawe.<br />
Un die Moral vun dere Gschicht,<br />
Leo trau de Tscheche nicht!
Umzug Impressionen<br />
aus vergangenen<br />
Jahren
Werbung<br />
Stadler<br />
Werbung<br />
Reifen Lenz
Schiffschaukel<br />
Vun unsre Elsenzschiffer gibt´s was neis,<br />
und zwar isch des bassiert in oner Schleis.<br />
En Engläner war vorher dro,<br />
fuhr in de Schleis net richtig vor.<br />
Des war halt widder very Britisch,<br />
und unser Boot stond nimmi mittisch.<br />
In de Schleis lässt ma des Wasser ab,<br />
uff omol hot ma Schlagseit g´habt.<br />
Gonz laut nur noch en Hilfeschrei,<br />
„ Mir fliege glei ins Wasser nei“.<br />
Blitzschnell hot oner reagiert,<br />
dass bloß de Flasche nix bassiert.<br />
De gute Tropfe schnell umklommert,<br />
damit denoch a koner jommert.<br />
Im Fall wonn ma des iwerlebt,<br />
un halt des Schiff net unner geht.<br />
Immer schräger wurd des Schiff,<br />
un koner hot gwisst was des jetzt isch.<br />
De oh mescht en gekonnte Sprung,<br />
un fängt die Markskleslin die wu dopse rum.<br />
Jeder versucht mit dem Eisatz vun seim Lewe,<br />
sich on irgendwas schnell fescht zu hewe.<br />
Des Schiff dut immer weiter Kippe,<br />
des Schiffkoch hot sichs Boh uffgschnitte.<br />
Sticht er des näxte mol in See,<br />
konn der als Käpt´n Ahab geh.<br />
Uffomol war der Spuck vorbei,<br />
in die Schleis lief widder Wasser nei.<br />
So rettet ma die Elsenzcrew,<br />
ma konnt jo selwer nix dezu.<br />
Die Engläner die ware schuld,<br />
oder vielleicht next mol e bissl mener geduld.
Werbung<br />
Stadler<br />
Werbung<br />
Reifen Lenz
Schlumplklau<br />
Wenn oner unser Schlumpl klaut,<br />
wenn sich des oner wirklisch traut.<br />
Wenn er donn denkt das nix bassiert,<br />
wenn er sich so verspekuliert.<br />
Wenn er donn aus de Wertschaft geht,<br />
wenn sei Auto dann uff Holzbleck steht.<br />
Wenn er sich net elo ins Rothaus traut,<br />
wenn er dezu en Beistond braucht.<br />
Wenn er kummt mim Erich Mick,<br />
wenn donn isch des e Kerwestick.<br />
Wenn er im Museum verzieht sei Miene,<br />
wenn die Radschrauwe sin in de Urzeitvitrine.<br />
Wenn oner des vun sich behaupte konn,<br />
wenn donn de Hartmut Zimmermonn.
Werbung<br />
Webung Stadler
In de Fahrstuhl „Gugge“!<br />
Omol im Johr, do isch es der Fall,<br />
do treffe sich so paar verickte, bei uns in <strong>Mauer</strong> in de Hall.<br />
Verkleidet gschminkt, Ihr Leit was für e Schau,<br />
des nenne die donn Guckemusisch un mache viel Radau.<br />
Mit viel Kostüm und noch mehr Pfunde,<br />
isch es oft net leicht.<br />
bis man den owere Teil, vun unsere schene Hall erreicht.<br />
Als Hilfsmittel bei Jedermonn, do isch was sehr beliebt.<br />
Do fährst ma donn halt nuff, weil es en Laschteufzug gibt.<br />
So ah do beim Guggetreffe, do war des dieses Johr.<br />
do nahme paar de Ufzug, des kummt jo a mol vor.<br />
Oner, zwe vun mir aus drei, konn des Ding noch packe,<br />
awer doch ko sechse, die hewe doch en Macke?<br />
Zu sechst mit ihre Guckeronze, drigge die sich doch do nei.<br />
Oner schwerer wie de onere, wie konn denn so was sei.<br />
Luft ohalte, Bauch eiziehe un schun ging es los.<br />
Die Fahrstuhldier ging grad so zu, die Erleichterung war groß.<br />
En korze Ruck un nix me ging, nadierlich blieb ma stecke.<br />
Bei de sechs Dicke Atemnot, ma muss sie gonz schnell rette.<br />
Die Konservefahrer innedrin, die schnappte schun noch Luft,<br />
wie gut das ma do drauße, schun die Feierwehr oruft.<br />
Die sin donn a glei ogerickt, mit Ehrgeiz halt wie immer.<br />
Lauter als die Guggemusisch, mo mont es wär viel schlimmer.<br />
Doch die Kerl ware glei do, de Dufter vorne naus.<br />
Die holte unsren 6er Presssack, aus dem Laschteufzug raus.<br />
Für 6 Personen zugelost, maximal 400 Kilo un net mehr.<br />
6 Personen über 700 kg, waren do halt viel zu schwer.<br />
Doch mit dem Lese hot ma´s net, die kenne bstimmt ko Note.<br />
also Leit des nexte mol, isch de Fahrstuhl halt verbote.
Herrmann<br />
Wir möchten uns bei allen<br />
Spendern und Gönnern des<br />
1.<strong>Kerweverein</strong> <strong>Mauer</strong> e.V.<br />
für das gelingen des dies-<br />
jährigen Kerweumzuges<br />
recht herzlicht bedanken!
Zum Schluss<br />
Des war´s ol widder liewe Leit,<br />
isch hab genug gebabbelt heit.<br />
Sche war awer dass ihr seid all kumme,<br />
hot uns die Wertschaftkries a mitgenumme.<br />
So moncher hot schun abgewrackt,<br />
bei de Angie wieder´s Kreiz gemacht.<br />
A geht es nach Südafrika,<br />
was immer kummt und was a war.<br />
Losst eich die Laune net verderwe,<br />
denkt dro mir sin uff de Kerwe.<br />
Un stellt a bloß widder was o,<br />
isch les es donn a next Johr vor.
Werbung<br />
Sparkasse