Hinweise der Redaktion: - Stadt Grünhain-Beierfeld

Vereinsmitteilungen
Aus dem Vereinsleben
im Stadtteil Beierfeld
Unser Original lebt nicht mehr
Manuskript ”Der Spiegelwaldbote” Nr. 11/2006
Zusammenfassung
Seite 15 von 25
Am 25. Mai 2006 verstarb das Beierfelder Original Willi Klitzsch. Am 18. April d. J. feierte
er noch seinen 95. Geburtstag. Sein Leben lang war Willi mit seiner Heimatgemeinde verbunden.
Viele Jahre trat er als Löffelmacher zum Löffelmacherfest auf und brachte seine Fans mit
seinem Humor und in erzgebirgischer Mundart zum lachen. Zum 2. Löffelmacherfest 1995
gab es einen spontanen Auftritt. An das was er damals zu den Löffeln sagte sei nochmals erinnert:
Wos is dee eigentlich a Leffel, ihr misst emol bedenken wos dor Leffel fürn Mensch for eine
Bedeutung hot. Nu will ich eich emol e bissel wos weismachen, e Professor tät sog´n: „Die
Bedeutung des Löffels für das menschliche Leben“. Am Afang, dos wist ihr allezamm, do
kimmt mer auf dor Walt. Wenn mer akimmt, dos hot eigentlich net viel mitn Leffel ze tu, do
brauch´n se kenn Leffel. Aber suu weit wie iech denken kaa, dor Storch war fort, nochert sooß
blus noch de Hebamme dort und die saat of amohl: „Brengt nar mohl in Leffel“, die alle derbei
wahrn wußten gar net wos se wollt, aber nochert saat se tut´n mohl har, und dann hot´se
enn Würfelzücker draufgetaah un fünf Harzdropp´n, un die hoot nochert de Wechnern kriecht.
Ich mahn dos hot für mich noch kaa Bedeutung. Ich hat egal ner zu tu, blus ze zullm, blus zu
lutschen dos de a e´wos zen Laabn hatst. Ersch speter kam nochert der klaane Leffel und do
war Brei drauf, un dar wurd mit´n Hudel nochgestoppt und de Mutter saaht: „Ne as´ner racht
mei Klaaner, des de gruß un stark warst“. Ja, un nochert dar schach´st Leffel war dar, ich
waaß net wie des Gelump haast, dos hoot e su bitter geschmeckt und do saatn´se do täht mor
straffe Knochen derfuu krieg´n. Leebertraan ooh, wenn iech heit noch draa denk muß iech
noch speie. Nu nochert hat´ste alleweil weniger mit´n Leffel zu tu´. Of ahmohl hieß´is:
„Klaaner, du kimmst fei nei dar Schul´, nuu sparr aber de Leffeln auf!“, do wußt iech net was
se gemaahnt hab´n. Erscht nochert hob iech´s gemarkt wu se saaht´n: „Klanner wenn diss
epper net begreift, do krichste a paar hinter de Leffeln“. Nochert wußt iech erscht wos luus
war. Ja, mer hot sich dann su langsam durchgefraß´n. Wu iech gelaarnt hoo, war mer fruh,
wenn de e wos ze leffeln hats´t. Nochert hatste ne Gungfer, na ja do hat mer mit de Leffeln ah
nischt ze tu´. Aber nochert ging´s luß, noch dr Heirat. Die drimmrimm standen, die saat´n:
„Ne waar´n se de aah e wos ze leffeln hamm mitenanner?“ .......... Na ja ihr Leit, iech muß
eich soog´n, am liebsten tät ich itze fort gieh´, denn itze kimmt dar schlachste Tahl vum Leffel.
Iech hob´dann enn kriecht, dar zen zammklappen war. Ihr markt es tut mich heit noch
berührn´. Sieb´n Gahr hob´iech mich rimmgetrieb´n mit denn zammklappar´n Leffel. Es war a
noch e Kochgeschirr derzu. Un die die die Zeit wirklich überstanden hab´n, hatt´n als se
hamm kumme sei wieder net viel ze leffeln. Un dann hot of ahmol is Kreiz wehgeta´ un du
kunnst de Schuh nimmer ahzieh. Do kahm e annerer Leffel - dr Schuhleffel. Mir sog´n zwar
Schuhazieher, aber of neu haßt´s „Schuhlöffel“. Un dann zwickt´s iberall un dann mußté zen
Dokter un dar soogt: „Mein lieber, zwei Löffel von der Arzeinei jeden Tag.“ Naja mer tut nu
suu hiefristen un off ahmohl is vorbei, nochert is dar letzte Odenzug naus, un wos haaßt´s
nochert, nu hot´er in Leffel ah waggelegt. Dos is eigentlich e schlachte Bedeitung für´n Leffel,
aber mer woll´n ja heit net Triebsaal bloosen, mer woll´n lustig sei un fröhlich. Is is alles