Ausgabe 3/2009 - Schibri-Verlag

24 PLattSnaCKerS
Nu sünd de iersten Mande von dat Johr 2009 all wedder vörbi.
Finnen Se nich uk, dat wi von’n Winter glieks in den’n Sommer
kamen sünd, denn de’ April har doch männichmal all hoge
Sommertemperaturen. Ne Bekannte meente wi wier’n glieks
von de Winterstäwel in de Sandalen stägen.
Wobi de Isheiligen in’n Mai ganz schön kolle Dach bröcht hemm.
Ahn dicke Jack wier dat abends bi’t Grillen bannig kolt.
Wenn’t uk allens een bäten
dörchenanner is so mit de
Natur, dat de Blaumen all väl
tiediger bläugen as dunnemals,
so steht de Pfi ngstros
dit Johr to Pfi ngsten vull in
de Bläut.
In dissen Frühjohr sünd ja nu wedder de Wahlen för uns direkten
Vertreter in de Dörpers un de Kreise. De Wochen för
de Wahlen sünd de Postkastens vull mit Zettels mit väle Verspräkungen.
Wat mi oewer een
bäten verwunnert, dat sich so
wenige vörstellen för de Wählers
un Räd un Antwurt stahn.
Hüt is dat ja nich mihr so wie
früher dat so’n Upstand makt
ward, wenn mal ne högere Persönlichkeit
to Besök kümmt.
Sicherlich is uk allens een bäten
schön schmückt un de Lüd
stahn up de Straat un klatschen
oewer den’n swarten stiefen
Antog treckt deswägen keen
Minsch mihr an.
Karl-Ernst Gall een plattdüutschen
Mundartdichter ut Pasewalk
hett in eenen Snack mal
vertellt, wat passieren kann wenn een Herr von hogen Rang
un Namen sich anmellt hett – hür’n Se mal to.
Pienlich
1.
2.
3.
4.
5.
Ein Herr von hogen Rang und Namen,
wull tau Besäuk nah Pom mern kamen,
und wie‘t so is bi sone Saken,
uck gliek noch Revision mit maken.
Doch meint so mancher in Stettin,
wotau süll dat woll deinlich sin,
dat bringt bloß Unrauh in die Straten;
am besten wier‘t hei würd’ dat laten.
Dei ganze Rat orakelt nu uck rüm,
wie man dees Schnüffeli verhinnern künn;
bet Ratsherr Gau meint: „Gott sei Dank,
wie gäben ierstmal ’nen Empfang.
Dor lat’ wie em an‘n Proppen rüken,
und nahstens ward hei denn schon düken.
Doch würd’ em dat woll sihr verdreiten,
wenn wi em nich Willkommen heiten.“
Drüm dacht as Grußwurt Koppherr Knut
Sich dorför wat Besondres ut:
„EIN GRUSS SOLL EUCH ENTGEGENDONNERN
AUS VORDER- UND AUS HINTERPOMMERN.“
Snack mal ‘n bäten Platt
6.
7.
8.
9.
10.
Dit fünnen sei nu allsamt gaut
und haren wedder frischen Maut.
Dei Tied vergüng, dei Dach keem ran,
dei Rat dei stünn piel wie ein Mann.
Die Bürgermeister in‘t Ornat,
lecht sich sein Räd’ nochmal parat,
as plötzlich buten vör dei Dör,
führt Exzellenz nebst Anhang vör.
Furts is dei Rat heil upgeräächt
und kümmt gliek dörch dei Dör gefäächt.
Dit is dei Ogenblick för Knut,
denn hei bringt nu sie‘n Hochraup ut.
Gliek lecht hei los, so dull hei kann
Und schon verhaspelt sich dei Mann:
„EIN GRUSS SOLL EUCH AUS VORDERPOMMERN
UND EINER AUS DEM HINTERN DONNERN.“
Jetzt kümmt dat „BRAVO“, so Gott will,
doch jeder is beträden still;
und schadenfroh grient Ratsherr Kluft,
„recht pienlich ist, doch bringt’ uck Luft.“
Wen‘n denn up den‘n Zettel
sein Krüz makt hett, kümmt
eenen so in‘n Kopp, hoffentlich
maken de, de man wählt
hett uk wat för de Lüd. Nich
dat de ganze Politik nur ut
eene Kabbelie twüschen de
Partein besteht. Nah den
Wahlgang kann den‘n een
odder annern passieren dat
dat so mulmig in‘n Buk ward
un man sich denkt – ach
löttst di dat Äten hüt in‘n
Krog updischen.
Villicht passiert dit:
Mit Appetit?
Upschräben von Karl-Ernst Gall
1.
2.
3.
4.
Bi Kräuger Frank sitt Koopmann Risch
mit einem Fremden an den‘n Disch
und täuwt geduldig, weltvergäten
up sien bestelltes Middachäten.
Na, endlich schlääpt dei gaude Mann
uck dat gewünschte Wellfl eisch ran;
und Rischens Mien ward hell und heller
as hei dat Fett süht up den‘n Teller.
Dei Fremde an den‘n Disch schnitt ein Gesicht
und secht: „bi so ein Fettgericht,
dor ward mi all von‘t Kieken schlicht,
dat eet ick doch för‘t Läben nich.
Hier würd’ ick loopen mielenwiet;
Dat äten Sei mit Appetit?“
„Ne“, lacht nu Risch mit sanft Gemüt;
„Ick ät dat hüt mit Tüftenklüt.“
odder dit: