Gem Brief 201101.pub - kreuzkirche.co.za

Uit pastor se pen
Tot onlangs het ons gevra: God waar is U/JY?
Hierdie vraag het ons altyd gelei om God êrens te lokaliseer, sonder
dat ons baie suksesvol was buiten om te sê dat God in die hemel is
nie. Dikwels het mense daarvan afgelei, dat God in hul daaglikse
lewe afwesig is of net ’n toeskouer, wat onbetrokke toesien hoe mens
sukses beleef of faal.
‘n Onbetrokke God lei die mens in die diepste eensaamheid waar hy/
sy heeltemaal op sy eie gestel is. Daar kan van geen toenadering of
barmhartigheid sprake wees nie. Miskien selfs tot die insig kom, die
mens is sonder God, al bestaan hy. God bly ontoeganklik!
‘n Nuwe vraag word nou formuleer: “Wie is U/JY, God?”
Agter hierdie vraag skuil die erkentenis, dat dit ’n onbegonne taak is
om die bestaan van God te bewys aldan nie. God is nie in die hand
van die mens nie, maar miskien is die mens in die hand van God.
Hierdie is nie meer ’n stelling wat bewys kan of moet word nie, maar
’n stelling van geloof of insig, daar is ’n groter realiteit wat op een of
ander wyse betrokke is by ons menswees. Dus die vraag, in ligter
luim gestel: wie krap daar in my lewe rond — positief of negatief? Is
dit iemand wat verwoesting saai ....? Of ....?
Meteens word ons oplettend oor dit wat met ons in ons lewe gebeur
en ons begin om te luister na dit wat ons kan verneem. Ons slaan ag
op hom/dit wat agter, of binne in, gebeure skuil. Wie is jy, wat my
dryf? Dit word dan ook moontlik om God nie net in die suksesverhale
van die lewe te soek nie maar ook daar waar die mislukking seëvier
— ook die persoonlike mislukking.
Woorde van baie Psalms kan ons nou in ‘n ander lig verstaan waar
die hulpkreet van die mens luidkeels tot uiting kom. ’n Geweldige
bemoediging om die eie vrae op soortgelyke wyse aan HOM te rig.
God seën ons almal op pad, HOM op ‘n nuwe wyse te ontdek.
4