Ausgabe 3/2009 - Schibri-Verlag

PLattSnaCKerS 25
Mit Teller
Upschräben von Karl-Ernst Gall
1.
2.
Vör korter Tied, dor seet einmal
Ernst Hall, bi Jonscher in‘t Lokal.
Hei wull, so dacht hei, gliek doch bäten
in aller Rauh tau Middach äten.
Hei nimmt nu Platz, und as hei sitt,
dor süht hei, dat dor in dei Mitt’
dat Dischdauk siehr väl Plecken hett
von Rotkohl, Bradensoß und Fett.
Dei wieren sicher alltausamen,
dörch Kleckeri bi‘t Äten kamen.
So roeppt hei furts den‘n Kellner ran
Und secht tau em: „mien leiwer Mann,
dormit Sei dat uck nich vergäten,
ick mücht nich von dit Dischdauk äten.“
Dei Kellner nu, mit‘t fründlichste Gesicht:
„Mein Herr, dat bruken Sei uck nicht.
Sei sünd doch hier in‘n „Fürstenkeller“,
dat Äten gifft hier uppen Teller.“
An so‘n Sündag wo ’n nu schon unnerwägs is dröpt ’n Lüd,
de‘n lang nich begägnet is un snackt to‘n Bispill so:
Dei Schönheit
vertellt von Karl-Ernst Gall
1.
2.
3.
Hans-Heinrich Sänger und Max Häger,
beid’ stadtbekannt as Schoertenjäger,
dei dräpen sich nah langen Johren
dörch Taufall up den‘n Mark’ in Wooren.
As sei sich seihn, dor roept Hans Sänger:
„Minsch Häger. oller Rottenfänger,
ick heff all glöwt, Du läwst nich mihr
und nu steihst Du leiwhaftig hier.“
Uck Max dei freucht sich, kiekt und lacht;
„ich heff so oft all an Di dacht
und uck an Dine Fru Babett,
dei fünn ick all as Diern so nett;
ick wier för ehr mal Flamm und Füer,
sech, is die noch so schön as früher?“
4.
„Ja“, strahlt Hans-Heinrich, schön wie nie,
dat gifft doch schließlich nauch Chemie,
doch för ehr Schönheit“, gniest Hans Sänger,
„dor brukt sei hüt poor Stunden länger.“
odder mach uk sin dat sich so wat ähnliches afspält:
Wat tau väl is, is tau väl
uk noch ees vertellt von Karl-Ernst Gall
1.
2.
3.
Dei Rentner Plich und August Länck,
dei sitten beid’ up eine Bänk.
Dor knurrt bedächtig Martin Plich:
„so is dat“ – und mihr secht hei nich.
So sitten sei nu up ehr Bänk
und nah twei Stunden knurrt uck Länck
und schuult nah Plichten vuller List,
„jaja, jaja, so ist, so is‘t.“
Den‘n nächsten Dach sitt Martin Plich,
wiet aff allein und denkt bi sich:
dit is‘n Sägen – Gott sei Dank,
Länck räd ’tauväl, dat makt mi krank.
Will‘n man hoffen dat de Politikers uk uns lütte Lüd nich vergäten
un bi dat ganze Gerangel üm de Kreisgebietsreform genau
afwägen wat Vördeele bringt.
Doch ick denk so männichmal, dat wi Doerplüd uns uk mihr
dörvör intressieren süllen wat so in uns Heimatdörp passiert.
Nich blot denken – dat geht mi nicks an – un hinnerher schimpen
as Düwel kumm rut. Gohn ’Se doch öfter ees in de Spräkstunn
von de Gemeindevertreter odder räden ’Se de, wenn Se wat
up‘n Harten hemm, doch eenfach up de Straat an. Oewer dat
süllen de, de wi wählen uk öfter ees maken.
Allen‘s Gode bit to‘n nächsten Neveriner Amtsblatt
Marie-Luise Beier
Karl-Ernst Gall-Bücher im Schibri-Verlag
1) Späuken ut Vörpommern Platt
EUR 5,20 • 1999 • 85 Seiten • ISBN 3-933978-00-9
2) Gefohren luern överall
EUR 5,20 • 2002 • 78 Seiten • ISBN 3-933978-54-8
3) Half un Half un Ridderschlach
EUR 8,00 • 2005 • 64 Seiten • ISBN 3-937895-06-x
zu 1) Dit Späukenbauck, so heff ick dacht,
is gaud för jeden, dei giern lacht.
För Minschen dei uns Plattdütsch moegen,
so recht tauën Gniesen und taunën Hoegen.
So, wie dei Späuken, dei hier schräben,
so bunt und prall is uck uns Läben.
Lang hen und nutz doch disse Stunnen
und süh, denn hest di sülben funnen.
zu 2) Die Geschichten von Karl-Ernst Gall erzählen mit viel Humor
von den vielen kleinen und großen, mehr oder weniger ernst
zu nehmenden Gefahren, die überall im Leben, bei jeder Gelegenheit
auf unsereins lauern.
zu 3) Schräben Schrift is wie ’ne Strat
Die man gahn möt Schritt vör Schritt
Un dat Läben gifft den’n Rat:
„Gah, nim Mut un Hoegen mit.“