Juli 2011 [PDF, 3.00 MB] - Samedan

8
Excursiun da la 6evla B our a Cuira
Gövgia, ils 21 avrigl 2011
La 6. classa B da Samedan cun sias duos
magistras duonna Claudia e duonna
Chatrina, ho fat ün’excursiun our a Cuira
i’l Museum d’art.
Il prüm essans ieus ün’ura e mez cul tren.
Lo vainsa fat gös, vains mangio e vaivans
bger da rir. Rivos a Cuira essans ieus aint
il Museum d’art, chi’s rechatta aint illa
villa da Jacques Ambrosius de Planta.
La duonna, chi ho mno tres l’exposiziun,
vaiva nom Alexa Giger. Ella ho quinto
dals ans ils pü greivs per ils pittuors
Martin Spescha e Lenz Klotz e che ch’els
haun fat landrour.
Il prüm essans rivos in üna staunza cun
ün purtret da Lenz Klotz ed ün da Martin
Spescha. Lo vains vis cha Lenz Klotz ho fat
purtrets cun strichs e cun las trais culuors
fundamentelas.
La classa davaunt un purtret da Lenz Klotz
L’artist Leandro, inspiro da Lenz Klotz
la padella nr. 7/2011 | www.samedan.ch
Ma nus vains eir vis, cha Martin Spescha
ho fat sieus purtrets cun cumbinaziuns da
figüras. In tuot l’exposiziun vainsa pruvo
da chatter our, che chi’d es gnieu disegno.
In üna staunza vains nus pruvo da
fer ün purtret da Lenz Klotz e nus svess
eirans ils strichs.
Imitaziun d’un purtret da da Lenz Klotz
Zieva essans ieus aint il atelier dal museum
e lo vainsa pudieu pittürer svess ün
purtret illa tecnica da Klotz u da Spescha.
Tuot la classa ho pruvo da copcher a Lenz
Klotz:
Aint il atelier
Las artistas Laura e Manuela
Ils artists Laurint e Junior
L’artist Alexander
Cun quista lavur es ida a fin nossa
interessanta visita dal museum.
Da lo davent vainsa alura pudieu ir a
manger e per las butias intuorn. A las
14:45 vaivans dad esser a la staziun. Cun
ir a chesa vainsa darcho gieu bger da rir.
Quist di our a Cuira es sto bger memma
cuort, ma però fich interessant ed alleger!
> Per la 6. classa B, David Walpen
PS: Noss purtrets as pudess cumprer als
5 lügl 2011 a partir da las 19.00 illa Sela
Puoz a Samedan.